JINGPYNPAW 7:9 - Khasi CL Bible (BSI)

⁹ Hadien kane nga la khmih, bad la don u paidbah byllien — ym don mano mano ba lah ban ñiew ïa kita ki briew baroh! Ki la long na man ki kynja bynriew, ki jaitbynriew, ki hima, bad ki jait ktien, bad ki la ïeng ha khmat ka khet bad ha khmat uta U Khunlangbrot, kiba la riam ha ki jaiñ balieh bad ki bat ïa ki tnat dieng Tlai ha la ki kti.

KA BAIBL

⁹ Hadien kine kiei kiei ruh, nga la khmih, bad ha khmih, u paidbah byllien, ïa uba uno uno um lah ban ñiew, na ki kynja bynriew bad na ki jaid bad na ki paidlang bad na ki thylliej baroh, ba ki da ïeng ha khmat kata ka khet bad ha khmat uta U Khun langbrot, kiba la kup ki jaiñkup balieh, bad ki dieng Tlai ha ki kti jong ki;

JINGPYNPAW 7:9 ပူးပေါင်းရင်းမြစ်များ

JENESIS 13:16

Ngan ai ha me bun ki khun ki ksiew ba yn ym don mano mano ba lah ban ñiew ïa ki baroh; kan kham jem ban ñiew ïa ki phngit pui pui ha ka khyndew!

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

SALM 2:8

To pan, bad ngan ai ha me ïa ki jaitbynriew baroh; ka pyrthei baroh kawei kan long ka jong me.

SALM 22:27

Baroh ki jaitbynriew kin kynmaw ïa U Trai. Na ki bynta baroh jong ka pyrthei kin phai sha u; baroh ki kynja bynriew kin mane ïa u.

SALM 76:4

A katno me long uba donburom, A Blei! Katno me long uba iphieng, haba me wan phai na ki lumbah ha kiba me la jop ïa ki nongshun jong me.

SALM 77:2

Ha ki por jingjynjar nga duwai ha U Trai; baroh shi miet nga rah ïa la ki kti ha ka jingduwai; hynrei ngam ïoh jingpyntngen.

SALM 98:3

U bat ïa la ka kular ha ki paid Israel da ka jingïaineh bad jingieit baneh ïa ki. Ki briew baroh kiba don sawdong ki la ïohi ïa ka jingjop U Blei jong ngi.

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 3:17

Haba kata ka por ka wan, ïa ka Jerusalem yn khot, ‘Ka Khet ka jong U Trai,’ bad baroh ki jaitbynriew kin ïalumlang hangta ban mane ïa nga. Kin ym leh shuh ïa kaei ba ka dohnud ba-mutlop bad basniew jong ki ka ong.

ESEKIEL 47:5

U la thew shuh shuh sanspah mitar, bad hangta ka wahduid ka la jylliew haduh katta katta ba ngam lah ban ïaid ha ka. Ka la jylliew haduh katta katta ba ym lah ban jam sha shiliang lait noh tang da kaba shu jngi.

DANIEL 4:1

U syiem Nebukhadnessar u la phah ïa ka khubor harum sha ki briew jong baroh ki jaitbynriew, ki jait ki kynja, bad ki ktien ki thylliej ha ka pyrthei: “Khublei!

DANIEL 6:25

Nangta u syiem Darius u la thoh sha ki briew jong ki jaitbynriew baroh, ki jait ki kynja, bad ki ktien ki thylliej ha ka pyrthei: Khublei!

HOSIA 1:10

Ki briew ka Israel kin sa bun kum u shyiap ka duriaw, kin bun haduh bym lah shuh ban ñiew lane ban thew. Mynta U Blei u ong ïa ki, “Phim dei ki briew jong nga,” hynrei ka sngi kan poi ha kaba un ong ha ki, “Phi dei ki khun jong U Blei uba im.”

