JOEL 2:1 - Khasi CL Bible (BSI)

¹ To put ïa ka turoi, to pynsawa ba don jingma ha Seïon, u lum bakyntang jong U Blei. To khynñiuh, ko ki paid Judah! Ka sngi jong U Trai shen kan sa wan.

KA BAIBL

¹ “To put ïa ka ronsing ha Seïon, to put ïa ka jingmaham ha u lum bakhuid jong nga; ai kin khynñiuh kiba shong ha ka ri baroh: naba ka sngi U Trai ka wan, naba ka la jan;

JOEL 2:1 ပူးပေါင်းရင်းမြစ်များ

1 KHRONIKL 15:28

Te baroh ki Israel ki synran ïa ka Synduk ka Jutang haduh Jerusalem ryngkat bad ki jingrisa jong ka jingkmen, ki sur jong ki turoi, ki ronsing, bad ki shakuriaw, bad ki jingtem ha ki duitara.

SALM 119:120

Namar jong me nga sheptieng; la pyndap ïa nga da ka jingtieng namar ki jingbishar jong me.

SALM 87:1

U Trai u tei ïa ka nongbah jong u halor u lum bakyntang,

EKSODOS 10:14

Kita ki puit ki wan kynhun kynhun bad ki dem ha ka ri baroh kawei. Kat kata ka jingbun ki puit ym pat ju ïohi mynno mynno lane yn ym ïohi shuh lano lano ruh.

ISAÏAH 13:6

To ud ha ka jingpang! Ka sngi ka jong U Trai ka la hajan, ka sngi ha kaba U Badonbor Baroh u wallam ka jingpynjot.

ISAÏAH 13:9

Ka sngi ka jong U Trai ka wan — kata ka sngi barunar jong ka jingbitar bashyrkhei bad bashla jong u. Ïa ka pyrthei yn pynlong ka ri khlaw, bad ïa uwei pa uwei u nongpop yn pynjot thiaw.

ISAÏAH 2:12

Ha kata ka sngi U Trai Badonbor Baroh un pynpoh ïa uwei pa uwei uba khrawbor, ïa uwei pa uwei uba sarong bad uba sngewmeng.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

JEREMAÏAH 16:10

“Haba me ïathuh ha ki ïa kane baroh, kin kylli ïa me balei ba nga la kut jingmut ban pynshitom tyngeh ïa ki. Kin kylli kaei ka kam runar kaba ki la shah pynrem bad kaei ka pop ba ki la leh pyrshah ïa U Trai U Blei jong ki.

JEREMAÏAH 16:7

Ym don mano mano ban bam lane dih badno badno ban pyntngen ïa u mynba iba ieit bathoiñ i ïap. Ym don mano mano ban pyn-i jingsngewlem, wat ïa uta uba la duh noh ïa la u kpa lane ïa ka kmie.

JEREMAÏAH 4:5

To put ïa ka turoi ha kylleng ka ri! To pyrta jam bad shai kdar! Ïathuh ha ki briew jong ka Judah bad Jerusalem ban phet sha ki nongbah ba la ker kynroh.

JEREMAÏAH 5:22

Nga long U Trai; balei phim sheptieng ïa nga? Balei phim khynñiuh ha khmat jong nga? Nga la buh ïa u shyiap kum u pud jong ka duriaw, u pud uba neh ba kam lah ban jam palat. Ka duriaw ka lah ban kynting, hynrei kam lah ban leit palat ïa u; ki jingat phyllung ki lah ban kyrhuh, hynrei kim lah ban ksam lyngba.

ESEKIEL 12:23

Mynta ïathuh ïa ki ïa kaei kaba ma nga, U Trai Nongsynshar nga don ban ong shaphang kata. Ngan buh ka jingkut ïa kata ka proberb. Yn ym ïai kren shuh ïa ka da lei lei ha Israel. Pynban to ïathuh ïa ki: Ka por ka la wan, bad ki jingïathuhlypa ki la urlong shisha!

ESEKIEL 21:12

To jlew da ka jingsngewsih, ko khun u briew; kane ka waitlam ka dei na ka bynta ki briew jong nga bad na ka bynta ki nongïalam ki Israel baroh. Ïa ki yn pynïap lang bad kiba sah baroh na ki briew jong nga. Tied ïa la ka shadem ha ka jingnoh mynsiem!

