JINGPYNPAW 6:4 - Khasi CL Bible (BSI)

⁴ Sa uwei pat u kulai u la wan mih, uba saw ka rong. Ha u nongshong kulai la ai ïa ka bor ban wanrah ïa ka thma ha ka pyrthei, ba ki briew kin ïa-pynïap para ma ki hi. La ai ha u ïa ka waitlam kaba heh.

KA BAIBL

⁴ Te ka la leit mih noh kawei pat ka kulai basaw: bad ha uta uba shong halor jong ka, la ai bor ban shim noh ïa ka jingsuk na kata ka khyndew, khnang ba kin da ïoh ïa-pynïap noh paralok hi; te la ai ha u ka waitlam bakhraw.

JINGPYNPAW 6:4 ပူးပေါင်းရင်းမြစ်များ

SALM 17:13

To wan, A Trai! To ïaleh pyrshah ïa ki nongshun jong nga bad to jop ïa ki! To pyllait im ïa nga na ki bymman da ka waitlam jong me;

DANIEL 5:19

U la long uba khraw katta katta ba ki briew jong ki hima baroh, ki jait ki kynja, bad ki ktien ki thylliej ki la sheptieng ïa u bad khynñiuh. Lada u la kwah ban pynïap ïano ïano u leh kumta; lada u kwah ban ri pynim ïano ïano, u leh kumta. U pyndonburom lane pynjahburom ïa uno uno, uba u kwah.

SEKHARAÏAH 1:8

Nga la ïohi ïa uwei u angel jong U Trai uba shong halor u kulai basaw. U la sangeh hapdeng katto katne tylli ki dieng Martl ha ka them, bad hadien jong u la don sa kiwei pat ki kulai — kiba saw, kiba thohbroin, bad kiba lieh.

SEKHARAÏAH 6:2

Ïa ka kali ïapom kaba nyngkong la tan da ki kulai rong saw, ïa kaba ar da ki kulai rong ïong,

MATHAÏOS 10:34

“Wat mut ba nga la wan ban wanrah ka jingsuk sha ka pyrthei. Em, ngam shym la wanrah ïa ka jingsuk, hynrei ka waitlam.

MATHAÏOS 24:6

Phin sa ïohsngew ïa ki jingsawa ki thma kiba hajan bad ïa ki khubor thma kiba sha jngai; hynrei wat khih khuslai. Kiba kum kine kiei kiei ki dei ban jia, hynrei kim mut ba kaba kut ka la poi.

ÏOANNIS 19:11

U Jisu u la jubab, “Me don ka bor halor jong nga tang namar ba la ai ha me da U Blei. Kumta u briew uba aiti noh ïa nga ha me u long uba la rem na ka pop kaba kham khraw.”

JINGPYNPAW 12:3

Sa kawei pat ka dak bamaïan ka la paw ha ka sahit bneng. La don u Ïakjakor uba heh bad uba rong saw uba don hynñiew tylli ki khlieh bad shiphew tylli ki reng, bad kawei ka pansngiat ha kawei pa kawei jong ki khlieh jong u.

JINGPYNPAW 13:10

Uno uno uba dei ban shah kem un shah kem da shisha; uno uno uba dei ban shah pynïap da ka waitlam un shah pynïap shisha da ka waitlam. Kane ka dawa ïa ka jingïaishah bad ïa ka jingngeit na ka liang jong ki briew jong U Blei.”

JINGPYNPAW 17:3

U Mynsiem u la bat synshar ïa nga, bad u angel u la rah ïa nga sha ka ri shyiap. Hangta nga la ïohi ïa ka briew kaba shong halor u mradkhlaw rong saw uba la don ki kyrteng kiba ñiewbeiñ ïa U Blei ba la thoh baroh shi rynïeng jong u; u mradkhlaw u la don hynñiew tylli ki khlieh bad shiphew tylli ki reng.

JINGPYNPAW 17:6

Bad nga la ïohi ïa kata ka briew ba ka la buaid da ka snam jong ki briew jong U Blei, bad da ka snam jong kito kiba la shah pynïap namar ba ki la ïaineh skhem ha U Jisu. Haba nga la ïohi ïa ka, nga la sngewkyndit shikatdei eh.