JOEL 1:16 - Khasi CL Bible (BSI)

¹⁶ Ngi shu khmih ha ka jingbymlah leh ei ei haba ïa ki jingthung jong ngi la pynjot. Ym don jingkmen ha ka Templ jong U Blei jong ngi.

KA BAIBL

¹⁶ Hato ym shym la pynduh noh ha khmat jong ngi na ka ïing U Blei jong ngi ïa ka jingbam, ïa ka jingkmen, bad ïa ka jinglehkmen?

JOEL 1:16 ပူးပေါင်းရင်းမြစ်များ

SALM 105:3

To kmen ba ngi long ki jong u; ai ba baroh kiba mane ïa u kin shadkmen.

SALM 43:4

Te ngan leit sha ka duwan jong me, A Blei; me long ka thymmei jong ka jingkmen jong nga. Ngan tem ïa ka duitara jong nga bad rwai ka jingïaroh ïa me, A Blei, U Blei jong nga.

SALM 51:8

Ai ngan ïohsngew ïa ki jingsawa jong ka jingkmen bad ka jingsngewbha; wat la me la pynlwet ïa nga bad pynpait ïa nga, ngan long uba kmen sa shisien pat.

ISAÏAH 3:7

Hynrei un jubab, “Ym ma nga! Ngam lah ban ïarap ïa phi. Ngam don jingbam ei ei lane ki jaiñ ruh kumjuh. Wat pynlong ïa nga u nongïalam jong phi!”

JOEL 1:13

To phong ki jaiñ khain bad to ïam, phi ki lyngdoh kiba shakri ha ka duwan! To leit sha ka Templ bad to ïamkthang baroh shi miet! Ym don kew lane waiñ ban ainguh ha U Blei jong phi.