JINGPYNPAW 6:14 - Khasi CL Bible (BSI)

¹⁴ Ka sahit bneng ka la jah noh kum ka kot kli ba la kli, bad ïa ki lum bad ki dewlynnong baroh la pynkynriah na ka jaka ba ki don.

KA BAIBL

¹⁴ Bad ïa ka bneng la pynkynran noh kum ka kitab haba la kli noh; bad ïa u lum bad ka 'dewlynnong baroh la pynkynriah noh na ki jaka jong ki.

JINGPYNPAW 6:14 ပူးပေါင်းရင်းမြစ်များ

SALM 102:26

Kin sa jah noh, hynrei me te men sah; ma ki baroh kin kylla rim kum ki jaiñphong, Men kyntait noh ïa ki kum ki jaiñphong bad kin jah noh.

ISAÏAH 34:4

Ka sngi, u bnai bad ki khlur kin lwet jin. Ka sahit bneng kan jah noh kum ka kitab ba la kli, bad ba ki khlur kin hap kum ki sla na u dieng sohwaiñ bad u dieng Dumbur.

ISAÏAH 54:10

Ki lumbah bad ki lumrit ki lah ban twa, hynrei ka jingieit jong nga ïa pha kan ym kut noh; ngan pynneh junom ïa la ka kular jong ka jingsuk.” Kumta te ong U Trai uba ieit ïa pha.

JEREMAÏAH 3:23

Ngim shym la ïoh jingïarap ei ei da ka jingmane jong ngi ka bym dei ïa me halor ki kliar lum. Ka jingïarap ïa ki Israel ka wan tang na U Trai U Blei jong ngi.

JEREMAÏAH 51:25

Ko Babilonia pha long kum u lumbah uba pynjot ïa ka pyrthei baroh kawei, hynrei ma nga, U Trai, nga long u nongshun jong pha. Ngan shim noh ïa pha, pynmadan ïa pha ha ka khyndew, bad ieh ïa pha ha u dpei.

ESEKIEL 38:20

Man la ka dohkha bad ka sim, man la ka mrad, barit bad baheh, bad man la u briew halor ka sla pyrthei kin khynñiuh da ka jingsheptieng ïa nga. Ki lumbah kin khyllem, ki riat kin twa, bad kawei pa kawei ka kynroh kan kyllon.

NAHUM 1:5

Ki lumbah ki khynñiuh ha ka jingdon ryngkat U Trai; ki lumrit ki um noh ha khmat jong u. Ka pyrthei ka khih haba U Trai u mihpaw; ka pyrthei bad ki briew jong ka baroh ki kyiuh.

HABAKKUK 3:10

Haba ki lumbah ki la ïohi ïa me, ki kyiuh; ka um ka hap na ki sahit bneng. Ki um hapoh ka khyndew ki kyrhuh, bad ki jingat phyllung jong ki, ki kiew shalor.

HABAKKUK 3:6

Haba u sangeh, ka pyrthei ka khih; u tang shu peit, ki jaitbynriew ki kyiuh. Ki lumbah ba bymjukut ki khih; ki lumrit baneh junom ki ngam shapoh, ki lumrit ha kiba u ju ïaid ha ki por mynbarim.

2 PETROS 3:10

Hynrei ka Sngi jong U Trai kan wan kum u nongtuh. Ha kata ka Sngi, ki bneng kin jah noh lem bad ka jingsawa kaba jam, ki metbneng kin ing duh bad yn pynjot, bad ka pyrthei lem bad kiei kiei baroh kiba don ha ka kin jah rngai.

JINGPYNPAW 16:20

Baroh ki dewlynnong ki la jah, baroh ki lumbah kim don shuh.

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.

JINGPYNPAW 21:1

Nangta nga la ïohi ïa ka bneng bathymmai bad ïa ka pyrthei bathymmai. Ka bneng banyngkong bad ka pyrthei banyngkong ki la jah noh, bad ka duriaw kam don shuh.