JINGPYNPAW 8:2 - Khasi CL Bible (BSI)

² Nangta nga la ïohi ïa ki hynñiew ngut ki angel kiba ïeng ha khmat U Blei, bad la ai ha ki, hynñiew tylli ki turoi.

KA BAIBL

² Bad nga la ïohi ïa ki hynñiew ki angel kiba ïeng ha khmat U Blei, bad ha ki, la ai hynñiew ki turoi.

JINGPYNPAW 8:2 ပူးပေါင်းရင်းမြစ်များ

SEKHARAÏAH 4:10

Ki la noh mynsiem namar ka jingsuki jong ka jingïaid ka kam. Hynrei kin ïohi ba u Serubbabel u dang ïai tei ïa ka Templ, bad kin long kiba kmen.” U angel u la ong ha nga, “Ki hynñiew tylli ki sharak ki long ki hynñiew tylli ki khmat jong U Trai kiba khmih halor ka pyrthei baroh.”

MATHAÏOS 18:10

“To sumar ba phin ym ibeiñ ïano ïano na kine kiba rit. Ki angel jong ki ha bneng, nga ong ha phi, ki ïai don ha ka jingdon ryngkat jong U Kpa jong nga uba ha bneng.

MATHAÏOS 24:31

Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.

LOUKAS 1:19

“Nga long u Gabriel,” u angel u la jubab. “Nga ïeng ha ka jingdon ryngkat jong U Blei, uba la phah ïa nga ban kren ha me bad ïathuh ha me ïa kane ka khubor babha.

LOUKAS 21:36

Da husiar bad duwai borabor ba phin don ka jingkhlaiñ ban leit ha ka jingshngain lyngba kito kiei kiei ki ban sa jia bad ban ïeng ha khmat jong U Khun U Briew.”

1 THESSALONI 4:16

Kan don ka jingpyrta da ka hukum, ka sur jong u angel rangbah, ka jingriew ka turoi jong U Blei, bad U Trai hi da lade un sa wan hiar na bneng. Kito kiba la ïap da kaba ngeit ha U Khrist kin ïamih pat shuwa;

JINGPYNPAW 1:4

Na u Ïoannis sha ki hynñiew tylli ki balang ha ka probins jong ka Asia: Ka jingaiei bad ka jingsuk ïa phi na U Blei, uba long, uba la long bad u ban sa wan, bad na ki hynñiew ki mynsiem kiba ha khmat ka khet jong u,

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 15:1

Nangta nga la ïohi ha ka suiñbneng ïa kawei pat ka jingïohi kaba maïan, kaba khraw bad kaba iphylla. La don hynñiew ngut ki angel lem bad hynñiew tylli ki khlam, kiba long kiba khatduh, namar ki long ki jingpynpaw kiba khatduh jong ka jingbitar U Blei.

JINGPYNPAW 16:1

Nangta nga la ïohsngew ïa ka sur kaba jam kaba kren na ka Templ, ha ki hynñiew ngut ki angel: “Khie leit bad theh noh ïa ki hynñiew tylli ki pliang jong ka jingbitar U Blei ha ka pyrthei!”

JINGPYNPAW 8:13

Nangta nga la khmih, nga la ïohsngew ïa u pukni uba her shajrong eh jong ka suiñ ba u pyrta ha ka sur kaba jam, “Kaba kordit! Kaba kordit! Katno kaba kordit kan long ïa baroh kiba shong ha ka pyrthei haba ka jingsawa ka mih na ki turoi ïa kaba kita kiwei pat ki lai ngut ki angel kin put.”

JINGPYNPAW 8:6

Nangta kita ki hynñiew ngut ki angel kiba don kita ki hynñiew tylli ki turoi ki la pynkhreh ban put ïa ki.

JINGPYNPAW 9:1

Nangta u angel uba san u la put ïa ka turoi. Nga la ïohi ïa u khlur uba la hap sha ka khyndew, bad la ai ha u ïa u shabi jong ka liewlong ba khlem trai.