JINGPYNPAW 9:14 - Khasi CL Bible (BSI)

¹⁴ Kata ka sur ka la ong ha uta u angel uba hynriew, “To pyllait noh ïa ki saw ngut ki angel kiba la shah khum ha ka wahbah Ïuphratis!”

KA BAIBL

¹⁴ ka da ong ha uta u angel u bahynriew uba la don kata ka turoi, “To pyllait noh ïa kita ki saw angel ïa kiba la khum hajan kata ka wah ka bakhraw ‘ka Ïuphratis’.”

JINGPYNPAW 9:14 ပူးပေါင်းရင်းမြစ်များ

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

JENESIS 2:14

Ka wah kaba lai ka dei ka Tigris, kaba tuid shaphang mihngi jong ka Assyria. Bad ka wah kaba saw ka dei ka Ïuphratis.

2 SAMUEL 8:3

Nangta u la jop ïa u khun jong u Rehob, u Hadadeser, u syiem ka hima Sobah jong ka Syria, katba u Hadadeser u dang don ha lynti ban pynïoh pat ïa la ka bor synshar halor ka ri harud ka wah Ïuphratis kaba shaneng.

JEREMAÏAH 51:63

Ko Seraïah, ynda me dep ban pule ïa kane ka kot ha ki briew, nangta sa teh ïa ka ha u maw bad bret ïa ka ha ka wah Ïuphratis bad ong,

DEUTERONOMI 1:7

Lied noh ïa la ka dara bad ïaid shaphrang. Leit sha ri lum Amor bad sha ki jaka kiba markhap bad ka — sha ka Them Jordan, sha ki ri lum bad ri them, sha ka jaka kaba shathie bad sha ka rud duriaw Mediterranian. Leit sha ka ri Kanaan bad nangta sha lyndet ki lum Lebanon haduh ka wahbah Ïuphratis.

JOSHUA 1:4

Ki pud jong phi kin kot naduh ka ri shyiap ha ka phang shathie haduh ki Lumbah Lebanon ha ka phang shatei; naduh ka wah Ïuphratis bakhraw ha ka phang mihngi, lyngba ka ri ki Hit, haduh ka Duriaw Mediterranian ha ka phang sepngi.

JINGPYNPAW 16:12

Nangta u angel uba hynriew u la theh noh ïa ka pliang jong u ha ka wahbah Ïuphratis. Ka wah ka la rngad, ban pynbiang ka lynti ïa ki syiem kiba wan na mihngi.

JINGPYNPAW 7:1

Hadien kane nga la ïohi ïa ki saw ngut ki angel kiba ïeng ha ki saw tylli ki dong jong ka pyrthei, ba ki ïabat ïa ki sawlyer, khnang ba yn ym don lyer ka ban beh halor ka khyndew lane ha ka duriaw lane ha pyrshah uno uno u dieng.

JINGPYNPAW 7:2

Bad nga la ïohi ïa uwei pat u angel uba wan kiew na shaphang mihngi lem bad ka shab jong U Blei uba im. U la pyrta ha ka ktien kaba jam ïa ki saw ngut ki angel ha kiba U Blei u la ai bor ban pynjot ïa ka khyndew bad ïa ka duriaw.

JINGPYNPAW 8:2

Nangta nga la ïohi ïa ki hynñiew ngut ki angel kiba ïeng ha khmat U Blei, bad la ai ha ki, hynñiew tylli ki turoi.

JINGPYNPAW 8:6

Nangta kita ki hynñiew ngut ki angel kiba don kita ki hynñiew tylli ki turoi ki la pynkhreh ban put ïa ki.

JINGPYNPAW 9:15

La pyllait noh ïa kita ki saw ngut ki angel; na ka bynta kane hi ka kynta jong kane hi ka sngi jong une hi u bnai bad ka snem ïa ki la buh pynkhreh ban pynïap noh shi bynta na ka lai bynta jong u bynriew baroh.