JINGPYNPAW 7:3 - Khasi CL Bible (BSI)

³ U angel u la ong, “Wat pynsniew ïa ka khyndew, ka duriaw ne ïa ki dieng, katba ym pat buh dak ïa ki shakri jong U Blei jong ngi da ka shab ha ki shyllangmat jong ki.”

KA BAIBL

³ u da ong, “To wat pynsniew ïa ka khyndew, lymne ïa ka duriaw, lymne ïa ki dieng, ha ban da ngi la ïoh shon ïa ki shakri U Blei jong ngi halor ki shyllangmat jong ki.”

JINGPYNPAW 7:3 ပူးပေါင်းရင်းမြစ်များ

EKSODOS 12:13

Ka snam ha ki shawkad kan long ka dak ban pyn-i ïa ki ïing ha kiba phi shong. Haba nga ïohi ïa kata ka snam, ngan ïaid lait na phi, bad ngan ym ktah ïa phi haba nga pynshitom ïa ki nong Ijipt.

EKSODOS 12:23

Haba U Trai u ïaid lyngba ïa ka ri Ijipt ban pynïap ïa ki nong Ijipt, un ïohi ïa ka snam ha u bim bad ha ki shawkad bad un ym shah ïa u Angel jong ka Jingïap ban rung shapoh ki ïing jong phi bad pynïap ïa phi.

ISAÏAH 27:8

U Trai u la pynshitom ïa ki briew jong u da kaba phah ïa ki sha ka jinglongmraw. U la shim ïa ki da ka lyer bashyrkhei na shaphang mihngi.

ISAÏAH 54:17

Hynrei yn ym don ka tiar thma ka ban lah ban pynmynsaw ïa pha; phan don ka jubab ïa kito baroh kiba mudui ïa pha. Ngan kyrshan ïa ki shakri jong nga bad ngan ai jingjop ïa ki.” U Trai u la kren.

ISAÏAH 6:13

Wat lada uwei u briew na ki shiphew ngut u sah ha ka ri, ïa u ruh yn pynjot, un long kum u dyngkhong jong u dieng Sning uba la khet.” (U dyngkhong u ïeng na ka bynta ka jingsdang bathymmai ïa ki briew jong U Blei.)

ISAÏAH 65:8

U Trai u ong, “Ym ju don ba pynjot ïa ki sohwaiñ kiba bha; pynban, ki shna waiñ na ki. Lymne ngan ym pynjot ruh ïa ki briew jong nga baroh — ngan ïada ïa kito kiba shakri ïa nga.

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

ESEKIEL 9:6

Pynïap ïa ki tymmen, ki samla shynrang, ki samla kynthei, ki longkmie bad ki khynnah rit. Hynrei wat ktah kti ïa uno uno uba don ka dak ha ka shyllangmat jong u. Sdang nangne na ka Templ jong nga.” Kumta ki la sdang na ki nongïalam kiba ïeng hangta ha ka Templ.

DANIEL 3:17

Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

DANIEL 3:26

Kumta u Nebukhadnessar u la leit kiew sha ka jingkhang jong ka lawar ding baklang bad u la pyrta, “Ko Shadrakh! Ko Meshakh! Ko Abednego! Ko shakri jong U Blei Bahakhlieh Tam Eh! To mihnoh shabar!” Bad kumta hi ki la wan mih shabar.

DANIEL 6:16

Kumta u syiem u la ai ki hukum ban kem ïa u Daniel bad ban bret ïa u shapoh ka thliew kaba dap da ki sing. U la ong ha u Daniel, “Ai ba U Blei jong me, ïa uba me shakri hok katta katta, un pyllait im ïa me.”

SEPHANAÏAH 2:3

To phai noh sha U Trai, phi baroh ki briew kiba sngewrit, kiba kohnguh ïa ki hukum jong u. To leh ïa kaei kaba dei, bad to pynrit ïa lade ha khmat U Trai. Lehse phin lait na ka jingpynshitom ha ka sngi haba U Trai u pyn-i ïa ka jingbitar jong u.

MALAKHI 3:18

Sa shisien pat ki briew jong nga kin ïohi ïa ka jingïapher hapdeng kaei kaba jia ïa kiba hok bad ïa ki bymman, ha u briew uba shakri ïa nga bad ha uta u bym leh kumta.”

