JINGPYNPAW 9:2 - Khasi CL Bible (BSI)

² U khlur u la plie ïa ka liewlong ba khlem trai, bad ka tdem ka la mih puk na ka, kum ka tdem na ka lawar ding kaba heh; ïa ka jingshai ka sngi bad ka suiñbneng la pyndum ngaiñ da ka tdem na kata ka liewlong ba khlem trai.

KA BAIBL

² Te u la plie ïa kata ka 'liewlong bakhlem trai; te ka la leit kiew ka tdem na kata ka 'liewlong, kum ka tdem ka lawar ding kaba khraw; te la pyndum ïa ka sngi bad ïa ka suiñbneng da ka tdem jong kata ka 'liewlong.

JINGPYNPAW 9:2 ပူးပေါင်းရင်းမြစ်များ

JENESIS 15:17

Haba ka sngi ka la sep, bad ba ka la dum, u khiew uba mih tdem bad ka dongmusa kaba mehding ki paw kynsan bad ïaid napdeng kita ki lyngkhot doh.

JENESIS 19:28

U khmih shaphang Sodom bad Gomorrah, bad ïa kata ka them baroh kawei bad u la ïohi ïa ka tdem kaba mih na khyndew, kum ka tdem na ka lawar ding kaba heh bha.

EKSODOS 19:18

Ïa u Lum Sinai baroh uwei la tap da ka tdem, namar U Trai u la wan hiar ha u ha ka ding. Ka tdem ka kiew kum kaba mih na ka lawar ding, bad ki briew baroh ki la kyiuh shibun eh.

ISAÏAH 14:31

To ud bad to kyang ban ïoh jingïarap, phi baroh ki nongbah ka Philistia! To sngewshyrkhei, phi baroh! U lyoh pui pui u wan na ka phang bashatei — u long ka kynhun shipai bym don ki khawpud hapoh ka kyrdan jong ka.

DANIEL 3:6

Ïa uno uno u bym dem ngon bad mane yn bret kloi lan ha ka lawar ding baklang.”

JOEL 2:10

Ka pyrthei ka khih katba ki nang tur; ka sahit bneng ka khynñiuh. Ka sngi bad u bnai ki kylla dum, bad ki khlur kim shai shuh.

JOEL 2:2

Kan sa long ka sngi kaba dum bad kaba pynlong jingkhuslai, ka sngi kaba ïong bad ba-dum lyoh. Ka kynhun bakhraw jong ki puit ka tur kum ka jingdum kaba pyiar halor ki lumbah. Ym ju don mynno mynno ruh kum kane, bad yn ym don shuh lano lano ruh.

JOEL 2:30

“Ngan ai ki jingmaham shaphang kata ka sngi ha ka suiñbneng bad ha ka khyndew; kan don ka jingumsnam, ka ding bad ki lyoh tdem.

KI KAM 2:19

Ngan leh ki kambah ha ka sahit bneng shajrong bad ïa ki jingphylla ha ka khyndew sha tbian. Kan don ka snam, ka ding, bad ka tdem kaba rben;

JINGPYNPAW 14:11

Ka tdem jong ka ding kaba pynsaja ïa ki ka kiew shajrong junom la junom. Ym don jingtngen mynsngi ne mynmiet ïa kito kiba mane ïa u mradkhlaw bad ïa ka dur jong u, ïa uno uno uba don ïa ka shab jong ka kyrteng jong u mradkhlaw.”

JINGPYNPAW 16:10

Nangta u angel uba san u la theh noh ïa ka pliang jong u ha ka khet jong u mradkhlaw. Ka jingdum ka la tap ïa ka hima jong u mradkhlaw, bad ki briew ki la dait ïa la ki thylliej namar ka jingpang jong ki,

JINGPYNPAW 8:12

Nangta u angel uba saw u la put ïa la ka turoi. Shi bynta na ka lai bynta jong ka sngi la shoh, bad shi bynta na ka lai bynta jong u bnai, bad shi bynta na ka lai bynta jong ki khlur, ba ka jingshai jong ki ka la jah noh shi bynta na ka lai bynta ka jingtyngshaiñ; ym shym la don jingshai ha ka shi bynta na ka lai bynta jong ka sngi bad ïa ka shi bynta na ka lai bynta jong ka miet.

JINGPYNPAW 9:1

Nangta u angel uba san u la put ïa ka turoi. Nga la ïohi ïa u khlur uba la hap sha ka khyndew, bad la ai ha u ïa u shabi jong ka liewlong ba khlem trai.

JINGPYNPAW 9:11

Ki don u syiem uba synshar halor jong ki, uba long u angel uba khmih ïa ka liewlong ba khlem trai. Ka kyrteng jong u ha ka ktien Hebru ka long u Abaddon; bad ha ka ktien Grik ka long u Apollyon (kaba mut u “Nongpynjot”).

JINGPYNPAW 9:17

Bad ha ka jingïohipaw jong nga, nga la ïohi ïa ki kulai bad ïa ki nongshong kulai jong ki: Ki don ki jingïada shadem kiba saw kum ka ding, kiba jngum kum u Sapphir, bad kiba stem kum u kyndok. Ki khlieh jong ki kulai ki la long kum ki khlieh sing, bad na ki shyntur jong ki la mih ka ding, ka tdem bad u kyndok.