JINGRWAI SOLOMON 2:4 - Khasi CL Bible (BSI)

⁴ U ïalam ïa nga sha ka kamra jingkhawai jong u bad u kyntiew ïa ka lama jingieit halor jong nga.

KA BAIBL

⁴ U la ïalam ïa nga sha ka ïing jingkhawai, bad ka lama jong u halor jong nga ka la long ka jingieit.

JINGRWAI SOLOMON 2:4 ပူးပေါင်းရင်းမြစ်များ

ESTHER 7:7

U syiem u ïeng ha ka jingbitar, u mih na ka kamra bad u leit shabar sha ki kper ka ïingsyiem. U Haman u ïohi ba u syiem u la kut jingmut ban pynshitom ïa u na ka bynta kane, kumta u sah hangta ban kyrpad ïa ka Esther, ka mahadei na ka bynta ka jingim jong u.

Ka Kitab U Job 1:10

Me la ïada ïa u borabor bad ïa ka longïing jong u bad kiei kiei baroh kiba u don. Me la kyrkhu ïa baroh kiba u leh, bad me la ai ha u shibun ki masi ban pyndap ha baroh ka ri.

SALM 20:5

Te ngin risa da ka jingkmen halor ka jingjop jong me bad lehkmen ïa ka jingjop jong me da kaba ïaroh ïa U Blei jong ngi. To U Trai un jubab ïa ki jingkyrpad jong me baroh.

SALM 60:4

Me la maham ïa kito kiba pynpaw jingtiengburom ïa me, khnang ba kin ïohlait na ka jingpynjot.

SALM 84:10

Shi sngi ban pynlut ha ka Templ jong me ka kham bha ban ïa shihajar shawei pat. Nga kham lah ban ïeng ha ka khyrdop ha ka ïing U Blei jong nga ban ïa kaba shong ha ki ïing jong ki bymman.

JINGRWAI SOLOMON 1:1

Ka jingrwai basngewtynnat tam na ki jingrwai, da u Solomon.

JINGRWAI SOLOMON 1:4

To shim ïa nga bad phi, bad ngin ïaphet noh; to long u syiem jong nga bad shim ïa nga sha ka kamra jong phi. Ngin ïakmen lang, ngin ïadih bun bad pyllaitluid war ïa lade ha ka jingieit. Kam long kaba phylla ba baroh ki kynthei ki ieit ïa phi!

JINGRWAI SOLOMON 5:1

Nga la rung sha ka kper jong nga, ko ba-ieit thep mynsiem jong nga, ko nongleitkurim jong nga. Nga la lum ïa ki musla bad ka mirr jong nga; nga bam ïa ka ngap bad ka rewngap jong nga; nga dih ïa ka waiñ bad ka dud jong nga. To bam, ko ki nongphylliew jingieit, to dih tad haduh ba phin da buaid da ka jingieit.

JINGRWAI SOLOMON 6:4

Ko ba-ieit jong nga, phi long kaba bhabriew kum ka Jerusalem, kaba i-ieit kum ka nongbah Tirsah, kaba pynkyndeh mynsiem kum kine ki nongbah bakhraw.

ISAÏAH 11:10

Ka sngi ka wan ha kaba u syiem bathymmai na ka longïing syiem jong u Dabid un long ka dak ka shin ïa ki jaitbynriew. Kin ïalumlang ha ka nongbah ba kynja syiem jong u bad ai ka jingpyndonburom ïa u.

JINGPYNPAW 3:20

Shahshkor! Nga ïeng ha ka jingkhang bad nga tied; lada uno uno u sngew ïa ka sur jong nga bad plie ïa ka jingkhang, ngan wan rung shapoh ka ïing jong u bad ngan ïabam bad u, bad ma u ruh un ïabam lem bad nga.