JINGPYNPAW 9:4 - Khasi CL Bible (BSI)

⁴ La ïathuh ïa ki ba kin ym pynmynsaw ïa u phlang lane ïa ki dieng lane ïa kiwei pat ki jingthung; ki lah ban pynmynsaw tang ïa ki briew ki bym don ka shab jong U Blei ha ki shyllangmat jong ki.

KA BAIBL

⁴ Bad la ong ha ki ba kin ym pynsniew ïa u phlang ka khyndew, lymne ïa kaei kaei ruh ka bajyrngam, lymne ïa uno uno ruh u dieng, hynrei, tang ïa kita ki briew ki bymdon kata ka jingshon shab jong U Blei halor ki shyllangmat jong ki.

JINGPYNPAW 9:4 ပူးပေါင်းရင်းမြစ်များ

Ka Kitab U Job 1:10

Me la ïada ïa u borabor bad ïa ka longïing jong u bad kiei kiei baroh kiba u don. Me la kyrkhu ïa baroh kiba u leh, bad me la ai ha u shibun ki masi ban pyndap ha baroh ka ri.

Ka Kitab U Job 1:12

“Kam pher,” U Trai u ong ïa u Soitan, “baroh kaba u don ki long hapoh ka bor jong me, hynrei men ym pynmong ïa u Job hi.” Te u Soitan u la leit noh.

Ka Kitab U Job 2:6

Kumta U Trai u ong ha u Soitan, “Kam pher, ai un long hapoh ka bor jong me, hynrei men ym shim ïa ka jingim jong u.”

SALM 76:10

Ka jingbitar briew ka pynmih tang ki jingïaroh babun ïa me; kito kiba lait im na ki thma kin sumar ïa ki Jingkhawai Niam jong me.

EKSODOS 12:23

Haba U Trai u ïaid lyngba ïa ka ri Ijipt ban pynïap ïa ki nong Ijipt, un ïohi ïa ka snam ha u bim bad ha ki shawkad bad un ym shah ïa u Angel jong ka Jingïap ban rung shapoh ki ïing jong phi bad pynïap ïa phi.

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

ESEKIEL 9:6

Pynïap ïa ki tymmen, ki samla shynrang, ki samla kynthei, ki longkmie bad ki khynnah rit. Hynrei wat ktah kti ïa uno uno uba don ka dak ha ka shyllangmat jong u. Sdang nangne na ka Templ jong nga.” Kumta ki la sdang na ki nongïalam kiba ïeng hangta ha ka Templ.

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

EPHESOS 4:30

Bad to wat pynsngewsih ïa U Mynsiem Bakhuid jong U Blei; naba U Mynsiem u long ka dak jong ka jinglong trai jong U Blei ïa phi, ka jingbahkhlieh ba ka Sngi kan poi haba U Blei un pyllaitluid ïa phi.

JINGPYNPAW 14:1

Te nga la peit, bad la don U Khunlangbrot uba ïeng halor u lum Seïon; lem bad u la don shi lakh sawphew saw hajar ngut ki briew kiba la don ïa ka kyrteng jong u, bad ïa ka kyrteng jong U Kpa jong u ïa kaba la thoh ha ki shyllangmat jong ki.

JINGPYNPAW 6:6

Nga la ïohsngew ïa kaei kaba sawa kum ka sur kaba wan napdeng ki saw tylli ki jingthaw ba-im kaba la ong, “Shi kilo u kew na ka bynta ka bainong shi sngi, bad lai kilo u barli na ka bynta ka bainong shi sngi. Hynrei wat pynjot noh ïa ki dieng Olib bad ïa ki bri sohwaiñ!”

JINGPYNPAW 7:1

Hadien kane nga la ïohi ïa ki saw ngut ki angel kiba ïeng ha ki saw tylli ki dong jong ka pyrthei, ba ki ïabat ïa ki sawlyer, khnang ba yn ym don lyer ka ban beh halor ka khyndew lane ha ka duriaw lane ha pyrshah uno uno u dieng.

JINGPYNPAW 8:7

U angel uba nyngkong u la put ïa la ka turoi. U phria bad ka ding, ba la khleh lang bad ka snam, ki la hap halor ka khyndew. Shi bynta na ka lai bynta jong ka khyndew la thang duh noh, shi bynta na ka lai bynta jong ki dieng, bad ïa baroh ki phlang bajyrngam.