JINGPYNPAW 6:17 - Khasi CL Bible (BSI)

¹⁷ Ka sngi batriem jong ka jingbitar jong ki ka la poi, bad uei uba lah ban ïeng pyrshah ïa ka?”

KA BAIBL

¹⁷ naba kata ka sngi kaba khraw ka jingbitar jong u ka la wan keiñ; te uei uba lah ban ïeng?”

JINGPYNPAW 6:17 ပူးပေါင်းရင်းမြစ်များ

SALM 110:5

U Trai u don ha ka liang kamon jong me; haba u bitar, un jop ïa ki syiem,

SALM 2:12

to khynñiuh bad to nguh dem ïa u, lym kumta ïa ka jingbitar jong u yn pynkhie kynsan, bad phin ïap kyndit. Suk kita baroh kiba leit sha u ban ïoh ka jingïada.

SALM 76:7

Hynrei ïa me, A Trai, baroh ki sheptieng. Ym don mano mano ba lah ban ïeng ha ka jingdon ryngkat jong me haba me bitar.

ISAÏAH 63:4

Nga la kut jingmut ba ka por ban pynim ïa ki briew jong nga ka la wan; ka la dei ka por ban pynshitom ïa ki nongshun jong ki.

JEREMAÏAH 30:7

Ka sngi kaba shyrkhei ka wan; ym don kano kano kawei pat ka sngi kaba lah ban nujor bad ka — ka por ka jingnoh mynsiem na ka bynta ki briew jong nga, hynrei kin lait im.”

JOEL 1:15

Ka Sngi jong U Trai ka la jan; ka sngi ha kaba U Badonbor Baroh u wallam ka jingpynjot. Kaba haduh katno ka jingshyrkhei kata ka sngi kan wallam!

JOEL 2:1

To put ïa ka turoi, to pynsawa ba don jingma ha Seïon, u lum bakyntang jong U Blei. To khynñiuh, ko ki paid Judah! Ka sngi jong U Trai shen kan sa wan.

JOEL 2:11

U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?

JOEL 2:31

Ïa ka sngi yn pyndum, bad u bnai un kylla saw kum ka snam shuwa kata ka sngi bakhraw bad bashyrkhei jong U Trai kan wan.

NAHUM 1:6

Haba u bitar, uei uba lah ban lait im? Uei uba lah ban lait na ka jingbitar shla bashyrkhei jong u? U theh noh ïa ka jingbitar bameh ding jong u; ki mawsiang ki lko pum ha khmat jong u.

MALAKHI 3:2

Hynrei uei uba lah ban ïai ap ïa ka sngi haba un wan? Uei uba lah ban lait im haba un paw? Un long kum ka sabon basboh bha, kum ka ding kaba phrang ïa ka nar.

LOUKAS 21:36

Da husiar bad duwai borabor ba phin don ka jingkhlaiñ ban leit ha ka jingshngain lyngba kito kiei kiei ki ban sa jia bad ban ïeng ha khmat jong U Khun U Briew.”

Ka Shithi U Paul Sha Ki Nong Rom 2:5

Hynrei phi don ka dohnud kaba eh bad kaba kuman, bad kumta phi pynlong ka jingpynshitom ïa lade hi wat kham khraw ha ka Sngi ha kaba ïa ka jingbitar U Blei bad ki jingbishar bahok yn pynpaw.

JUDAH 1:6

To kynmaw ïa ki angel ki bym shym la ri ïa ka burom hapoh ki pud ka bor synshar jong ki, hynrei ki la iehnoh ïa ki jaka shong jong ki hi: Ki shah khum da ki kynjri bymjukut hapoh kaba dum tliw tliw, ha kaba U Blei u buh ïa ki na ka bynta kata ka Sngi kaba khraw ha kaba yn pynrem ïa ki.

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”

JINGPYNPAW 16:14

Ki long ki mynsiem jong ki ksuid kiba leh ïa ki kambah. Kine lai tylli ki mynsiem ki leit noh sha ki syiem baroh jong ka pyrthei, ban lumlang ïa ki na ka bynta ka thma ha ka Sngi kaba khraw jong U Blei Badonbor Baroh.

1 SAMUEL 6:20

Kumta ki rangbah na Beth Shemesh ki ïa-ong, “Uei uba lah ban ïeng ha khmat U Trai, une U Blei uba Khuid? Shano ngi lah ban phah ïa u ba un lait noh na ngi?”