JINGPYNPAW 6:8 - Khasi CL Bible (BSI)

⁸ Nga la khmih, bad hangta la don u kulai uba lieh bthuh. Ïa u nongshong kulai la ai kyrteng “ka Jingïap”, bad ka Hades ka bud syndah nadien. La ai ha ki ka bor halor shipawa na ka pyrthei, ban pynïap da ka thma, ka 'nemsniew, ka khlam, bad da ki mradkhlaw.

KA BAIBL

⁸ Te nga la khmih, bad ha khmih ka kulai balieh bthuh, bad uta uba shong halor jong ka uba kyrteng “u Jingïap”; bad kata ka Jaka shong riewïap ka bud lem bad u. Bad la ai ka bor ha ki, halor ka shi pawa kata ka khyndew, ban pynïap noh da ka waitlam, bad da ka 'nemsniew, bad da ka jingïapthem, bad da kita ki mrad khlaw jong kata ka khyndew.

JINGPYNPAW 6:8 ပူးပေါင်းရင်းမြစ်များ

PROBERB 5:5

Kan ïalam ïa phi sha ka pyrthei kiba ïap; ka lynti ba ka ïaid ka dei ka lynti sha ka jingïap.

ISAÏAH 25:8

U Trai Nongsynshar un pynkut noh ïa ka jingïap junom! Un ñiad noh ïa ki ummat na ki khmat jong baroh bad un weng noh ïa ka jingjahburom kaba ki briew jong u ki la shah ha kylleng ka pyrthei. U Trai hi da lade u la kren!

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

JEREMAÏAH 16:16

U Trai u ong, “Nga phah khot ïa shibun ki nongtong dohkha ban wan bad kem ïa kine ki briew. Nangta ngan phah khot ïa shibun ki nongbeh mrad ban thwet pynïap ïa ki halor uwei pa uwei u lumbah bad u lumrit bad hapoh ki krem hapdeng ki mawsiang.

JEREMAÏAH 16:4

Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

JEREMAÏAH 24:10

Ngan wanlam ïa ka thma, ïa ka 'nemsniew, bad ïa ka jingïapthngan halor jong ki haduh ba yn ym don shuh wat uwei ruh na ki u ban lait ha kata ka ri ba nga la ai ha ki bad ha ki kpa tymmen jong ki.”

JEREMAÏAH 29:17

U Trai Badonbor Baroh u ong, ‘Nga wallam ka thma, ka jingïapthngan, bad ka jingpang ha ki, bad ngan pynlong ïa ki kum ki soh Dumbur kiba la pyut eh ïa ka ban bam.

JEREMAÏAH 43:11

U Nebukhadnessar un wan bad jop ïa ka Ijipt. Kito ki briew kiba la dei ban ïap na ka jingpang kin ïap ha ka jingpang, kito kiba dei ba yn ïalam kum ki koidi yn ïalam ïa ki kum ki koidi, bad kito kiba la dei ban sha pynïap ha ka thma kin ïap ha ka thma.

ESEKIEL 29:5

Ngan bret ïa me bad ïa kito ki dohkha baroh sha ka ri shyiap. Ka met jong me kan hap ha khyndew bad kan sah khlem tep ïa ka. Ngan ai ïa ka ha ki sim bad ki mrad ban long jingbam ïa ki.

ESEKIEL 5:12

Shi bynta na ka lai bynta jong ki briew jong pha kin ïap na ka jingpang bad jingthngan ha ka nongbah; shi bynta pat kin ïap da ka waitlam shabar ka nongbah; bad ïa ka shi bynta kaba dang sah ngan pynsakma sha ki sawlyer, bad ngan beh ïa ki nadien da ka waitlam.

HOSIA 13:14

Ngan ym pyllait ïa kine ki briew na ka ri kiba ïap lane pyllait im ïa ki na bor ka jingïap. Wanlam ïa ki khlam jong pha, ko jingïap! Wanlam ïa ka jingpynjot jong pha, ko ka pyrthei kiba ïap! Ngan ym don jingisynei shuh ïa kine ki briew.

HABAKKUK 2:5

Ka spah ka long kaba shukor. Ki briew kiba lalot ki long kiba sarong bad bym lah ban shong khop — kum ka jingïap hi da lei lei kim ju hun. Namarkata ki jop ïa kawei ka hima hadien kawei pat na ka bynta ïa lade.

SEKHARAÏAH 6:3

ïa kaba lai da ki kulai rong lieh, bad ïa kaba saw da ki kulai thohbroin.

MATHAÏOS 11:23

Bad ïa pha pat ko Kapernam! Hato pha kwah ban kyntiew ïa lade sha bneng? Ïa pha yn bret sha tbian sha dujok! Lada ïa ki kambah ïa kiba la leh ha pha, la lah leh ha Sodom, kan jin da la sah haduh mynta!

MATHAÏOS 24:7

Ki ri kin ïaleh kawei ïa kawei pat, ki hima kin tur ïaleh kawei ïa kawei pat. Kin don ki 'nemsniew bad ki jingkhynñiuh jumai ha kylleng.

1 KORINTH 15:55

“A ka Jingïap, hangno ka jingjop thiaw jong pha? A, ka Jingïap, hangno ka bor jong pha ban pynmong?”

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

JINGPYNPAW 12:4

Da u tdong jong u, u la patan na ka sahit bneng ïa shi bynta na ki lai bynta ki khlur bad u la bret arsut ïa ki sha ka khyndew. U la ïeng ha khmat jong kata ka briew, khnang ban bam ïa u khunlung jong ka tang mar ïa kha ïa u.

JINGPYNPAW 9:15

La pyllait noh ïa kita ki saw ngut ki angel; na ka bynta kane hi ka kynta jong kane hi ka sngi jong une hi u bnai bad ka snem ïa ki la buh pynkhreh ban pynïap noh shi bynta na ka lai bynta jong u bynriew baroh.

JINGPYNPAW 9:18

Shi bynta na ki lai bynta jong u bynriew la pynïap da kito ki lai tylli ki jingïapthem: Ka ding, ka tdem, bad u kyndok kiba mihnoh na ki shyntur jong ki kulai.