JINGPYNPAW 6:16 - Khasi CL Bible (BSI)

¹⁶ Ki la pyrta ha ki lumbah bad ha ki mawsiang, “To tap halor jong ngi bad to buhrieh noh ïa ngi na ki khmat jong uta uba shong halor ka khet bad na ka jingbitar U Khunlangbrot!

KA BAIBL

¹⁶ bad ki ïa-ong ha kita ki lum bah bad ha kita ki mawsiang, “To hap ha ngi, bad to buhrieh noh ïa ngi na ka khmat uta u bashong halor kata ka khet, bad na ka jingbitar jong uta U Khun langbrot;

JINGPYNPAW 6:16 ပူးပေါင်းရင်းမြစ်များ

SALM 14:5

Hynrei pynban kin sngewshyrkhei shikatdei eh, naba U Blei u don bad kito kiba kohnguh ïa u.

ISAÏAH 2:10

Kin rieh ha ki krem ha ki mawsiang lum lane tih ki thliew ha khyndew ban pyrshang ban lait na ka jingbitar U Trai bad ban rieh na ka bor bad ka burom jong u!

JEREMAÏAH 8:3

Bad ki briew jong kane ka jaitbynriew basniew kiba dang im, kiba shong ha ki jaka kiba nga la pynsakma ïa ki, kin jied ban ïap ban ïa kaba ki ïai im. Ma nga, U Trai, nga la kren.”

HOSIA 10:8

Ïa ki jaka mane blei ha kliar lum Aben, ha kiba ki paid Israel ki mane ïa ki bleithaw, yn pynjot noh. Ki shiah bad ki ñiut kin san ha ki duwan jong ki; ki briew kin sa pyrta ha ki lumbah, “To buhrieh ïa ngi!” bad ha ki lumrit, “To tap ïa ngi.”

MATHAÏOS 26:64

U Jisu u la jubab ïa u, “Me ong kumta. Hynrei nga ong ïa phi baroh: Naduh kane ka por phin ïohi ïa U Khun U Briew ba u da shong ha ka liang kamon jong U Bakhrawbor tam bad u da wan ha ki lyoh bneng!”

MARKOS 3:5

U Jisu u la bitar katba u la peit sawdong ïa ki, hynrei ha ka kajuh ka por u la sngewsih na ka bynta jong ki, namar ba ki eh mynsiem bad leh bymdei. Te u la ong ha uta u briew, “Rah ïa la ka kti.” U la rah ïa ka, bad ka la khiah bha pat.

LOUKAS 23:30

Kata kan long ka por ha kaba ki briew kin ong ha ki lumbah, ‘To hap halor jong ngi!’ bad ha ki lumrit, ‘To buhrieh ïa ngi!’

JINGPYNPAW 10:6

bad u la smai ha ka kyrteng U Blei, uba im junom la junom, uba la thaw ïa ka bneng, ïa ka khyndew, bad ïa kata ka duriaw, bad baroh kiba don ha ki. Uta u angel u la ong, “Yn ym don jingpynslem shuh!

JINGPYNPAW 19:15

Na ka shyntur jong u la mih ka waitlam kaba nep, da kata un jop ïa ki jaitbynriew. Un synshar halor jong ki da u diengduh nar, bad ïuhroit ïa ka waiñ hapoh ka jaka khñiot waiñ jong ka jingbitar shla jong U Blei U Badonbor Baroh.

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.

JINGPYNPAW 4:2

Mar kumta hi, U Mynsiem u la shimti ïa nga. Hangta ha bneng la don ka khet bad la don uwei uba shong halor jong ka.

JINGPYNPAW 4:5

Na ka khet la mih ki jingthaba leilieh, ki jingkyrhuh, ki jingsawa u pyrthat. Ha khmat jong ka khet, la don hynñiew tylli ki dongmusa bameh, kiba long ki hynñiew ki mynsiem jong U Blei.

JINGPYNPAW 4:9

Ki saw tylli ki jingthaw ba-im ki rwai ki jingrwai jong ka burom bad ka jingpyndonburom bad ki jingsngewnguh ïa uta uba shong ha ka khet, bad mane ïa uta uba im junom la junom.

JINGPYNPAW 5:1

Nga la ïohi ïa ka kot kli ha ka kti kamon jong uta uba shong halor ka khet; kaba la dap da ka jingthoh ha baroh arliang bad kaba la pyndait da ki hynñiew tylli ki jingpyndait.

JINGPYNPAW 6:10

Ki la pyrta da ka sur kaba jam, “Ko Trai Badonbor Baroh, u bakhuid bad uba shisha! Sa katno kan long haduh ba men da bishar ïa ki briew ha ka pyrthei bad pynshitom ïa ki namar ba ki pynïap ïa ngi?”

JINGPYNPAW 9:6

Ha kine ki san bnai kin wad ïa ka jingïap, hynrei kin ym shem ïa ka; kin kwah ban ïap noh, hynrei ka jingïap kan phet na ki.