MATHAÏOS 24:22

Hynrei U Blei u la pynduna ïa ka jingbun ki sngi; lada um shym la leh kumta, yn ym don mano mano ruh uba lah ban lait im. Na ka bynta ki briew jong u kiba u la jied, U Blei un pynduna ïa ki sngi.

MATHAÏOS 24:31

Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

ÏOANNIS 3:33

Hynrei uno uno uba pdiang ïa ka khubor jong u, u pynskhem da kane ba U Blei u long uba shisha.

Ka Shithi U Paul Sha Ki Nong Rom 6:22

Hynrei mynta ïa phi la pyllaitluid na ka pop bad phi long ki mraw jong U Blei. Ka jingmyntoi ïa phi ka long ka jingim ba la aiti lut sha u, bad ka jingmih ka long ka jingim bymjukut.

JINGPYNPAW 13:16

U mradkhlaw u la pynbor ïa ki briew baroh, kiba rit bad kiba khraw, kiba riewspah bad kiba duk, ki mraw bad kiba laitluid, ban don ka shab ïa kaba la buh ha ki kti kamon jong ki lane ha ki shyllangmat jong ki.

JINGPYNPAW 13:17

Ym don mano mano ba lah ban thied ne die khlem don kane ka shab, kaba long, ka kyrteng jong u mradkhlaw lane u dak jingkheiñ uba ïeng na ka bynta ka kyrteng jong u.

JINGPYNPAW 14:1

Te nga la peit, bad la don U Khunlangbrot uba ïeng halor u lum Seïon; lem bad u la don shi lakh sawphew saw hajar ngut ki briew kiba la don ïa ka kyrteng jong u, bad ïa ka kyrteng jong U Kpa jong u ïa kaba la thoh ha ki shyllangmat jong ki.

JINGPYNPAW 14:9

U angel uba lai u la bud ïa ki ar ngut ki angel kiba sha khmat, da kaba kren ha ka sur kaba jam, “Uno uno u mane ïa u mradkhlaw bad ïa ka dur jong u bad pdiang ïa ka shab ha ka shyllangmat jong u lane ha ka kti jong u,

JINGPYNPAW 19:2

Ki jingbishar jong u ki long kiba shisha bad kiba hok! U la pynrem ïa ka nuti kaba pynpyut ïa ka khyndew da ki jingawria jong ka. U Blei u la pynshitom ïa ka namar ba ka la pynïap ïa ki shakri jong u.”

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.

JINGPYNPAW 22:4

Kin ïohi ïa ka durkhmat jong u, bad ïa ka kyrteng jong u yn thoh ha ki shyllangmat jong ki.

JINGPYNPAW 6:6

Nga la ïohsngew ïa kaei kaba sawa kum ka sur kaba wan napdeng ki saw tylli ki jingthaw ba-im kaba la ong, “Shi kilo u kew na ka bynta ka bainong shi sngi, bad lai kilo u barli na ka bynta ka bainong shi sngi. Hynrei wat pynjot noh ïa ki dieng Olib bad ïa ki bri sohwaiñ!”

JINGPYNPAW 7:1

Hadien kane nga la ïohi ïa ki saw ngut ki angel kiba ïeng ha ki saw tylli ki dong jong ka pyrthei, ba ki ïabat ïa ki sawlyer, khnang ba yn ym don lyer ka ban beh halor ka khyndew lane ha ka duriaw lane ha pyrshah uno uno u dieng.

JINGPYNPAW 7:2

Bad nga la ïohi ïa uwei pat u angel uba wan kiew na shaphang mihngi lem bad ka shab jong U Blei uba im. U la pyrta ha ka ktien kaba jam ïa ki saw ngut ki angel ha kiba U Blei u la ai bor ban pynjot ïa ka khyndew bad ïa ka duriaw.

JINGPYNPAW 9:4

La ïathuh ïa ki ba kin ym pynmynsaw ïa u phlang lane ïa ki dieng lane ïa kiwei pat ki jingthung; ki lah ban pynmynsaw tang ïa ki briew ki bym don ka shab jong U Blei ha ki shyllangmat jong ki.