JINGPYNPAW 6:6 - Khasi CL Bible (BSI)

⁶ Nga la ïohsngew ïa kaei kaba sawa kum ka sur kaba wan napdeng ki saw tylli ki jingthaw ba-im kaba la ong, “Shi kilo u kew na ka bynta ka bainong shi sngi, bad lai kilo u barli na ka bynta ka bainong shi sngi. Hynrei wat pynjot noh ïa ki dieng Olib bad ïa ki bri sohwaiñ!”

KA BAIBL

⁶ Bad nga la ïohsngew ïa ka ktien hapdeng kita ki jingthaw ba-im, kaba ong, “Ka shi ser u Kew ïa ka shi suka, bad lai ser u Kew Barli ïa ka shi suka; bad to me wat pynsniew ïa ka umphniang bad ïa ka Waiñ!”

JINGPYNPAW 6:6 ပူးပေါင်းရင်းမြစ်များ

SALM 76:10

Ka jingbitar briew ka pynmih tang ki jingïaroh babun ïa me; kito kiba lait im na ki thma kin sumar ïa ki Jingkhawai Niam jong me.

MATHAÏOS 24:7

Ki ri kin ïaleh kawei ïa kawei pat, ki hima kin tur ïaleh kawei ïa kawei pat. Kin don ki 'nemsniew bad ki jingkhynñiuh jumai ha kylleng.

JINGPYNPAW 4:6

Ha khmat ka khet ruh la don kaei kaba i kum ka ïit bakhraw, kaba shai sngur bha. La ker ha baroh sawdong ka khet da saw tylli ki jingthaw ba-im kiba don ki khmat sha khmat bad shadien.

JINGPYNPAW 4:8

Baroh kita ki saw tylli ki jingthaw ba-im, ki don mar hynriew tylli ki thapniang, bad ïa ki la tap da ki khmat, shapoh bad shabar. Mynsngi bad mynmiet kim ju sangeh noh na kaba rwai: “Bakhuid, bakhuid, bakhuid, long U Trai U Blei Badonbor Baroh, Uba la long, uba long bad u ban sa wan.”

JINGPYNPAW 7:3

U angel u la ong, “Wat pynsniew ïa ka khyndew, ka duriaw ne ïa ki dieng, katba ym pat buh dak ïa ki shakri jong U Blei jong ngi da ka shab ha ki shyllangmat jong ki.”

JINGPYNPAW 9:4

La ïathuh ïa ki ba kin ym pynmynsaw ïa u phlang lane ïa ki dieng lane ïa kiwei pat ki jingthung; ki lah ban pynmynsaw tang ïa ki briew ki bym don ka shab jong U Blei ha ki shyllangmat jong ki.