JINGPYNPAW 8:7 - Khasi CL Bible (BSI)

⁷ U angel uba nyngkong u la put ïa la ka turoi. U phria bad ka ding, ba la khleh lang bad ka snam, ki la hap halor ka khyndew. Shi bynta na ka lai bynta jong ka khyndew la thang duh noh, shi bynta na ka lai bynta jong ki dieng, bad ïa baroh ki phlang bajyrngam.

KA BAIBL

⁷ Te uta u banyngkong u la pynsawa; bad la jia long u phria bad ka ding ïa kiba la khleh da ka snam, bad la bred ïa ki shalor ka khyndew; te ïa ka balai ka bynta na ka jong ka khyndew bad ïa ka balai ka bynta na ka jong ki dieng la thang noh, bad ïa u phlang bajyrngam baroh la thang noh.

JINGPYNPAW 8:7 ပူးပေါင်းရင်းမြစ်များ

SALM 105:32

U la phah ïa u phria bad ka leilieh ha ka ri jong ki ha ka jaka jong u slap;

EKSODOS 9:33

U Moses u mihnoh na u Pharaoh, u leit shabar ka nongbah, bad u la rah ïa la ki kti ha ka jingduwai ha U Trai. U pyrthat, u phria, bad u slap ki la sangeh.

ISAÏAH 28:2

U Trai u don ïa uta uba khlaiñ bad badonbor uba la kloi ban tur ïaleh ïa ki, uta u ban wan kum u phria bajur, kum u 'lapbah, kum ka jingshlei um bakhlaiñbor, bad kan tap lup ïa ka ri.

ISAÏAH 29:6

Kynsan kynsan bad khlem poi pyrkhat U Trai Badonbor Baroh un pyllait im ïa pha da ki 'erïong bajur bad ki jingkhih jumai. Un phah ïa ki 'erlangthari bad ka ding baklang;

ISAÏAH 30:30

U Trai un shah ïa baroh ban ïohsngew ïa ka sur bamaïan jong u bad ïa ka bor jong ka jingbitar jong u. Kin don ki thylliej ding, ki jingjur eh u slap, ki phria bad u slap khlem sangeh.

ISAÏAH 32:19

(Hynrei u phria un hap ha ki khlaw, bad ïa ka nongbah yn pynjot.)

ESEKIEL 38:22

Ngan pynshitom ïa u da ka jingpang bad ka jingïa-umsnam. Ïa u 'lapbah 'lapsan bad u phria, ryngkat bad ka ding bad u kyndok, ngan theh noh ha u bad ha ka kynhun shipai jong u, bad halor kiba bun ki jaitbynriew kiba ïashah liang bad u.

JOEL 2:30

“Ngan ai ki jingmaham shaphang kata ka sngi ha ka suiñbneng bad ha ka khyndew; kan don ka jingumsnam, ka ding bad ki lyoh tdem.

JAKOB 1:11

Ka sngi ka mih lem bad ka jingshit kyr-ang bad ka thang ïa u jingthung; u syntiew jong u, u hap noh, bad ka jingitynnat jong u ka jah noh. Ha kajuh ka rukom ïa uba riewspah yn pynjot noh katba u dang don ha ka kam jong u ba u trei.

JOSHUA 10:11

Katba ki Amor ki dang phet arsut na ka khim lum na ki shipai Israel, U Trai u pynhap halor jong ki ïa u phria uba heh baroh shi lynter lynti haduh Asekah. Kham bun ki la ïap na u phria ban na kaba ki shah pynïap ha ki Israel.

1 PETROS 1:24

Kumba ka Jingthoh Bakhuid ka ong: “Ki briew baroh ki long kum u phlang, bad ka burom jong ki baroh kum ki 'tiewkhlaw. U phlang u ïapstai noh, bad ki syntiew ki tlor noh,

JINGPYNPAW 12:4

Da u tdong jong u, u la patan na ka sahit bneng ïa shi bynta na ki lai bynta ki khlur bad u la bret arsut ïa ki sha ka khyndew. U la ïeng ha khmat jong kata ka briew, khnang ban bam ïa u khunlung jong ka tang mar ïa kha ïa u.

JINGPYNPAW 16:2

U angel uba nyngkong u la leit bad u la theh noh ïa ka pliang jong u ha ka pyrthei. Ki prum kiba shyrkhei bad kiba tyrha ki la mih ha kito kiba la don ïa ka shab jong u mradkhlaw bad ha kito kiba la mane ïa ka dur jong u.

JINGPYNPAW 16:21

Ki phria kiba heh, uwei uwei uba khia kat sanphew kilo, ki la hap na sahit bneng ha ki briew, kiba la tim ïa U Blei namar ka khlam jong u phria, namar ka la long ka khlam kaba shyrkhei eh.

JINGPYNPAW 6:8

Nga la khmih, bad hangta la don u kulai uba lieh bthuh. Ïa u nongshong kulai la ai kyrteng “ka Jingïap”, bad ka Hades ka bud syndah nadien. La ai ha ki ka bor halor shipawa na ka pyrthei, ban pynïap da ka thma, ka 'nemsniew, ka khlam, bad da ki mradkhlaw.

JINGPYNPAW 7:1

Hadien kane nga la ïohi ïa ki saw ngut ki angel kiba ïeng ha ki saw tylli ki dong jong ka pyrthei, ba ki ïabat ïa ki sawlyer, khnang ba yn ym don lyer ka ban beh halor ka khyndew lane ha ka duriaw lane ha pyrshah uno uno u dieng.

JINGPYNPAW 9:15

La pyllait noh ïa kita ki saw ngut ki angel; na ka bynta kane hi ka kynta jong kane hi ka sngi jong une hi u bnai bad ka snem ïa ki la buh pynkhreh ban pynïap noh shi bynta na ka lai bynta jong u bynriew baroh.

JINGPYNPAW 9:18

Shi bynta na ki lai bynta jong u bynriew la pynïap da kito ki lai tylli ki jingïapthem: Ka ding, ka tdem, bad u kyndok kiba mihnoh na ki shyntur jong ki kulai.

JINGPYNPAW 9:4

La ïathuh ïa ki ba kin ym pynmynsaw ïa u phlang lane ïa ki dieng lane ïa kiwei pat ki jingthung; ki lah ban pynmynsaw tang ïa ki briew ki bym don ka shab jong U Blei ha ki shyllangmat jong ki.