JINGPYNPAW 8:12 - Khasi CL Bible (BSI)

¹² Nangta u angel uba saw u la put ïa la ka turoi. Shi bynta na ka lai bynta jong ka sngi la shoh, bad shi bynta na ka lai bynta jong u bnai, bad shi bynta na ka lai bynta jong ki khlur, ba ka jingshai jong ki ka la jah noh shi bynta na ka lai bynta ka jingtyngshaiñ; ym shym la don jingshai ha ka shi bynta na ka lai bynta jong ka sngi bad ïa ka shi bynta na ka lai bynta jong ka miet.

KA BAIBL

¹² Bad u angel u basaw u la pynsawa; te la shoh ïa ka balai ka bynta na ka jong ka sngi, bad ïa ka balai ka bynta na ka jong u bnai, bad ïa ka balai ka bynta na ka jong ki khlur, khnang ban pyndum ïa kata ka balai ka bynta jong ki, bad kata ka sngi kam pynshai ïa kata ka balai ka bynta jong ka, bad ka miet kumjuh.

JINGPYNPAW 8:12 ပူးပေါင်းရင်းမြစ်များ

ISAÏAH 13:10

Uwei pa uwei u khlur bad kawei pa kawei ka thup khlur kin sangeh ban tyngshaiñ, ka sngi kan long kaba dum haba ka mih, bad u bnai un ym ai kano kano ka jingshai.

ISAÏAH 24:23

U bnai un kylla dum, bad ka sngi kan ym tyngshaiñ shuh, namar U Trai Badonbor Baroh un long u syiem. Un synshar ha Jerusalem halor u Lum Seïon, bad ki nongïalam jong ki briew kin ïohi ïa ka burom jong u.

JEREMAÏAH 4:23

Nga la khmih ha ka pyrthei — ka la long ka jingsep ei suda, ha ka sahit bneng — ym don kano kano ka jingshai.

JOEL 2:10

Ka pyrthei ka khih katba ki nang tur; ka sahit bneng ka khynñiuh. Ka sngi bad u bnai ki kylla dum, bad ki khlur kim shai shuh.

JOEL 2:31

Ïa ka sngi yn pyndum, bad u bnai un kylla saw kum ka snam shuwa kata ka sngi bakhraw bad bashyrkhei jong U Trai kan wan.

JOEL 3:15

Ka sngi bad u bnai ki kylla dum, bad ki khlur kim tyngshaiñ shuh.

AMOS 8:9

Ka por ka poi haba ngan pynlong ïa ka sngi ba kan sep noh hamar shiteng sngi, bad ïa ka pyrthei ban dum ha ka por mynsngi. Ma nga, U Trai Nongsynshar, nga la kren.

MATHAÏOS 24:29

“Shen hadien ka jingjynjar jong kito ki sngi, ka sngi kan dum, u bnai un ym tyngshaiñ shuh, ki khlur kin hap na bneng, bad ki bor ha ka haw haw kin shah beh na ki lynti jong ki.

MATHAÏOS 27:45

Ha ka por shiteng sngi, ïa ka ri baroh kawei la tap da ka jingdum kaba la neh lai kynta.

MARKOS 13:24

“Ha ki sngi hadien kata ka por jong ka jingjynjar, ka sngi kan sa kylla dum, u bnai un ym shai shuh,

MARKOS 15:33

Ha ka por shiteng sngi, ïa ka ri baroh kawei la tap da ka jingdum, kaba neh lai kynta.

LOUKAS 21:25

“Kin don kiei kiei kiba phylla ki ban jia ha ka sngi, ha u bnai, bad ha ki khlur. Ha ka pyrthei, ki ri baroh kin don ha ka jingnoh mynsiem, ki tieng ïa ka jingkyrhuh jong ka duriaw bad ïa ka jingkhih phaloh ki jingat phyllung.

KI KAM 2:20

ïa ka sngi yn pyndum, bad u bnai un kylla saw kum ka snam, ha shuwa Ka Sngi kaba khraw bad kaba donburom jong U Trai ka wan.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

JINGPYNPAW 12:4

Da u tdong jong u, u la patan na ka sahit bneng ïa shi bynta na ki lai bynta ki khlur bad u la bret arsut ïa ki sha ka khyndew. U la ïeng ha khmat jong kata ka briew, khnang ban bam ïa u khunlung jong ka tang mar ïa kha ïa u.

JINGPYNPAW 16:10

Nangta u angel uba san u la theh noh ïa ka pliang jong u ha ka khet jong u mradkhlaw. Ka jingdum ka la tap ïa ka hima jong u mradkhlaw, bad ki briew ki la dait ïa la ki thylliej namar ka jingpang jong ki,

JINGPYNPAW 6:12

Bad nga la ïohi ïa U Khunlangbrot ba u pynpait ïa ka jingpyndait kaba hynriew. Ka la don ka jingkhynñiuh jumai kaba jur, bad ka sngi ka la kylla rong ïong kum ka jaiñ ïong kaba khain, bad u bnai u la kylla rong saw kum ka snam.

JINGPYNPAW 9:15

La pyllait noh ïa kita ki saw ngut ki angel; na ka bynta kane hi ka kynta jong kane hi ka sngi jong une hi u bnai bad ka snem ïa ki la buh pynkhreh ban pynïap noh shi bynta na ka lai bynta jong u bynriew baroh.

JINGPYNPAW 9:18

Shi bynta na ki lai bynta jong u bynriew la pynïap da kito ki lai tylli ki jingïapthem: Ka ding, ka tdem, bad u kyndok kiba mihnoh na ki shyntur jong ki kulai.