JINGPYNPAW 7:16 - Khasi CL Bible (BSI)

^16-17 Lano lano ruh kin ym thngan ne kin ym sliang; ka sngi lymne ka jingshit kyr-ang kan ym thang ïa ki, namar U Khunlangbrot, uba don hapdeng jong ka khet, un long u nongaplangbrot jong ki, bad un ïalam ïa ki sha ki umpohliew jong ka um ba ai jingim. Bad U Blei un ñiad noh ïa ki ummat baroh na ki khmat jong ki.”

KA BAIBL

¹⁶ Kin ym thngan shuh, lymne sliang shuh, lymne ka sngi kan ym ïoh shoh ha ki, lymne kano kano ka jingshit;

JINGPYNPAW 7:16 ပူးပေါင်းရင်းမြစ်များ

SALM 121:5

U Trai u long u nongap jong phi; u long ha syndah ban ïada ïa phi.

SALM 121:6

Ka sngi kan ym shoh pynmynsaw ïa phi mynsngi, lymne u bnai mynmiet.

SALM 143:6

Nga rah ïa ki kti sha me ha ka jingduwai; kum ka khyndew ba-tyrkhong ka mynsiem jong nga ka sliang ïa me.

SALM 42:2

Nga sliang ïa me, U Blei ba-im; lano nga lah ban leit bad mane ha ka jingdon ryngkat jong me?

SALM 63:1

A Blei, me long U Blei jong nga, bad nga thrang ïa me. Ka longrynïeng jong nga baroh kawei ka angnud ïa me; kum ka khyndew bym don um kaba ryngkhiang bad kaba pdang ka mynsiem jong nga ka sliang ïa me.

JINGRWAI SOLOMON 1:6

Wat khmih beiñ ïa nga namar ka rong sniehdoh jong nga, namar ba ka sngi ka la pynkylla rong ïa nga. Ki shynrang kiba shi para bad nga ki bitar ïa nga bad ki pyntrei ïa nga ha ka bri sohwaiñ. Ngam don por ban sumar ïa lade.

ISAÏAH 25:4

Kiba duk bad ki bym don jingïarap ki phet sha me bad ki shongshngain ha ki por ka jingjynjar. Me ai jakarieh ïa ki na ki 'erïong bad ka jakarieh tngen na ka jingshit kyr-ang. Ki riewrunar ki tur ïaleh kum ka 'erïong tlang,

ISAÏAH 32:2

Uwei pa uwei na ki un long kum ka jingkah na ka lyer bad ka jaka ban rieh na ki 'erïong. Kin long kum ki wahduid kiba tuid ha ka ri shyiap, kum ka jingkah syrngiew u mawsiang bah ha ka ri shrah.

ISAÏAH 41:17

“Haba ki briew jong nga ha ka jingkyrduh jong ki, ki wad um, haba ki pdot jong ki, ki la tyrkhong da ka jingsliang, Te nga, U Trai, ngan jubab ïa ki jingduwai jong ki; nga, U Blei jong ki Israel, ngan ym iehnoh ïa ki da lei lei.

ISAÏAH 49:10

Kin ym shahthngan lane sliang shuh. Ka jingshit jong ka sngi bad ka ri shyiap kin ym pynjynjar ïa ki, namar yn ïalam ïa ki da uta uba ieit ïa ki. Un ïalam ïa ki sha ki umpohliew.

ISAÏAH 65:13

Bad kumta ngan ïathuh ïa phi ba kito kiba mane bad kohnguh ïa nga kin ïoh kyrhai ban bam ban dih, hynrei phi phin thngan bad phin sliang. Ma ki kin shadkmen hynrei ma phi phin jahburom.

JONAH 4:8

Hadien ba ka sngi ka la mih, U Blei u la phah ïa ka lyer mihngi kaba shit, bad u Jonah u la jan ïapler na ka jingshit jong ka sngi kaba shoh halor ka khlieh jong u. Kumta u la kwah ban ïap noh. “Ka kham bha ïa nga ban ïap noh ban ïa kaba im,” u la ong.

MATHAÏOS 13:21

Hynrei kam shym ngam jylliew hapoh jong ki, bad kim shym neh slem. Kumta haba ka jingjynjar lane ka jingshah pynshitom beiñ ka wan namar ka khubor, ki iehnoh shisyndon.

MATHAÏOS 13:6

Hynrei haba ka sngi ka la mih, ka thang ïa ki jingthung ba dang lung; bad namar ba ki thied kim da ngam jylliew bha, shen ki jingthung ki la ïap tyrkhong.

MATHAÏOS 5:6

Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

MARKOS 4:17

Hynrei ka khubor kam ngam jylliew hapoh jong ki, bad kim neh slem. Kumta haba ka jingeh lane ka jingpynshitom beiñ ka wan namar ka khubor, tang kumta hi ki phai dien noh.

MARKOS 4:6

Te haba ka sngi ka la shit, ka la thang noh ïa ki jingthung ba dang lung; bad namar ba ki thied kim da ngam jylliew bha, ki jingthung shen ki tyrkhong noh.

LOUKAS 1:53

U la pyndap ïa kiba thngan da kiei kiei kiba bha, bad u la phah noh thylli ïa kiba riewspah.

LOUKAS 6:21

Suk ma phi kiba thngan mynta; yn pyndap ïa phi! Suk ma phi kiba ïam mynta; phin rkhie!

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

JAKOB 1:11

Ka sngi ka mih lem bad ka jingshit kyr-ang bad ka thang ïa u jingthung; u syntiew jong u, u hap noh, bad ka jingitynnat jong u ka jah noh. Ha kajuh ka rukom ïa uba riewspah yn pynjot noh katba u dang don ha ka kam jong u ba u trei.

JINGPYNPAW 21:4

Un ñiad noh ïa ki ummat baroh na ki khmat jong ki. Yn ym don shuh ka jingïap, ym don shuh ka jingsngewsih lane ka jingïam lane ka jingpang. Kiei kiei kiba rim ki la jah noh.”