JOEL 2:10 - Khasi CL Bible (BSI)

¹⁰ Ka pyrthei ka khih katba ki nang tur; ka sahit bneng ka khynñiuh. Ka sngi bad u bnai ki kylla dum, bad ki khlur kim shai shuh.

KA BAIBL

¹⁰ Ka khyndew ka kyiuh ha khmat jong ki; ki bneng ki ïakhynñiuh: ïa ka sngi bad ïa u bnai la pyndum, bad ki khlur ki khang ïa la ka jingtyngshaiñ:

JOEL 2:10 ပူးပေါင်းရင်းမြစ်များ

SALM 114:7

To khynñiuh, ko khyndew, ha ka jingwan jong U Trai, ha ka jingdon ryngkat jong U Blei jong u Jakob,

SALM 18:7

Nangta ka khyndew ka la khynñiuh bad ka la khih; ki nongrim jong ki lumbah ki la khynñiuh bad kyiuh, namar ba U Blei u la bitar.

ISAÏAH 13:10

Uwei pa uwei u khlur bad kawei pa kawei ka thup khlur kin sangeh ban tyngshaiñ, ka sngi kan long kaba dum haba ka mih, bad u bnai un ym ai kano kano ka jingshai.

ISAÏAH 34:4

Ka sngi, u bnai bad ki khlur kin lwet jin. Ka sahit bneng kan jah noh kum ka kitab ba la kli, bad ba ki khlur kin hap kum ki sla na u dieng sohwaiñ bad u dieng Dumbur.

ISAÏAH 5:30

Haba kata ka sngi ka poi, kin kyrhuh halor ka Israel da kaba jam kum ka duriaw. Ha khmih ïa kane ka ri! Ka jingdum bad ka jinglyng-a! Ïa ka jingshai la nguid da ka jingdum.

JEREMAÏAH 4:23

Nga la khmih ha ka pyrthei — ka la long ka jingsep ei suda, ha ka sahit bneng — ym don kano kano ka jingshai.

JOEL 2:2

Kan sa long ka sngi kaba dum bad kaba pynlong jingkhuslai, ka sngi kaba ïong bad ba-dum lyoh. Ka kynhun bakhraw jong ki puit ka tur kum ka jingdum kaba pyiar halor ki lumbah. Ym ju don mynno mynno ruh kum kane, bad yn ym don shuh lano lano ruh.

JOEL 2:31

Ïa ka sngi yn pyndum, bad u bnai un kylla saw kum ka snam shuwa kata ka sngi bakhraw bad bashyrkhei jong U Trai kan wan.

JOEL 3:4

“Kaei kaba phi pyrshang ban leh ïa nga, ko Tyros bad Sidon, bad baroh ki jaka jong ka Philistia? Hato phi pyrshang ban siew pat ïa nga na ka bynta kaei kaei? Lada phi leh kumta, ngan siew kylliang kloi kloi pat ïa phi!

AMOS 5:8

U Trai u la thaw ïa ki khlur, ki Pleïades bad Orion, u pynkylla ïa ka jingdum sha ka jingshai mynsngi, bad ïa ka sngi sha ka miet. U khot na ka bynta ki um jong ka duriaw bad theh ïa ki ha sla khyndew. Ka kyrteng jong u ka dei U Trai.

NAHUM 1:5

Ki lumbah ki khynñiuh ha ka jingdon ryngkat U Trai; ki lumrit ki um noh ha khmat jong u. Ka pyrthei ka khih haba U Trai u mihpaw; ka pyrthei bad ki briew jong ka baroh ki kyiuh.

MATHAÏOS 24:29

“Shen hadien ka jingjynjar jong kito ki sngi, ka sngi kan dum, u bnai un ym tyngshaiñ shuh, ki khlur kin hap na bneng, bad ki bor ha ka haw haw kin shah beh na ki lynti jong ki.

MATHAÏOS 27:51

Nangta ïa ka pyrda kaba la wah hapoh ka Templ la kad arliang naduh khlieh haduh tbian. Ka khyndew ka la khynñiuh, ki mawsiang ki pra la ka jong ka jong,

KI KAM 2:20

ïa ka sngi yn pyndum, bad u bnai un kylla saw kum ka snam, ha shuwa Ka Sngi kaba khraw bad kaba donburom jong U Trai ka wan.

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.

JINGPYNPAW 6:12

Bad nga la ïohi ïa U Khunlangbrot ba u pynpait ïa ka jingpyndait kaba hynriew. Ka la don ka jingkhynñiuh jumai kaba jur, bad ka sngi ka la kylla rong ïong kum ka jaiñ ïong kaba khain, bad u bnai u la kylla rong saw kum ka snam.

JINGPYNPAW 8:12

Nangta u angel uba saw u la put ïa la ka turoi. Shi bynta na ka lai bynta jong ka sngi la shoh, bad shi bynta na ka lai bynta jong u bnai, bad shi bynta na ka lai bynta jong ki khlur, ba ka jingshai jong ki ka la jah noh shi bynta na ka lai bynta ka jingtyngshaiñ; ym shym la don jingshai ha ka shi bynta na ka lai bynta jong ka sngi bad ïa ka shi bynta na ka lai bynta jong ka miet.

JINGPYNPAW 9:2

U khlur u la plie ïa ka liewlong ba khlem trai, bad ka tdem ka la mih puk na ka, kum ka tdem na ka lawar ding kaba heh; ïa ka jingshai ka sngi bad ka suiñbneng la pyndum ngaiñ da ka tdem na kata ka liewlong ba khlem trai.