JINGPYNPAW 6:12 - Khasi CL Bible (BSI)

¹² Bad nga la ïohi ïa U Khunlangbrot ba u pynpait ïa ka jingpyndait kaba hynriew. Ka la don ka jingkhynñiuh jumai kaba jur, bad ka sngi ka la kylla rong ïong kum ka jaiñ ïong kaba khain, bad u bnai u la kylla rong saw kum ka snam.

KA BAIBL

¹² Bad nga la ïohi mynba u la plie ïa ka jingpyndait ka bahynriew, bad la long ka jingkhynñiuh jumai bakhraw; bad ka sngi ka la kylla ïong kum ka jaiñ shñiuh bakhain, bad u bnai pyllun u la kylla kum ka snam;

JINGPYNPAW 6:12 ပူးပေါင်းရင်းမြစ်များ

ISAÏAH 24:23

U bnai un kylla dum, bad ka sngi kan ym tyngshaiñ shuh, namar U Trai Badonbor Baroh un long u syiem. Un synshar ha Jerusalem halor u Lum Seïon, bad ki nongïalam jong ki briew kin ïohi ïa ka burom jong u.

ISAÏAH 29:6

Kynsan kynsan bad khlem poi pyrkhat U Trai Badonbor Baroh un pyllait im ïa pha da ki 'erïong bajur bad ki jingkhih jumai. Un phah ïa ki 'erlangthari bad ka ding baklang;

ISAÏAH 34:4

Ka sngi, u bnai bad ki khlur kin lwet jin. Ka sahit bneng kan jah noh kum ka kitab ba la kli, bad ba ki khlur kin hap kum ki sla na u dieng sohwaiñ bad u dieng Dumbur.

ISAÏAH 50:3

Nga lah ban pyndum ïa ka suiñbneng, ban ïohi kumba ka ïambriew namar kiba ïap.”

JOEL 2:10

Ka pyrthei ka khih katba ki nang tur; ka sahit bneng ka khynñiuh. Ka sngi bad u bnai ki kylla dum, bad ki khlur kim shai shuh.

JOEL 3:15

Ka sngi bad u bnai ki kylla dum, bad ki khlur kim tyngshaiñ shuh.

AMOS 1:1

Kine ki long ki ktien u Amos, u nongaplangbrot na ka shnong Tekoa. Ar snem shuwa u jumai, mynba u Ussaïah u long u syiem ka Judah, bad u Jeroboam u khun jong u Joash u long u syiem ka Israel, U Blei u la pynpaw ha u Amos ïa kine kiei kiei baroh shaphang ki Israel.

AMOS 8:9

Ka por ka poi haba ngan pynlong ïa ka sngi ba kan sep noh hamar shiteng sngi, bad ïa ka pyrthei ban dum ha ka por mynsngi. Ma nga, U Trai Nongsynshar, nga la kren.

SEKHARAÏAH 14:5

Phin lait phet lyngba kane ka them kaba pynkhlad arliang ïa une u lumbah. Phin phet kumba ki kpa tymmen jong phi ki la leh mynba u jumai u khynñiuh ha ka por jong u Ussaïah u syiem ka Judah. U Trai U Blei jong nga un wan, un wallam ïa ki angel baroh lem bad u.

MATHAÏOS 11:21

“Katno kan long kaba shyrkhei ïa pha, ko Khorasin! Katno kan long kaba shyrkhei ïa pha ruh, ko Bethsaida! Lada ïa ki kambah kiba la leh ha phi la lah leh ha Tyros bad Sidon, la kham slem ki briew hangta kin jin da la phong da ka jaiñ khain bad synreit da u dpei halor lade, ban pyn-i ba ki la phai noh na ki pop jong ki!

MATHAÏOS 24:29

“Shen hadien ka jingjynjar jong kito ki sngi, ka sngi kan dum, u bnai un ym tyngshaiñ shuh, ki khlur kin hap na bneng, bad ki bor ha ka haw haw kin shah beh na ki lynti jong ki.

MATHAÏOS 24:7

Ki ri kin ïaleh kawei ïa kawei pat, ki hima kin tur ïaleh kawei ïa kawei pat. Kin don ki 'nemsniew bad ki jingkhynñiuh jumai ha kylleng.

MATHAÏOS 27:45

Ha ka por shiteng sngi, ïa ka ri baroh kawei la tap da ka jingdum kaba la neh lai kynta.

MATHAÏOS 27:54

Haba u rangbah shipai bad ki shipai kiba bad u, kiba la ïa-ap ïa U Jisu ki la ïohi ïa u jumai bad ïa kiei kiei baroh kiba la jia, ki la sngewshyrkhei bad ki la ong, “Da shisha u la long U Khun U Blei!”

MATHAÏOS 28:2

Kynsan kynsan la don ka jingkhih jumai kaba jur; u angel U Trai u la wan hiar na bneng, u la pyntyllun ïa u maw, bad u la shong halor jong u.

MARKOS 15:33

Ha ka por shiteng sngi, ïa ka ri baroh kawei la tap da ka jingdum, kaba neh lai kynta.

JINGPYNPAW 11:13

Ha kata ka khyllipmat hi la jia ka jingkhih jumai kaba jur; shi bynta na ka shiphew bynta jong ka nongbah la pynjot, bad hynñiew hajar ngut ki briew ki la ïap. Kita kiwei pat ki briew ki la sngewtriem bad ki la ïaroh ïa ka jingkhraw U Blei jong ka bneng.

JINGPYNPAW 16:18

La don ki jingthaba leilieh, ki jingkyrhuh bad jingtied pyrthat, bad u jumai uba shyrkhei. Ym pat ju don kum uta u jumai naduh ba la thaw ïa u khunbynriew; une u la long u jumai uba jur tam na baroh!

JINGPYNPAW 16:8

Nangta u angel uba saw u la theh noh ïa ka pliang jong u ha ka sngi, bad la shah ïa ka ban thang ïa ki briew da jingshit tyrha bajur jong ka.

JINGPYNPAW 8:12

Nangta u angel uba saw u la put ïa la ka turoi. Shi bynta na ka lai bynta jong ka sngi la shoh, bad shi bynta na ka lai bynta jong u bnai, bad shi bynta na ka lai bynta jong ki khlur, ba ka jingshai jong ki ka la jah noh shi bynta na ka lai bynta ka jingtyngshaiñ; ym shym la don jingshai ha ka shi bynta na ka lai bynta jong ka sngi bad ïa ka shi bynta na ka lai bynta jong ka miet.

JINGPYNPAW 8:5

Nangta uta u angel u la shim ïa kata ka pliang thang jingiwbih, u la pyndap ïa ka da ki rnga ding barhem na ka duwan, bad u la bret ïa ka halor ka khyndew. La don ki jingkyrhuh bad ki jingsawa u pyrthat, ki jingthaba leilieh, bad u jumai.