ESEKIEL 30:3

Ka sngi ka la jan, ka sngi haba U Trai un leh, ka sngi jong ki lyoh bad jingjynjar ïa ki jaitbynriew.

ESEKIEL 33:3

Haba u ïohi ïa u nongshun ba u wan poi, u put ïa ka turoi ban maham ïa uwei pa uwei.

ESEKIEL 33:6

Lada, kumno kumno, u nongap u ïohi ïa u nongshun ba u wan bad um shym put ïa ka turoi jingmaham, u nongshun un wan bad un pynïap noh ïa kita ki nongpop; hynrei ngan pynkit pop ïa u nongap na ka bynta ka jingïap jong ki.

ESEKIEL 7:10

Ka sngi jong ka jingjot ka la wan ïa ka Israel. Ka jingleh jubor ka nang roi. Ka jingsarong ka ïeng rasong.

ESEKIEL 7:12

Ka por ka la poi. Ka sngi ka la jan, ha kaba ka jingïadie ïathied kan ym don jingmut shuh, namar ka jingpynshitom U Blei kan hap ha baroh kumjuh.

DANIEL 6:26

Nga hukum ba ha kylleng ka hima jong nga uwei pa uwei u dei ban sheptieng bad burom ïa U Blei jong u Daniel. “U long U Blei uba im bad un synshar junom. Ïa ka hima jong u yn ym pynjot lano lano ruh, bad ka bor jong u kan ym poi lano lano ruh sha ka jingkut.

DANIEL 9:16

Me la ïada ïa ngi ha kaba mynshuwa, kumta te to wat bitar shuh ïa ka Jerusalem. Ka long ka nongbah jong me, u lum bakyntang jong me. Baroh ki briew ha ki ri ba-marjan ki khmih beiñ ïa ka Jerusalem bad ïa ki briew jong me namar ki pop jong ngi bad ka jingbymman ba ki kpa tymmen jong ngi ki la leh.

DANIEL 9:20

Nga la bteng ban duwai, da kaba phla ïa ki pop jong nga bad ïa ki pop jong ki briew jong nga ki Israel, bad da kaba ïasaid bad U Trai U Blei jong nga ban pynbha pat ïa ka Templ bakhuid jong u,

HOSIA 5:8

To put ïa ki turoi thma ha Gibeah! Pynsawa ïa ka jingkyrsiew ha Ramah! Pyrta jam shaphang ka thma ha Bethaben! Tur sha ka thma, ko ki rangbah Benjamin!

HOSIA 8:1

U Trai u ong, “Pynsawa ïa ka jingmaham! Ki nongshun ki hiar kynsan shapoh ha ka ri jong nga kum ki pukni! Ki briew jong nga ki la pynkheiñ ïa ka jutang kaba nga la ïateh bad ki, bad ki la ïaleh pyrshah ïa ka jinghikai jong nga.

JOEL 1:15

Ka Sngi jong U Trai ka la jan; ka sngi ha kaba U Badonbor Baroh u wallam ka jingpynjot. Kaba haduh katno ka jingshyrkhei kata ka sngi kan wallam!

JOEL 2:11

U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?

JOEL 2:15

To put ïa ka turoi halor u lum Seïon; to ai ki hukum na ka bynta ka jingshah jingit bad khot ïa ka jingïaseng bah!

JOEL 2:31

Ïa ka sngi yn pyndum, bad u bnai un kylla saw kum ka snam shuwa kata ka sngi bakhraw bad bashyrkhei jong U Trai kan wan.

JOEL 3:14

Da ki hajar hajar ki don ha ka Them jong ka Jingbishar. Dei hangta ba ka Sngi jong U Trai shen kan wan.

JOEL 3:17

“Te ko Israel, phan sa tip ba nga long U Trai U Blei jong pha. Nga shong ha Seïon, u lum bakyntang jong nga. Ka Jerusalem kan long ka nongbah bakyntang; ki nongwei kin ym lah ban jop shuh ïa ka lano lano ruh.

AMOS 3:6

Hato ka turoi thma ka ju sawa ha ka nongbah khlem da pynlong ïa ki briew ban sheptieng? Hato ka jingjynjar ka ju ngat ha ka nongbah lymda U Trai u phah ïa ka?

AMOS 5:18

Katno kaba sngewshyrkhei kan long ïa phi kiba angnud ïa ka sngi U Trai! Kaei kaba bha ba kata ka sngi kan long ïa phi? Na ka bynta jong phi kan long tang ka sngi jong ka jingdum, bad ym jong ka jingshai.

