JINGPYNPAW 7:12 - Khasi CL Bible (BSI)

¹² Te ki la dem ngon ha khmat kata ka khet bad ki la mane ïa U Blei, ki da ong, “Amen! Ka jingïaroh, ka burom, ka jingstad, ka jingainguh, ka jingpyndonburom, ka bor, bad ka jingkhlaiñ ki long jong U Blei jong ngi junom la junom! Amen!”

KA BAIBL

¹² ki da ïa-ong: “Amen! Ka jingkyrkhu bad ka burom bad ka jingstad bad ka jingainguh bad ka jingpyndonburom bad ka bor bad ka jinglah ha U Blei jong ngi sha ki bymjukut ki bymjukut: Amen.”

JINGPYNPAW 7:12 ပူးပေါင်းရင်းမြစ်များ

NEHEMAÏAH 12:46

Naduh ka por u syiem Dabid bad u nongtem nongput, u Asaph, slem mynshuwa, ki nongtem nongput ki ïalam ïa ki jingrwai jong ka jingïaroh bad jingainguh sha U Blei.

SALM 100:4

To rung sha ki khyrdop ka Templ da ka jingainguh; leit sha ki phyllaw jong ka da ka jingïaroh. To ainguh ïa u bad to ïaroh ïa u!

SALM 106:48

Ïaroh ïa U Trai, U Blei jong ki Israel; ïaroh ïa u mynta bad junom! Ai ba baroh kin ong, “Amen!” Ïaroh ïa U Trai!

SALM 107:22

Ki dei ban sngewnguh ïa u da ki jingkñia, bad da ki jingrwai jong ka jingkmen ki dei ban ïathuh ïa baroh kaba u la leh.

SALM 116:17

Ngan ai ha me ka jingkñia ainguh bad ai ka jingduwai sha me.

SALM 147:7

To rwai ki jingrwai jong ka jingïaroh ïa U Trai; tem ïa ki sur ha ka duitara ha U Blei jong ngi.

SALM 41:13

Ïaroh ïa U Trai, U Blei ki Israel! Ïaroh ïa u mynta bad junom! Amen! Amen!

SALM 50:14

Ai ba ka jingai jong ka jingsngewnguh jong phi kan long ka jingkñia sha U Blei, bad to ai sha U Badonbor Baroh ïa kata baroh kaba phi la kular.

SALM 72:19

To ïaroh ïa ka kyrteng badonburom jong u junom! Ai ba ka burom jong u kan pyndap ïa ka pyrthei baroh kawei. Amen! Amen!

SALM 89:52

A to ïaroh ïa U Trai junom! Amen! Amen!

SALM 95:2

To ngin ïawan ha khmat jong u da ka jingainguh bad rwai kmen da ki jingrwai ïaroh!

ISAÏAH 51:3

“Ngan pyn-i ïa ka jinglehisynei ïa ka Jerusalem, sha kito baroh kiba shong halor ki jingpra jong ka. Wat la ka jaka jong ka, ka long kum ka ri shyiap, ngan pynlong ïa ka, ka kper, kum ka kper kaba nga la thung ha Eden. Ka jingkmen bad ka jinglehkmen kin don hangta, bad ki jingrwai jong ka jingïaroh bad jingainguh ïa nga.

JEREMAÏAH 33:11

Hynrei ha kine ki jaka phin ïohsngew biang ïa ki jingpyrta jong ka jingkmen bad ka jinglehkmen bad ki jingsawa bakmen jong ki jingïabam khawai shongkurim. Phin ïohsngew ba ki briew ki ïarwai katba ki wallam ïa ki jingainguh thang sha ka Templ jong nga; kin ïa-ong, “ ‘To ainguh ïa U Trai Badonbor Baroh, namar u long uba bha bad ka jingieit jong u ka neh bymjukut.’ Ngan pynlong ïa kane ka ri kaba roi kyrhai kumba mynshuwa. Ma nga, U Trai, nga la kren.”

JEREMAÏAH 33:9

Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

JONAH 2:9

Hynrei ngan rwai ki jingïaroh ïa me; ngan ai ka jingkñia ïa me bad ngan leh ïa kaei kaba nga la kular. Ka jingpynim ka wan na U Trai!”

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

Ka Shithi U Paul Sha Ki Nong Rom 11:36

Naba ïa baroh kiei kiei la thaw da u, bad baroh kiei kiei ki long lyngba jong u bad na ka bynta jong u. Ha U Blei, to long ka burom junom! Amen.

1 KORINTH 14:16

Haba phi ainguh ha U Blei tang ha ka mynsiem, da kumno u riewpaidbah uba shim bynta ha ka jingïaseng u lah ban ong “Amen” ha kata ka jingduwai ainguh jong phi? Kim don lynti ban sngewthuh ïa kaei kaba phi kren.

2 KORINTH 4:15

Kane baroh ka long na ka bynta jong phi; bad katba ka jingaiei U Blei ka dang kner noh sha kiba bun ki briew, kin ai sha ka burom U Blei kham bun ki jingduwai ainguh.

KOLOSSAI 2:7

Pynngam jylliew ïa ki nongrim jong phi ha u, to tei ïa ka jingim jong phi halor jong u, bad to nang kham khlaiñ ha ka jingngeit jong phi, kumba la hikai ïa phi. Bad to long kiba la pyndap da ka jingainguh.

KOLOSSAI 3:17

Nangta, ïa kaei kaei baroh kaba phi leh ne phi ong, dei ban leh ha ka kyrteng jong U Trai Jisu, ha kaba phi ainguh da u ïa U Blei uba U Kpa.

JUDAH 1:25

ha U Blei, uba tang ma u hi U Nongpynim jong ngi, da U Jisu Khrist uba U Trai jong ngi, to long ka burom, ka jingkhraw bor, ka jingkhlaiñ, bad ka jingsynshar, na ki rta ba la leit noh baroh, bad mynta, bad sha ki bymjukut bad bymjukut! Amen.

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

JINGPYNPAW 19:4

Ki arphew saw ngut ki nongsharai balang bad ki saw tylli ki kherub ki la dem khrup bad ki la mane ïa U Blei, uba la shong ha ka khet. Ki la ong, “Amen! To ïaroh ïa U Blei!”