JINGPYNPAW 7:1 - Khasi CL Bible (BSI)

¹ Hadien kane nga la ïohi ïa ki saw ngut ki angel kiba ïeng ha ki saw tylli ki dong jong ka pyrthei, ba ki ïabat ïa ki sawlyer, khnang ba yn ym don lyer ka ban beh halor ka khyndew lane ha ka duriaw lane ha pyrshah uno uno u dieng.

KA BAIBL

¹ Te hadien kane, nga la ïohi ïa ki saw ki angel kiba ïeng halor ki sawdong ka khyndew, ba ki ïabat ïa ki saw lyer ka khyndew, khnang ba ka lyer kan ym ïoh beh ha ka khyndew, lymne ha ka duriaw, lymne ha kano kano ka dieng.

JINGPYNPAW 7:1 ပူးပေါင်းရင်းမြစ်များ

ISAÏAH 11:12

U Trai un kyntiew ïa ka lama ai dak ban pyn-i ïa ki jaitbynriew ba u lumlang sa shisien ïa ki briew jong ka Israel bad Judah kiba la shah pynsaphriang bad u wallam pat ïa ki na ki sawdong jong ka pyrthei.

ISAÏAH 27:3

“Ngan khmih ïa ka bad ïai ai um ïa ka. Ngan ap phira ïa ka mynmiet bad mynsngi khnang ba yn ym don mano mano u ban pynsniew ïa ka.

ISAÏAH 27:8

U Trai u la pynshitom ïa ki briew jong u da kaba phah ïa ki sha ka jinglongmraw. U la shim ïa ki da ka lyer bashyrkhei na shaphang mihngi.

JEREMAÏAH 49:36

Ngan pynlong ïa ki lyer ban beh pyrshah ïa ka Elam na ki liang baroh, bad ngan pynsakma ïa ki briew jong ka kylleng, haduh ba yn ym don ki ri ha kiba ki nongphetwir na ka kim shym poi.

ESEKIEL 37:9

U Blei u la ong ha nga, “Ko khun u briew, to ïathuhlypa ha ka lyer. To ïathuh ha ka lyer ba U Trai Nongsynshar u hukum ïa ka ba kan wan na baroh sawdong, ban pyrsad mynsiem ha kine ki metïap, bad ban wallam pat ha ki ïa ka jingim.”

ESEKIEL 7:2

“Ko khun u briew,” u ong, “kane ka long kaei kaba ma nga, U Trai Nongsynshar nga kren ïa ka ri Israel: Kane ka dei kaba kut ïa ka ri baroh kawei!

DANIEL 11:4

Hynrei haba u la khlaiñbor bha, ka hima jong u kan pait bad yn phiah ha ki saw bynta. Ki syiem ki bym shym hiarpateng na u kin synshar ha ka jaka jong u, hynrei kin ym don ïa ka bor kaba u la don.

DANIEL 7:2

Ki lyer ki beh kyrthep na ki liang baroh bad ki shoh ïa ka sla ka duriaw-bah.

DANIEL 8:8

U 'langsohmoh u la nang sngewmeng, hynrei ha ka jingdap rynïeng ka bor jong u, ka reng jong u ka la kheiñ. Ha ka jaka jong ka la wan mih saw tylli ki reng, kawei kawei ka phai sha ki liang baïapher.

JONAH 1:4

Hynrei U Trai u la phah ïa ka lyer kaba jur ha ka duriaw, bad ka 'erïong ka la long kaba khlaiñ haduh katta katta ba ka liengbah ka don ha ka jingma jong ka jingpait jingpra.

SEKHARAÏAH 6:1

Nga la ïoh sa kawei pat ka jingïohipaw. Ha kane ka por nga la ïohi saw tylli ki kali ïapom kiba wan mih napdeng ki ar tylli ki lumbah rnong.

SEKHARAÏAH 6:5

U la jubab, “Kine ki long ki sawlyer, ki dang shu lah wan na ka jingdon ryngkat jong U Trai ka pyrthei baroh.”

MATHAÏOS 24:31

Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.

MARKOS 13:27

Un phah noh ïa ki angel sha sawdong ka pyrthei ban ïalumlang ïa ki briew ba la jied jong U Blei, na kawei ka dong jong ka pyrthei sha kawei pat.”

JINGPYNPAW 20:8

bad un mih shabar ban shukor ïa ki jaitbynriew ïa kiba la pynsakma kylleng ka pyrthei, kata ka Gog bad ka Magog. U Soitan un wallam lang ïa ki na ka bynta ka jingïaleh thma, kiba bun kat ki symboh shyiap harud ka duriaw.

JINGPYNPAW 6:6

Nga la ïohsngew ïa kaei kaba sawa kum ka sur kaba wan napdeng ki saw tylli ki jingthaw ba-im kaba la ong, “Shi kilo u kew na ka bynta ka bainong shi sngi, bad lai kilo u barli na ka bynta ka bainong shi sngi. Hynrei wat pynjot noh ïa ki dieng Olib bad ïa ki bri sohwaiñ!”

JINGPYNPAW 7:3

U angel u la ong, “Wat pynsniew ïa ka khyndew, ka duriaw ne ïa ki dieng, katba ym pat buh dak ïa ki shakri jong U Blei jong ngi da ka shab ha ki shyllangmat jong ki.”

JINGPYNPAW 8:7

U angel uba nyngkong u la put ïa la ka turoi. U phria bad ka ding, ba la khleh lang bad ka snam, ki la hap halor ka khyndew. Shi bynta na ka lai bynta jong ka khyndew la thang duh noh, shi bynta na ka lai bynta jong ki dieng, bad ïa baroh ki phlang bajyrngam.

JINGPYNPAW 9:14

Kata ka sur ka la ong ha uta u angel uba hynriew, “To pyllait noh ïa ki saw ngut ki angel kiba la shah khum ha ka wahbah Ïuphratis!”

JINGPYNPAW 9:4

La ïathuh ïa ki ba kin ym pynmynsaw ïa u phlang lane ïa ki dieng lane ïa kiwei pat ki jingthung; ki lah ban pynmynsaw tang ïa ki briew ki bym don ka shab jong U Blei ha ki shyllangmat jong ki.