AMOS 8:2

U Trai u kylli, “Ko Amos, me ïohi aïu?” “Shi shang ki soh,” nga la jubab. Nangta U Trai u la ong ha nga, “Kaba kut ka la wan ha ki briew jong nga ki Israel. Ngan ym kylla shuh la ka jingmut shaphang kaba pynshitom ïa ki.

OBADAÏAH 1:15

“Ka sngi ka la jan ha kaba ma nga, U Trai, “ngan bishar ïa ki jaitbynriew baroh. Ko Edom, ïa kaei kaba pha la leh yn sa leh ha pha. Phan sa ïoh pat ïa kaei kaba pha la ai.

SEPHANAÏAH 1:14

Ka sngi bakhraw jong U Trai ka la jan — ka la jan eh bad ka wan kloi! Kata kan long ka sngi kaba kthang, namar wat ki shipai kiba shlur tam kin kyang jam ha ka jingnoh mynsiem!

SEPHANAÏAH 1:16

ka sngi kaba dap da ka jingsawa ki turoi thma bad ka jingpyrta-thma jong ki shipai kiba tur ïaleh ïa ki nongbah ba la ker kynroh bad ïa ki kut bajrong.

SEPHANAÏAH 1:7

Ka sngi ka la jan haba U Trai un shong ha ka jingbishar; kumta to sngap jar ha ka jingdon ryngkat jong u. U Trai u pynkhreh ban kñia ïa ki briew jong u bad u la khot sngewbha ïa ki nongshun ban lute ïa ka Judah.

SEPHANAÏAH 3:11

Ha kata ka por, ma phi, ki briew jong nga phim donkam shuh ban lehrain ba phi la ïeng ïaleh pyrshah ïa nga. Ngan weng noh ïa uno uno baroh uba sarong bad uba sngewmeng, bad phin ym ïeng ïaleh pyrshah shuh da lei lei ïa nga ha u lum bakyntang jong nga.

SEKHARAÏAH 14:1

Ka sngi ha kaba U Trai un shong ha ka khet bishar ka la jan. Te ïa ka Jerusalem yn sa lute, bad ïa ka jinglute yn sa pynïabynta ha ka jingïohi jong phi.

SEKHARAÏAH 8:3

Ngan wan phai pat sha Jerusalem, ka nongbah bakhuid jong nga, bad ban shong ban sah hangta. Ïa ka yn tip kum ka nongbah baïaineh, bad ïa u lum jong U Trai Badonbor Baroh yn khot u lum bakyntang.

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

JINGKHEIÑ 10:2

“Shna ar tylli ki turoi da ka rupa ba la shoh tyrnem ban pyndonkam ha kaba khot lang ïa u paidbah, bad ha kaba kynriah jaka shong dara.

JINGKHEIÑ 10:3

Haba la put jlan ïa ki turoi baroh ar tylli, u paidlang baroh u dei ban ïalumlang sawdong jong me ha ka jaka rung sha ka Ïingjaiñ ka Jingdon Ryngkat jong nga.

1 KORINTH 14:8

Bad lada u briew u put ïa ka ronsing ka bym ai ka jingsawa kaba shai, uei u ban pynkhreh na ka bynta ka thma?

PHILIPPI 2:12

Kumta te, ko ki paralok ba-ieit, kumba phi la kohnguh borabor ïa nga mynba nga la don bad phi, ka long kaba donkam shuh shuh ba phi kohnguh ïa nga mynta haba nga don jngai na phi. To ïai trei da ka jingsheptieng bad ka jingkhynñiuh ban pyndep noh ïa ka jingpynim jong phi,

1 THESSALONI 5:2

Naba phi hi da lade phi tip bha ba ka Sngi jong U Trai kan wan kum u nongtuh mynmiet.

JAKOB 5:8

Phi ruh phi dei ban long kiba ïaishah. To batskhem ïa ki jingkyrmen jong phi, naba ka sngi ka jingwan U Trai ka la jan.

1 PETROS 4:7

Kaba kut jong kiei kiei baroh ka la jan. Phi dei ban long kiba lah ban synshar ïa lade bad kiba sharai, ban lah ban duwai.

JINGPYNPAW 6:17

Ka sngi batriem jong ka jingbitar jong ki ka la poi, bad uei uba lah ban ïeng pyrshah ïa ka?”