JINGRWAI SOLOMON 7:4 - Khasi CL Bible (BSI)

⁴ U ryndang jong phi u long kum u mot bniat hati. Ki khmat jong phi ki long kum ki pung ka nongbah Heshbon, hajan ka khyrdop jong kata ka nongbah bakhraw. Ka khmut jong phi ka long kaba itynnat kum u mot ka Lebanon uba ïeng ap phira ha Damaskos.

KA BAIBL

⁴ Ka ryndang jong pha ka long kum u mot bniat hati; ki khmat jong pha kum ki pung ha Heshbon, hajan khyrdop ka Bethrabbim; ka khmut jong pha ka long kum ka kut Lebanon kaba phai sha Damaskos.

JINGRWAI SOLOMON 7:4 ပူးပေါင်းရင်းမြစ်များ

JENESIS 15:2

Hynrei u Abram u ong, “Ko Trai Nongsynshar, kan myntoi aïu ka bainong jong me ïa nga haba ngam don khun? U nongïoh pateng jong nga u dei tang u Eliesar uba na Damaskos.

2 SAMUEL 8:6

Nangta u la pynïeng ki dara sah shipai ha ki ri jong ki, bad ki la kylla long ki raïot jong u bad ki siew khajna sha u. U Trai u la pynlong ïa u Dabid ban jop kylleng kylleng.

1 SYIEM 10:18

U phah shna ruh kawei ka khet kaba heh. Shi bynta na ka la tap da ka bniat hati, bad kaba sah pat la tap da ka ksiar nylla.

1 SYIEM 10:22

U don shi kynhun ki liengbah kiba ïaid ha duriaw ryngkat bad ka kynhun lieng u Hiram. Shisien lai snem ki kynhun lieng jong u ki ju wan phai, ki da wan kit ïa ka ksiar, ka rupa, ki bniat hati, ki tngaw, bad ki shrieh.

1 SYIEM 22:39

Baroh kiei kiei kiba u syiem Ahab u la leh, kaba kynthup ïa ka jingïathuh shaphang ka ïingsyiem jong u ba la pynitynnat da ki bniat hati bad ïa baroh ki nongbah ïa kiba u la tei, la buh jingthoh ha Ka Histori Jong Ki Syiem Ka Israel

1 SYIEM 7:2

Ka Kamra heh jong Ka Khlaw Lebanon ka long sawphew saw mitar ka lynter, arphew ar mitar ka pyngkiang, bad khatlai mitar shiteng ka jingjrong. Ka don lai laiñ ki rishot kiba da u dieng Kedar, khatsan tylli ha kawei kawei ka laiñ, bad la pynbat halor jong ki da ki bim dieng Kedar. Ka sad kaba da u dieng Kedar ka bteng haduh ki kamra buh tiar, ha kiba la kyrshan da ki rishot.

1 SYIEM 9:19

ki nongbah ha kiba u kynshew jingbam, ki shnong buh kulai bad kali ïapom, bad kat ïa kaba u kwah ban tei ha Jerusalem, ha Lebanon, bad kylleng ka hima jong u.

2 KHRONIKL 8:6

ka nongbah Baalath, baroh ki nongbah ha kiba u kynshew jingbam, bad ki nongbah ha kiba u buh ïa ki kulai bad ki kali ïapom jong u. U pyndep ïa baroh ki jingthmu jong u ban tei ha Jerusalem, ha Lebanon, bad ha kylleng ka jaka kaba u synshar.

SALM 144:12

To ai ba ki khun shynrang jong ngi ha ka por samla jong ki kin long kum ki jingthung kiba san bha. To ai ba ki khun kynthei jong ngi kin long kum ki rishot kiba ishongkun kiba pynitynnat ïa ki dong jong ka ïingsyiem.

SALM 45:8

Ki jaiñphong jong me ki iw da ka jingiwbih jong ka mirr bad ka alos; ki nongput nongtem ki pynsngewtynnat ïa me ha ki ïingsyiem ba la pyniphuh iphieng da ki bniat hati.

JINGRWAI SOLOMON 1:10

U shñiuh jong phi u itynnat halor ki ngab jong phi, bad u noh rymphum ha ka ryndang jong phi kum ki mawkordor.

JINGRWAI SOLOMON 4:1

Katno phi long kaba bhabriew eh, ko ba-ieit jong nga! Katno ki khmat jong phi hapoh ka jingtap khmat ki phyrnai itynnat da ka jingieit. U shñiuh jong phi u shad kum ka kynhun ki blang kiba hiar sha trai ki lum Gilead.

JINGRWAI SOLOMON 4:4

U ryndang jong phi u long kum u mot jong u Dabid, uba pyllun bad jlih, lem bad u jingdeng ryndang uba kum shihajar tylli ki stieh kiba pynsdien sawdong jong u.

JINGRWAI SOLOMON 4:5

Ka shadem jong phi ka long kum ki khiat, ki ar tylli ki skei synrap kiba bam jingbam hapdeng ki 'tiew lili.

JINGRWAI SOLOMON 6:5

Pynphai ïa ki khmat jong phi shawei pat na nga; ki pynshohbieit ïa nga. U shñiuh jong phi u shad kum ka kynhun ki blang kiba ïaid sha trai jong ki lum ka Gilead.

ISAÏAH 54:4

Wat nym sheptieng — phan ym shah pynlehrain biang; phan ym shah pynjahburom. Phan klet noh ïa ka jingbymlongkhuid kum ka tnga ba dang kham samla, bad ïa ka jinglong marwei ba shah ibeiñ kum ka riewkynthei.

HEBRU 5:14

Ka jingbam kaba eh, ha kawei pat ka liang, ka long ïa kiba la rangbah, kiba lyngba ka jingpynmlien ki lah ban pynïapher ïa kaba bha na kaba sniew.