JINGPYNPAW 9:11 - Khasi CL Bible (BSI)

¹¹ Ki don u syiem uba synshar halor jong ki, uba long u angel uba khmih ïa ka liewlong ba khlem trai. Ka kyrteng jong u ha ka ktien Hebru ka long u Abaddon; bad ha ka ktien Grik ka long u Apollyon (kaba mut u “Nongpynjot”).

KA BAIBL

¹¹ Bad ki don u syiem halor jong ki, uba u angel kata ka 'liewlong bakhlem trai, uba ka kyrteng jong u ha ka Hebru ka long “u Abaddon”, bad ha ka Grik u don ka kyrteng “u Apollion”.

JINGPYNPAW 9:11 ပူးပေါင်းရင်းမြစ်များ

Ka Kitab U Job 26:6

Ka pyrthei kiba ïap ka plie rynghang ha U Blei; ym don ka jingtap kaba kah ïa ka na ka jingïohi jong u.

Ka Kitab U Job 28:22

Wat ka jingïap bad ka jingpynjot ki ong ba ki la ïohsngew tang ki hamsaïa.

Ka Kitab U Job 31:12

Kan long kum ka jingpynjot, ka ding bashyrkhei, ka ban bam duh ïa kiei kiei baroh kiba nga don.

SALM 88:11

Hato ka jingieit baneh jong me kan kren hapoh jingtep ne ka jingïaineh jong me ha ka jaka jong ka jingjot?

PROBERB 15:11

Wat ka pyrthei kiba ïap kam lah ban buhrieh na U Trai ba un ym tip kaei kaba don hangta; kumno te ngi lah ban buhrieh ïa ki jingmut jingpyrkhat jong ngi na U Blei?

LOUKAS 8:31

Ki ksuid ki la kyrpad ïa U Jisu ban ym phah ïa ki sha ka 'liewlong khlem trai.

ÏOANNIS 12:31

Mynta ka dei ka por ba ïa kane ka pyrthei yn bishar; mynta ïa u nongsynshar jong kane ka pyrthei yn pynhiar khet.

ÏOANNIS 14:30

Ngam lah ban kren bad phi kham slem, namar u nongsynshar jong kane ka pyrthei un wan. Um donbor halor jong nga, hynrei, ka pyrthei ka dei ban tip ba nga ieit ïa U Kpa; na kata ka daw balei ba nga leh ïa kiei kiei baroh kumba u hukum ïa nga. “Ale, ïa ngin ïaleit noh na kane ka jaka.

ÏOANNIS 16:11

bad ki bakla shaphang ka jingbishar, namar ba ïa u nongsynshar jong kane ka pyrthei la lah bishar.

ÏOANNIS 5:2

Hajan ka Khyrdop Langbrot ha Jerusalem ka la don ka pungsum kaba don san tylli ki baranda; ha ka ktien Hebru la khot ïa ka, “ka Bethesda.”

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

EPHESOS 2:2

Ha kata ka por phi bud ïa ka rukom im basniew jong ka pyrthei; phi la kohnguh ïa u nongsynshar jong ki bor mynsiem ha ka haw haw, u mynsiem uba synshar mynta ïa ki briew ki bymkohnguh ïa U Blei.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

1 ÏOANNIS 5:19

Ngi tip ba ngi long ki jong U Blei, wat la ka pyrthei baroh kawei ka don hapoh ka jingsynshar jong u Basniew.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 16:16

Nangta ki mynsiem ki la wallam lang ïa ki syiem ha ka jaka kaba ha ka ktien Hebru la khot “Ka Armageddon.”