JOEL 1:18 - Khasi CL Bible (BSI)

¹⁸ Ki masi ki ïa-pah ha ka jinglanot namar ym don jaka phlang na ka bynta jong ki; ki kynhun langbrot ruh ki shah jynjar.

KA BAIBL

¹⁸ Katno ki ïa-ud ki mrad! ki kynhun masi ki ïalyngngoh, namar ba kim don phlang; ïa ki kynhun langbrot ruh la pynjot noh.

JOEL 1:18 ပူးပေါင်းရင်းမြစ်များ

1 SYIEM 18:5

U Ahab u ong ha u Obadaïah, “Ïa ngin ïaleit ban khmih ïa baroh ki umpohliew bad ki wah ha ka ri, ban shem la ngi lah ban ïoh phlang ban pyndap bam na ka bynta ki kulai bad ki khashor ba kin ym ïapthngan. Lehse ngin ym hap ban pynïap noh na ki mrad ba ngi ri.”

1 SYIEM 8:5

U syiem Solomon bad ki paid Israel baroh ki ïalumlang ha khmat ka Synduk ka Jutang bad ki kñia ainguh da bun bah ki langbrot bad ki masi — bun katta katta bym lah ñiew shuh.

JEREMAÏAH 12:4

Sa katno ba ka ri jong ngi kan tyrkhong, bad ba u phlang ha kawei pa kawei ka pyntha un ïapstai? Ki mrad bad ki sim ki ïap namar ka jingbymman jong ki briew jong ngi, ki briew kiba ong, ‘U Blei um ïohi ïa kaei kaba ngi leh.’ ”

HOSIA 4:3

Bad kumta ka ri kan sa tyrkhong, kiei kiei baroh kiba im ha ka kin ïap. Baroh ki mrad bad ki sim, bad wat ki dohkha ruh, kin ïap.”

JOEL 1:20

Wat ki mradkhlaw ki lynñiar sha me namar ki wahduid ki la rngad.

AMOS 1:2

U Amos u ong, “U Trai u kyrhuh na u lum Seïon; Ka sur jong u ka tied kum u pyrthat na Jerusalem. Ki jaka phlang ki tyrkhong, bad u phlang ha Lum Karmel u ïapstai.”

HABAKKUK 3:17

Wat la ki dieng Dumbur kim don soh bad ym don sohwaiñ ba mih ha ki dieng sohwaiñ, wat la u dieng Olib um sei ei ei bad ki lyngkha kim pynmih kew, wat la ki langbrot baroh ki ïap bad ki sem masi ki thylli,

HAGGAI 1:10

Dei na kata ka daw ym shym don slap bad ym shym mih ei ei.

Ka Shithi U Paul Sha Ki Nong Rom 8:22

Naba ngi tip ba haduh ka por ba mynta, ki jingthaw baroh ki ud da ka jingpang, kum ka jingpang jong ka jingsuh kha.