JINGPYNPAW 8:3 - Khasi CL Bible (BSI)

³ Uwei pat u angel, uba bat ïa ka pliang thang jingiwbih kaba da ka ksiar, u la wan bad u la ïeng ha ka duwan. La ai ha u shikatdei ka jingiwbih ryngkat bad ki jingduwai jong ki briew jong U Blei baroh bad ban ai ïa ka halor ka duwan ksiar kaba ïeng ha khmat kata ka khet.

KA BAIBL

³ Te uwei pat u angel u la wan bad u la ïeng hajan ka duwan, u da don ka pliang ksiar bathang iwbih; bad la ai ha u shibun ka jingainguh thang baiwbih, ba un ïoh pynlang ïa ka ha ki jingduwai ki riewkhuid baroh halor kata ka duwan ksiar kaba ha khmat kata ka khet.

JINGPYNPAW 8:3 ပူးပေါင်းရင်းမြစ်များ

1 SYIEM 7:50

ki khuri, ki jingpynlip sharak, ki pliang, ki pliang jingiwbih, bad ki khiew ba pyndonkam ban rah ïa ki rnga barhem; bad ki kopja ïa ki jingkhang ïa jingkhang jong ka Jaka Kaba Kyntang bad ïa ki jingkhang bashabar jong ka Templ. Ïa baroh kine ki tiar ki tar la thaw da ka ksiar.

SALM 141:2

To pdiang ïa ka jingduwai jong nga kum ka jingiwbih, ki kti ba la rah jong nga kum ka jingkñia janmiet.

EKSODOS 40:26

U buh ïa ka duwan ksiar hapoh ka Ïingjaiñ, ha khmat ka pyrda,

ISAÏAH 6:6

Te uwei na ki seraph u la her sha tbian sha nga, da kaba rah ïa u rnga uba rhem uba u la khap da ka nap na ka duwan.

ESEKIEL 41:22

Ka la long shi mitar shiteng ka jingjrong bad shi mitar ka jingïar. Ïa ki shawkad kiba ha kyndong, ki trai jong ki bad baroh shi rynïeng, la shna da ka dieng. Uta u briew u la ong ïa nga, “Kane ka dei ka miej kaba ïeng ha ka jingdon ryngkat jong U Trai.”

AMOS 9:1

Nga la ïohi ïa U Trai ba u ïeng harud ka duwan. U la ai ka hukum: “Tied tyngeh ïa ki khlieh rishot jong ka Templ haduh ba ka shyngkub baroh kawei kan da khih. Pynpait ïa ki bad ai ba kin hap halor ki khlieh jong ki briew. Ngan pynïap ha ka thma ïa ki briew kiba dang sah. Yn ym don u ban ïohphet; wat uwei ruh un ym lait im.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

JINGKHEIÑ 4:11

“Nangta pat, kin siang ïa ka jaiñ kaba jngum halor ka duwan ksiar, kin tap halor kata da ka snieh babha, bad kin bsuh ruh ïa ki dieng jingbah.

LOUKAS 1:10

katba u paidbah habar u la duwai ha ka kynta ha kaba la thang ïa ka jingiwbih.

Ka Shithi U Paul Sha Ki Nong Rom 8:34

Mano te, ki ban pynrem ïa ki? Ym U Khrist Jisu, uba la ïap, lane, ïa uba la pynmihpat bad uba don ha ka liang kamon jong U Blei, uba ïasaid bad u na ka bynta jong ngi!

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

HEBRU 9:4

Ha ka la buh ïa ka duwan ksiar na ka bynta ban thang ïa ki jingiwbih bad ïa ka Synduk ka Jutang ïa kaba la sop ksiar bad la don u khiew ksiar lem bad ka manna ha u, u diengduh jong u Aaron uba la mih sla, bad ki ar tylli ki mawlyngkniap ha kiba la thoh ïa ki hukum.

JINGPYNPAW 10:1

Nangta nga la ïohi sa uwei pat u angel bakhrawbor ba u wan hiar na bneng. La sop ïa u ha u lyoh bad la don u simpyllieng sawdong ka khlieh jong u; ka durkhmat jong u ka long kum ka sngi, bad ki kjat jong u kum ki rishot ding.

JINGPYNPAW 14:18

Nangta sa uwei pat u angel, uba dei khmih ïa ka ding, u la wan na ka duwan. U la pyrta ha ka sur kaba jam sha uta u angel uba la don ka rashi kaba nep, “To pyndonkam ïa la ka rashi, bad ot ïa ki sohwaiñ na ka bri sohwaiñ jong ka pyrthei, namar ba ki sohwaiñ ki la ih!”

JINGPYNPAW 5:8

Katba u dang leh kumta, kita ki saw tylli ki jingthaw ba-im bad ki arphew saw ngut ki nongsharai balang ki la dem khrup ha khmat U Khunlangbrot. Uwei pa uwei u la don ka duitara bad ki pliang ksiar ba la pyndap da ka jingiwbih, kiba long ki jingduwai jong ki briew jong U Blei.

JINGPYNPAW 6:9

Nangta U Khunlangbrot u la pynpait ïa ka jingpyndait kaba san. Nga la ïohi ha khrum ka duwan ïa ki mynsiem jong kito kiba la shah pynïap namar ba ki la pynbna ïa ka ktien U Blei bad ba ki la ïaineh ha ki jingphla jong ki.

JINGPYNPAW 7:2

Bad nga la ïohi ïa uwei pat u angel uba wan kiew na shaphang mihngi lem bad ka shab jong U Blei uba im. U la pyrta ha ka ktien kaba jam ïa ki saw ngut ki angel ha kiba U Blei u la ai bor ban pynjot ïa ka khyndew bad ïa ka duriaw.

JINGPYNPAW 8:4

Ka tdem jong ka jingainguh thang ka la kiew shalor ryngkat lem bad ki jingduwai jong ki briew jong U Blei na ki kti u angel uba ïeng ha khmat U Blei.

JINGPYNPAW 8:5

Nangta uta u angel u la shim ïa kata ka pliang thang jingiwbih, u la pyndap ïa ka da ki rnga ding barhem na ka duwan, bad u la bret ïa ka halor ka khyndew. La don ki jingkyrhuh bad ki jingsawa u pyrthat, ki jingthaba leilieh, bad u jumai.

JINGPYNPAW 9:13

Nangta u angel uba hynriew u la put ïa la ka turoi. Nga la ïohsngew ïa ka sur kaba wan na ki saw tylli ki dong jong ka duwan ksiar kaba ïeng ha khmat U Blei.