JINGPYNPAW 6:10 - Khasi CL Bible (BSI)

¹⁰ Ki la pyrta da ka sur kaba jam, “Ko Trai Badonbor Baroh, u bakhuid bad uba shisha! Sa katno kan long haduh ba men da bishar ïa ki briew ha ka pyrthei bad pynshitom ïa ki namar ba ki pynïap ïa ngi?”

KA BAIBL

¹⁰ Te ki la pyrta da ka ktien bajam, ki da ïa-ong, “Tad lano, ko Trai Kynrad, U Bakhuid bad U Bashisha, mem bishar kut bad pynhiar kput na ka bynta kata ka snam jong ngi halor kita kiba shong ha kata ka khyndew?”

JINGPYNPAW 6:10 ပူးပေါင်းရင်းမြစ်များ

JENESIS 4:10

Bad U Trai u ong, “Balei me leh ïa kane ka kam kaba shyrkhei? Ka snam u para jong me ka ud ha nga na khyndew kum ka sur kaba khot ïa ka jingpynhiarkput.

SALM 119:84

Slem sa katno nga dei ban ap? Lano men pynshitom ïa kito kiba pynshitom beiñ ïa nga?

SALM 13:1

Sa katno pat ba men klet ïa nga, A Trai? Hato shi junom? Sa katno pat ba men buhrieh ïa lade na nga?

SALM 35:17

Sa katno slem, A Trai men shu peit kai? To pyllait ïa nga na ki jingtur ïaleh jong ki; to pyllait im ïa nga na kine ki sing.

SALM 79:10

Balei ba ki jaitbynriew kin kylli ïa ngi, “Hangno U Blei jong phi?” Ai ngin ïohi ba me pynshitom ïa ki jaitbynriew na ka bynta ka jingpynmih ïa ka snam jong ki shakri jong me.

SALM 9:12

U Blei u kynmaw ïa kito kiba shahshitom; um ju klet ïa ka jingkyang jong ki, bad u pynshitom ïa kito kiba leh bymdei ïa ki.

ISAÏAH 61:2

U la phah ïa nga ban pynbna ba ka por ka wan haba U Trai un pynim ïa ki briew jong u bad jop ïa ki nongshun jong ki. U la phah ïa nga ban pyntngen ïa baroh kiba sngewsih,

SNGEWSYNEI 3:64

“To pynshitom ïa ki na ka bynta kaei kaba ki la leh, A Trai;

DANIEL 12:6

Uwei na ki u la kylli ïa u angel uba ïeng kham pajih shatei shaneng wah, “Slem katno kan long tad haduh ba kine ki jingjia kiba phylla kin poi sha kaba kut?”

DANIEL 8:13

Nangta nga la ïohsngew ïa uwei u angel uba kylli ïa uwei pat, “Haduh katno kine kiei kiei kiba la ïohi ha ka jingïohipaw kin ïailong? Haduh katno ka pop ba-ijli kan bujli ïa ki jingkñia ba man ka sngi? Haduh katno ïa ka kynhun shipai ba kynja bneng bad ïa ka Templ yn kyrdem?”

SEKHARAÏAH 1:12

Nangta u angel u la ong, “A Trai Badonbor Baroh, me la bitar ïa ka Jerusalem bad ïa ki nongbah jong ka Judah haduh hynñiewphew snem mynta. Slem sa katno kan long ha shuwa ba men pyn-i ha ki ka jingisynei?”

LOUKAS 2:29

“Mynta, A Trai, me la bat ïa la ka kular, bad men shah ïa u shakri jong me ban leit noh ha kaba suk.

LOUKAS 21:22

Naba kito kin long ‘Ki Sngi ka Jingpynshitom,’ ban pynlong ïa baroh kaba ki Jingthoh Bakhuid ki ong ban urlong shisha.

Ka Shithi U Paul Sha Ki Nong Rom 12:19

Wat ju pynhiarkput, ko ki paralok jong nga, hynrei pynban, to ai ba ka jingbitar jong U Blei kan leh ïa kata. Namar ka Jingthoh Bakhuid ka ong, “Ngan pynhiarkput, ngan siew kylliang, ong U Trai.”

HEBRU 12:24

Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

2 PETROS 2:1

Ki nongïathuhlypa balamler ki la ju mih ha ki por ba la leit noh hapdeng ki briew, bad ha kajuh ka rukom, ki nonghikai balamler kin mih hapdeng jong phi. Kin wallam ïa ki jinghikai bapynjot bad bymshisha ïa ki jinghikai shongtynrai bad kin len ïa U Kynrad uba la siewspah ïa ki, bad kumta kin wallam ha lade ïa ka jingpynjot kaba kynsan.

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 18:24

Ïa ka Babilon la pynshitom namar ïa ka snam jong ki nongïathuhlypa bad jong ki briew jong U Blei la shem hapoh ka nongbah; ho-oid, ka snam jong kito baroh kiba la shah pynïap ha ka pyrthei.

JINGPYNPAW 19:2

Ki jingbishar jong u ki long kiba shisha bad kiba hok! U la pynrem ïa ka nuti kaba pynpyut ïa ka khyndew da ki jingawria jong ka. U Blei u la pynshitom ïa ka namar ba ka la pynïap ïa ki shakri jong u.”

JINGPYNPAW 3:10

Namar ba pha la kohnguh ïa ka hukum jong nga ban shahshitom, nga ruh ngan ri sumar ïa pha ha ka por jong ka jingjynjar ka ban wan ha ka pyrthei ban tynjuh ïa ki briew baroh ha ka pyrthei.

JINGPYNPAW 3:7

“Thoh ha u angel jong ka balang ha Philadelphia: “Kane ka long ka khubor na uta uba khuid bad uba shisha. U don u shabi jong u Dabid, bad haba u plie ïa ka jingkhang, ym don uba lah ban khang ïa ka, bad haba u khang ïa ka, yn ym don uba lah ban plie ïa ka.

NONGBISHAR 16:28

Te u Samson u duwai, “A Trai Bakhraw, to kynmaw ïa nga, ai ha nga ïa ka bor sa tang shisien, khnang ba tang da kane ngan lah ban pynhiarkput ïa ki Philistia namar ba ki la khlaw ïa ki khmat jong nga baroh ar.”

1 SAMUEL 24:12

To U Trai un bishar mano ba bakla napdeng jong ngi! To un pynshitom ïa phi namar ka jingleh jong phi pyrshah ïa nga, naba ngan ym pynmynsaw ïa phi da lei lei ruh.