JINGPYNPAW 9:20 - Khasi CL Bible (BSI)

²⁰ Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.

KA BAIBL

²⁰ Te kita kiba sah na ki bynriew, ïa kiba ym shym la pynïap noh da kine ki jingïapthem, kim shym la kylla-ka-bamut na kita ki jingleh ki kti jong ki, ba kin ym mane ïa kita ki ksuid, bad ïa kita ki bleithaw kiba da ka ksiar, bad da ka rupa, bad da ka rnong, bad da u maw, bad da ka dieng, ki bym lah ban ïohi, lymne ïohsngew, lymne ïaid:

JINGPYNPAW 9:20 ပူးပေါင်းရင်းမြစ်များ

2 SYIEM 22:17

Ki la kyntait ïa nga bad ki la ai ïa ki jingkñia ha kiwei ki blei, bad kumta la pynkhih bitar ïa nga da baroh kaba ki leh. Ka jingbitar jong nga ka khie pyrshah ïa ka Jerusalem, bad kan ym duh noh.

2 KHRONIKL 28:22

Katba ki jingjynjar ki nang jur, u Ahas u la leh pop shuh shuh pyrshah ïa U Trai.

2 KHRONIKL 34:25

Ki la kyntait ïa nga bad ki la ai jingkñia ha kiwei ki blei, bad kumta ki la pynkhih ïa ka jingbitar jong nga da baroh kaba ki la leh. Ka jingbitar jong nga ka la khie buk, bad ngan ym pynjah kumto.

SALM 106:37

Ki la ai ïa la ki jong ki khun shynrang bad khun kynthei kum ki jingkñia ha ki bleithaw jong ka Kanaan.

ISAÏAH 2:8

Ka ri jong ki ka dap da ki bleithaw, bad ki mane ïa kita kiba ki la shna da ki kti jong ki hi.

ISAÏAH 41:7

U misteri u ong ïa u bania, ‘Me la lehbha!’ U briew uba shoh pynjlih ïa ka bleithaw u pynshlur ïa uwei uba sah preg ban pyndait lang ïa ka. Ki ong ‘ka jingpyndait ka long kaba bha’ — bad ki pynskhem ïa ka bleithaw ha ka jaka da ki preg.

JEREMAÏAH 1:16

Ngan pynshitom ïa ki briew jong nga namar ki la leh pop; ki la phai dien noh na nga, ki la ai jingkñia sha kiwei pat ki blei, bad ki la shna ïa ki bleithaw bad mane ïa ki.

JEREMAÏAH 25:6

Ki ong ïa phi ban ym mane bad shakri ïa kiwei pat ki blei bad ban ym pynlong ïa U Trai ban bitar da kaba mane ïa ki bleithaw kiba phi la thaw. Lada phi la kohnguh ïa U Trai, te un ym pynshitom ïa phi.

JEREMAÏAH 44:8

Balei ba phi pynbitar ïa nga da kaba mane ïa ki bleithaw bad da kaba kñia ha kiwei ki blei hangne ha Ijipt, ha kaba phi la wan ban shong ban sah? Hato phi leh ïa kane ban pynjot ïa lade, khnang ba ki jaitbynriew baroh ha ka pyrthei kin ñiewbeiñ ïa phi bad pyndonkam ïa ka kyrteng jong phi kum ka jingtim?

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

JEREMAÏAH 51:17

Ha ka jingïohi ïa kane, ki briew ki long mutlop bad kumba ïap; kito kiba shna ïa ki bleithaw ki lyngngoh ngaiñ namar ki blei ba ki shna ki long kiba shu thok bad khlem jingim.

DANIEL 5:23

Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

DANIEL 5:4

bad ki la ïaroh ïa ki blei kiba la thaw da ka ksiar, ka rupa, ka rnong, ka nar, ka dieng bad u maw.

LEBITIKOS 17:7

Ki Israel kim dei shuh ban lyndet ïa U Trai da kaba pynïap ïa ki mrad jong ki ha lum ha wah la kum ba kñia ainguh ïa ki sha ki ksuid. Ki paid Israel ki dei ban sumar ïa kane ka aiñ pateng la pateng.

