JINGPYNPAW 9:1 - Khasi CL Bible (BSI)

¹ Nangta u angel uba san u la put ïa ka turoi. Nga la ïohi ïa u khlur uba la hap sha ka khyndew, bad la ai ha u ïa u shabi jong ka liewlong ba khlem trai.

KA BAIBL

¹ Bad u angel u basan u la pynsawa; te nga la ïohi ïa u khlur ba la hap na bneng sha ka khyndew; bad la ai ha u ïa u shabi kata ka 'liewlong kaba khlem trai.

JINGPYNPAW 9:1 ပူးပေါင်းရင်းမြစ်များ

ISAÏAH 14:12

“Ko syiem ka Babilonia, u khlur step baphyrnai, me la hap na bneng! Ha kaba mynshuwa me la jop ïa ki hima, hynrei mynta la bret ïa me sha madan.

LOUKAS 10:18

U Jisu u la jubab ïa ki, “Nga la ïohi ïa u Soitan uba hap kum ka leilieh na bneng.

LOUKAS 8:31

Ki ksuid ki la kyrpad ïa U Jisu ban ym phah ïa ki sha ka 'liewlong khlem trai.

Ka Shithi U Paul Sha Ki Nong Rom 10:7

“Lymne ba phin kylli, Uei u ban leit hiar sha ka pyrthei shapoh?” (kata ka long, ban wallam ïa U Khrist na ka jingïap).

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

JINGPYNPAW 1:20

Kane ka dei ka jingmut barieh jong ki hynñiew tylli ki khlur kiba me ïohi ha ka kti kamon jong nga, bad ki hynñiew tylli ki diengpynïeng sharak ksiar: Ki hynñiew tylli ki khlur ki long ki angel jong ki hynñiew tylli ki balang, bad ki hynñiew tylli ki diengpynïeng sharak ki long ki hynñiew tylli ki balang.

JINGPYNPAW 11:7

Haba ki dep ban pynbna ïa ka khubor jong ki, uta u mradkhlaw uba wan kiew na ka liewlong ba khlem trai un ïaleh pyrshah ïa ki.

JINGPYNPAW 17:8

Uta u mradkhlaw u la ju im shisien, hynrei um shym im shuh; u la jan wan kiew na ka liewlong khlem trai bad un mih ban shah pynjot. Ki briew kiba shong ha ka pyrthei kiba ïa ki kyrteng jong ki ym shym la thoh ha ka kitab jong kiba im ha shuwa ban pynlong ïa ka pyrthei, kin ïasngew kyndit lut katba ki dang khmih ïa u mradkhlaw. U la ju im shisien; mynta um shym im shuh, hynrei un wan mih biang.

JINGPYNPAW 20:1

Nangta nga la ïohi ïa u angel ba u wan hiar na bneng, u da bat ha ka kti ïa u shabi jong ka 'liewlong khlem trai bad u kynjri uba khia.

JINGPYNPAW 20:10

Nangta ïa u Ksuid, uba la shukor ïa ki, la bret sha ka pung ka ding bad u kyndok, ha kaba la lah bret ïa u mradkhlaw bad ïa u nongïathuhlypa lamler, bad kin shah pynkordit mynsngi bad mynmiet junom la junom.

JINGPYNPAW 6:13

Ki khlur ki la hap ha pyrthei, kum ki soh Dumbur bym pat ih na u dieng haba kynther ka lyer kaba jur.

JINGPYNPAW 8:10

Nangta u angel uba lai u la put ïa la ka turoi. U khlur uba heh, uba meh kum ka dongmusa, u la hap na sahit bneng bad u la hap halor ka shi bynta na ka lai bynta jong ki wah bad halor ki pukri um.

JINGPYNPAW 8:12

Nangta u angel uba saw u la put ïa la ka turoi. Shi bynta na ka lai bynta jong ka sngi la shoh, bad shi bynta na ka lai bynta jong u bnai, bad shi bynta na ka lai bynta jong ki khlur, ba ka jingshai jong ki ka la jah noh shi bynta na ka lai bynta ka jingtyngshaiñ; ym shym la don jingshai ha ka shi bynta na ka lai bynta jong ka sngi bad ïa ka shi bynta na ka lai bynta jong ka miet.

JINGPYNPAW 8:2

Nangta nga la ïohi ïa ki hynñiew ngut ki angel kiba ïeng ha khmat U Blei, bad la ai ha ki, hynñiew tylli ki turoi.

JINGPYNPAW 9:2

U khlur u la plie ïa ka liewlong ba khlem trai, bad ka tdem ka la mih puk na ka, kum ka tdem na ka lawar ding kaba heh; ïa ka jingshai ka sngi bad ka suiñbneng la pyndum ngaiñ da ka tdem na kata ka liewlong ba khlem trai.