LEBITIKOS 23:40

Ha kata ka sngi kaba nyngkong, phin shim ïa ki soh kiba kynsai, ïa ki tnat dieng Tlai, bad ïa ki tnat dieng kiba bun sla, bad sdang ïa kane ka Jingkhawai Niam ban ai burom ïa U Trai U Blei jong phi.

SEKHARAÏAH 10:8

“Ngan khot ïa ki briew jong nga bad ngan lumlang ïa ki. Ngan pyllait im ïa ki bad pynlong ïa ki, kiba bun paid kumba ki ju long.

SEKHARAÏAH 2:11

Ha kata ka por shibun ki jaitbynriew kin wan sha U Trai bad long ki briew jong u. Un shong un sah hapdeng jong phi, bad phin tip ba u la lah phah ïa nga sha phi.

LOUKAS 12:1

Katba da ki hajar ngut ki briew ki dang ïalumlang, ba kumta ki la ïa-ïuh para ma ki, U Jisu u la ong nyngkong ha la ki synran, “To sumar na u thiat jong ki Pharisi — nga mut ïa ka jingarsap jong ki.

LOUKAS 21:36

Da husiar bad duwai borabor ba phin don ka jingkhlaiñ ban leit ha ka jingshngain lyngba kito kiei kiei ki ban sa jia bad ban ïeng ha khmat jong U Khun U Briew.”

ÏOANNIS 12:13

Kumta ki la kdiah ïa ki tnat dieng Tlai bad ki la mih ban leit ïakynduh ïa u, ki da pyrta, “Ïaroh ïa U Blei! To U Blei un kyrkhu ïa uta uba wan ha ka kyrteng jong U Trai! To U Blei un kyrkhu ïa u Syiem ki Israel!”

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

EPHESOS 6:13

Kumta to kieng mynta ïa ka jingkieng atiar U Blei! Nangta haba ka sngi basniew ka wan, phin lah ban ïeng ïaleh pyrshah ïa ki bor ïaleh u nongshun; bad hadien ba ka jingïaleh ka la kut, phin dang ïeng skhem ha ka nongrim jong phi.

HEBRU 11:12

La u Abraham u la ïap shisha, na une uwei u briew, la mih bun kiba hiarpateng kat ki khlur ha ka sahit bneng, kat u shyiap bymlah ñiew shuh harud duriaw.

HEBRU 12:22

Pynban, phi la wan sha u lum Seïon bad sha ka nongbah jong U Blei uba im, ka Jerusalem kaba kynja bneng, ha kaba la don bun hajar ki angel.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 22:3

Yn ym don kano kano kaba hapoh ka jingtim U Blei ïa kaba yn shem hapoh ka nongbah. Ka khet ka jong U Blei bad ka jong U Khunlangbrot kan don hapoh ka nongbah, bad ki shakri jong u kin mane ïa u.

JINGPYNPAW 3:18

Te nga ai jingmut ïa pha ban thied ksiar na nga, ka ksiar banylla, khnang ba phan riewspah. Thied ruh ïa ki jaiñkup balieh ban kup ïa lade bad ban tap ïa ka jinglyngkhuit bakhlemrain jong pha. Thied ruh katto katne ka jingtah ban tah ha ki khmat jong pha, khnang ba pha lah ban ïohi.

JINGPYNPAW 4:4

Sawdong ïa ka khet, la don arphew saw tylli kiwei pat ki khet, ha kaba la shong arphew saw ngut ki nongsharai balang kiba la riam da kaba lieh bad phong ki pansngiat ksiar.

JINGPYNPAW 5:11

Nga la khmih biang, bad nga la ïohsngew ïa ki angel, da ki hajar bad ki million na ki! Ki la ïeng sawdong ka khet, ki saw tylli ki jingthaw ba-im, bad ki nongsharai balang,

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.

JINGPYNPAW 6:11

Ha uwei pa uwei na ki la ai ïa ka jaiñkup balieh, bad la ong ïa ki ba kin shongthait sa shipor, tad ynda la dep kheiñ lut ïa ki para shakri bad parabangeit kiba la shah pynïap, kumba la leh ïa ki.