MIKAH 5:13

Ngan pynjot ïa ki bleithaw bad ki rishot maw bakyntang jong phi; phin ym mane shuh ïa kiei kiei kiba phi hi phi la thaw.

MATHAÏOS 21:32

Naba u Ïoannis u Nongpynbaptis u la wan ha phi da kaba pyn-i ha phi ïa ka lynti ïaid kaba dei, bad phim shym la ngeit ïa u; hynrei ki nonglum khajna bad ki nuti ki la ngeit ïa u. Wat haba phi la ïohi ïa kane, phim shym la kylla ïa la ki jingmut hadien bad ngeit ïa u.

KI KAM 17:29

Namar ba ngi long ki khun U Blei, ngim dei ban tharai ba ka jinglong jong u ka long kaei kaei kaba kum ka dur da ka ksiar lane rupa lane maw, ba la pynwandur da ka jingstad bad ka buit briew.

KI KAM 19:26

Mynta, phi lah ban ïohi bad ïohsngew da lade aïu une u Paul u leh. U ong ba ki blei kiba la shna da ki kti jong ki briew kim long da shisha ki blei, bad u la jop ha kaba pynkohnguh ïa kiba bun ki briew, hangne ha Ephesos bad hajan baroh kawei jong ka probins jong ka Asia.

KI KAM 7:41

Ka la long hangta ba ki la thaw ïa ka bleithaw ha ka dur jong u masi, ki la ai jingkñia ha ka, bad ki la ïakhawai ha kaba ai burom ïa kaei kaba ma ki hi ki la lah thaw.

2 KORINTH 12:21

Nga sheptieng haba ha kawei ka por ba nga wan, U Blei jong nga un pynjahburom ïa nga ha khmat jong phi, bad ngan ïam na ka bynta kiba bun kiba la leh pop mynshuwa bad ki bym pat shym kylla-kaba-mut na ki kam awria ba ki la leh — ki jingkwah brai bad ki pop awria jong ki.

DEUTERONOMI 31:29

Nga tip ba hadien ka jingïap jong nga, phin sa leh ïa ki kam bymman bad kyntait ïa kaba nga la hikai ïa phi. Bad ha ki sngi ki ban wan ka jingjynjar kan ngat ha phi, namar ba phin pynbitar ïa U Trai da kaba phi leh ïa kata kaba u la adong.”

DEUTERONOMI 32:17

Ki kñia ha ki blei ki bym dei shisha ki blei, ha ki blei thymmai kiba ki kpa tymmen jong ki kim ju tip, ki blei kiba ki Israel kim ju kohnguh.

DEUTERONOMI 4:28

Hangta phin shakri ïa ki blei dieng bad ki blei maw ïa kiba la thaw da ka kti briew, ki bym lah ban ïohi lane ban ïohsngew, ban bam lane ban sma.

1 TIMOTHI 4:1

U Mynsiem u la ong shai ba yn don ki briew ki ban iehnoh ïa ka jingngeit ha ki Ïa kiba khatduh: Kin kohnguh ïa ki mynsiem bashukor bad kin bud ïa ki jinghikai jong ki ksuid.

JINGPYNPAW 15:1

Nangta nga la ïohi ha ka suiñbneng ïa kawei pat ka jingïohi kaba maïan, kaba khraw bad kaba iphylla. La don hynñiew ngut ki angel lem bad hynñiew tylli ki khlam, kiba long kiba khatduh, namar ki long ki jingpynpaw kiba khatduh jong ka jingbitar U Blei.

JINGPYNPAW 16:8

Nangta u angel uba saw u la theh noh ïa ka pliang jong u ha ka sngi, bad la shah ïa ka ban thang ïa ki briew da jingshit tyrha bajur jong ka.

JINGPYNPAW 9:19

Naba ka bor jong ki kulai ka don ha ki shyntur jong ki bad ruh ha ki tdong jong ki. Ki tdong jong ki, ki long kum ki bseiñ ba don ki khlieh, bad ki pyndonkam ïa ki ban pynmynsaw ïa ki briew.

JINGPYNPAW 9:21

Lymne kim shym la kylla-kaba-mut na ki jingpynïap briew jong ki, ki kam myntor jong ki, ki kam awria bajakhlia, ne ka kam tuh jong ki.