JINGPYNPAW 7:10 - Khasi CL Bible (BSI)

¹⁰ Ki la pyrta ha ka sur kaba jam: “Ka jingpynim ka wan na U Blei jong ngi, uba shong halor ka khet, bad na uta u Khunlangbrot!”

KA BAIBL

¹⁰ bad ki da ïapyrta da ka ktien bajam, ki da ïa-ong, “Ka jingpynim ha U Blei jong ngi uba shong halor kata ka khet, bad ha uta U Khun langbrot!”

JINGPYNPAW 7:10 ပူးပေါင်းရင်းမြစ်များ

SALM 115:1

Tang sha me hi, A Trai, tang sha me hi! bad ym sha ngi, ba dei ban ai ïa ka burom namar ka jingieit baneh bad ka jingïaineh jong me.

SALM 3:8

Ka jingjop ka wan na U Trai — to un kyrkhu ïa ki briew jong u.

SALM 37:39

U Trai u pynim ïa ki briew kiba hok; bad u ïada ïa ki ha ki por ka jingjynjar.

ISAÏAH 43:11

“Nga hi marwei nga long U Trai, uba tang marwei uba lah ban pynim ïa phi.

ISAÏAH 45:15

U Blei ki Israel, uba pynim ïa la ki briew, u long U Blei uba buhrieh ïa lade.

ISAÏAH 45:21

Ale bad ai ïa ka kam jong phi ha ka ïingbishar; ai ba ki nongïasaid kin ïasyllok uwei ïa uwei pat. Mano ba la ïathuhlypa slem mynshuwa kaei ban jia? Hato ym dei ma nga, U Trai, U Blei uba pynim ïa la ki briew? Ym don uwei pat U Blei.

JEREMAÏAH 3:23

Ngim shym la ïoh jingïarap ei ei da ka jingmane jong ngi ka bym dei ïa me halor ki kliar lum. Ka jingïarap ïa ki Israel ka wan tang na U Trai U Blei jong ngi.

HOSIA 13:4

U Trai u ong, “Nga long U Trai U Blei jong phi, uba ïalam noh ïa phi na ka ri Ijipt. Phim don uwei pat U Blei lait na nga. Nga dei tang ma nga u nongpynim jong phi.

JONAH 2:9

Hynrei ngan rwai ki jingïaroh ïa me; ngan ai ka jingkñia ïa me bad ngan leh ïa kaei kaba nga la kular. Ka jingpynim ka wan na U Trai!”

SEKHARAÏAH 4:7

Ki jingjynthut kiba khraw kat ki lumbah kin jah noh ha khmat jong me. Men tei pat ïa ka Templ, bad katba me dang buh ïa u maw bakhatduh ha la ka jaka, ki briew kin pyrta ‘Kaba itynnat, kaba itynnat!’ ”

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

LOUKAS 3:6

U khunbynriew baroh u dei ban ïohi ïa ka jingpynim ka jong U Blei!’ ”

ÏOANNIS 1:29

Ha ka sngi kaba bud, U Ïoannis u la ïohi ïa U Jisu ba u wan sha u, bad u la ong, “Ha khmih, U Khunlangbrot jong U Blei, uba kit noh ïa ka pop jong ka pyrthei!

ÏOANNIS 4:22

Phi ki nong Samaria phim da tip shai ïano phi mane; hynrei ma ngi ki Jiw ngi tip ïano ngi mane, namar ka long na ki Jiw ba ka jingpynim ka wan.

EPHESOS 2:8

Namar dei da ka jingaiei U Blei ba ïa phi la pynim da ka jingngeit. Kam dei na ka jingmih na ki kam jong phi hi, hynrei ka long ka jingai U Blei, khnang ba uno uno un ym lah ban kren sarong shaphang kata.

JINGPYNPAW 12:10

Nangta nga la ïohsngew ïa ka sur bajam ha bneng kaba ong, “Mynta ka jingpynim jong U Blei ka la wan! Mynta U Blei u la pyn-i ïa ka bor jong u kum u Syiem! Mynta U Messaïah jong u, u la pyn-i ïa la ka bor! Naba ïa uta uba la ïeng ha khmat jong U Blei jong ngi bad uba la mudui ïa ki hynmen ki para jong ngi mynsngi bad mynmiet la bret shabar jong ka bneng.

JINGPYNPAW 19:1

Hadien kane, nga la ïohsngew ïa kaei kaba sawa kum ka jingkyrhuh jong ki paidbah babun ha bneng, da kaba ong, “To ïaroh ïa U Blei! Ka Jingpynim, ka burom, bad ka bor ki long ki jong U Blei jong ngi!

JINGPYNPAW 21:5

Nangta uta uba shong ha ka khet u la ong, “Bad mynta nga thaw thymmai ïa kiei kiei baroh!” U la ong ruh ïa nga, “Thoh ïa kane, namar kine ki ktien ki long kiba shisha bad kiba lah ban shaniah.”

JINGPYNPAW 22:3

Yn ym don kano kano kaba hapoh ka jingtim U Blei ïa kaba yn shem hapoh ka nongbah. Ka khet ka jong U Blei bad ka jong U Khunlangbrot kan don hapoh ka nongbah, bad ki shakri jong u kin mane ïa u.

JINGPYNPAW 4:6

Ha khmat ka khet ruh la don kaei kaba i kum ka ïit bakhraw, kaba shai sngur bha. La ker ha baroh sawdong ka khet da saw tylli ki jingthaw ba-im kiba don ki khmat sha khmat bad shadien.

JINGPYNPAW 5:7

U Khunlangbrot u la leit bad u la shim ïa ka kot kli na ka kti kamon jong uta uba shong halor ka khet.