JINGPYNPAW 6:2 - Khasi CL Bible (BSI)

² Nga la khmih, bad hangta la don u kulai balieh. Halor jong u, u nongshong kulai u la bat ïa ka ryntieh, bad ha u la ai ïa ka pansngiat. U la shong halor jong u kum u nongjop ban jop.

KA BAIBL

² Te nga la khmih keiñ, bad ha khmih, ka kulai balieh, bad uta uba shong halor jong ka u la don ka ryntieh; bad la ai ha u ïa ka pansngiat, bad u la leit mih noh da kaba jop thiaw, bad ïa ka ban jop thiaw.

JINGPYNPAW 6:2 ပူးပေါင်းရင်းမြစ်များ

SALM 110:2

Na Seïon U Trai un pynïar ïa ka bor syiem jong me. “To synshar halor ki nongshun jong me,” u ong.

SALM 76:7

Hynrei ïa me, A Trai, baroh ki sheptieng. Ym don mano mano ba lah ban ïeng ha ka jingdon ryngkat jong me haba me bitar.

SALM 98:1

To rwai ha U Trai ïa ka jingrwai bathymmai; u la leh ïa kiei kiei kiba phylla! Da ka bor jong u hi bad ka jingkhlaiñ bakhuid u la ïoh ïa ka jingjop.

ISAÏAH 25:8

U Trai Nongsynshar un pynkut noh ïa ka jingïap junom! Un ñiad noh ïa ki ummat na ki khmat jong baroh bad un weng noh ïa ka jingjahburom kaba ki briew jong u ki la shah ha kylleng ka pyrthei. U Trai hi da lade u la kren!

SEKHARAÏAH 1:8

Nga la ïohi ïa uwei u angel jong U Trai uba shong halor u kulai basaw. U la sangeh hapdeng katto katne tylli ki dieng Martl ha ka them, bad hadien jong u la don sa kiwei pat ki kulai — kiba saw, kiba thohbroin, bad kiba lieh.

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

1 KORINTH 15:25

Naba U Khrist u dei ban synshar haduh ba U Blei un da pyndem ïa ki nongshun baroh hapoh ki kjat jong u.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”

JINGPYNPAW 14:14

Nangta nga la khmih, bad la don u lyoh uba lieh, bad uba shong halor u lyoh u la long uta uba i kum u briew, uba don ka pansngiat ksiar halor ka khlieh jong u bad ka rashi kaba nep ha ka kti jong u.

JINGPYNPAW 15:2

Nangta nga la ïohi ïa kaei kaba i kum ka ïit bakhraw kaba la khleh lang bad ka ding. Nga la ïohi ruh ïa kito kiba la jop ïa u mradkhlaw bad ïa ka dur jong u bad ïa uta uba ka kyrteng jong u la mihkhmat da u dak jingkheiñ. Ki la ïeng hajan ka ïit bakhraw, ki da bat ïa ki duitara kiba U Blei u la ai ha ki

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 19:14

Ki kynhun shipai ka bneng ki la bud ïa u, ki da shong halor ki kulai balieh bad ki la riam da ki jaiñ linen balieh bad bakhuid.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.

JINGPYNPAW 9:7

Kita ki puit ki long kum ki kulai kiba la khreh na ka bynta ka thma; halor ki khlieh jong ki, ki la phong ïa kaei kaba syriem kum ki pansngiat ksiar; bad ki durkhmat jong ki, ki long kum ki durkhmat briew.