JINGPYNPAW 5:9 - Khasi CL Bible (BSI)

⁹ Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.

KA BAIBL

⁹ Bad ki ïarwai ïa ka jingrwai bathymmai, ki da ong, “Me long uba dei ban shim ïa kata ka kitab, bad ban plie ïa kita ki jingpyndait jong ka; naba la pynïap keiñ ïa me, bad me la siewspah ha U Blei da ka snam jong me ïa kiba na ka jaid, bad na ka thylliej, bad na u paidlang, bad na ka kynja bynriew baroh;

JINGPYNPAW 5:9 ပူးပေါင်းရင်းမြစ်များ

SALM 144:9

Ngan rwai ïa me ka jingrwai bathymmai, A Blei; ngan tem ka duitara bad rwai ïa me.

SALM 149:1

To ïaroh ïa U Trai! To rwai ka jingrwai bathymmai ïa U Trai; to ïaroh ïa u ha ka jingïaseng lang jong ki briew baïaineh jong u!

SALM 33:3

To rwai ha u ïa ka jingrwai bathymmai, to tem da ka jingtbit ïa ka duitara, bad to risa jam da ka jingkmen!

SALM 40:3

U hikai ïa nga ban rwai ïa ka jingrwai bathymmai, ka jingrwai ïaroh ïa U Blei jong ngi. Kiba bun kiba ïohi ïa kane kin ïoh jingmaham, bad kin buh ïa la ka jingshaniah ha U Trai.

SALM 96:1

To rwai ha U Trai ïa ka jingrwai bathymmai! To rwai ha U Trai, ko phi ka pyrthei baroh!

SALM 98:1

To rwai ha U Trai ïa ka jingrwai bathymmai; u la leh ïa kiei kiei kiba phylla! Da ka bor jong u hi bad ka jingkhlaiñ bakhuid u la ïoh ïa ka jingjop.

ISAÏAH 42:10

To rwai ka jingrwai bathymmai ïa U Trai; rwai ïa ka jingïaroh jong u, ko ka pyrthei baroh! ïaroh ïa u, phi kiba ïaid lynti ha duriaw; ïaroh ïa u, ko ki jingthaw baroh ka duriaw! Rwai, phi ki ri bajngai bad baroh kiba shong hangta.

DANIEL 3:4

u sangot u la pynbna ha ka sur bajam, “Ko ki briew jong ki ri baroh, ki jaitbynriew bad ki jait ktien!

DANIEL 4:1

U syiem Nebukhadnessar u la phah ïa ka khubor harum sha ki briew jong baroh ki jaitbynriew, ki jait ki kynja, bad ki ktien ki thylliej ha ka pyrthei: “Khublei!

DANIEL 5:19

U la long uba khraw katta katta ba ki briew jong ki hima baroh, ki jait ki kynja, bad ki ktien ki thylliej ki la sheptieng ïa u bad khynñiuh. Lada u la kwah ban pynïap ïano ïano u leh kumta; lada u kwah ban ri pynim ïano ïano, u leh kumta. U pyndonburom lane pynjahburom ïa uno uno, uba u kwah.

DANIEL 6:25

Nangta u syiem Darius u la thoh sha ki briew jong ki jaitbynriew baroh, ki jait ki kynja, bad ki ktien ki thylliej ha ka pyrthei: Khublei!

MATHAÏOS 20:28

kum U Khun U Briew, u bym shym la wan ba un shah shakri, hynrei ban shakri bad aiti ïa la ka jingim ban siewspah ïa ki briew kiba bun.”

MATHAÏOS 26:28

“kane ka long ka snam jong nga, kaba pynskhem ïa ka jutang jong U Blei, ka snam jong nga ïa kaba la theh noh na ka bynta kiba bun ïa ka ban map ïa ki pop.

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

1 KORINTH 6:20

Phim long la u jong hi hynrei jong U Blei; u la thied ïa phi da ka dor. Kumta to pyndonkam ïa ki met jong phi na ka bynta ka burom jong U Blei.

1 KORINTH 7:23

U Blei u la thied ïa phi da ka dor; kumta to wat long ki mraw jong ki briew.

EPHESOS 1:7

Naba da ka jingïap ba la kñia jong U Khrist la pyllaitluid ïa ngi, kata ka long, ïa ki pop jong ngi la map ei.

EPHESOS 5:19

To ïakren iwei ïa iwei pat da ki ktien ha ki salm, ki jingrwai ïaroh bad ki jingrwai ba kynja mynsiem; da kaba rwai ki jingrwai ïaroh bad ki salm sha U Trai da ki jingïaroh ha ki dohnud jong phi.

KOLOSSAI 1:14

da uba la pyllaitluid ïa ngi, kata ka long, ba la map ïa ki pop jong ngi.

KOLOSSAI 1:23

Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 11:14

Kito kiba ong ïa kita kiei kiei, ki ong shai ba ki ïawad ïa ka ri la ka jong hi.

2 PETROS 2:1

Ki nongïathuhlypa balamler ki la ju mih ha ki por ba la leit noh hapdeng ki briew, bad ha kajuh ka rukom, ki nonghikai balamler kin mih hapdeng jong phi. Kin wallam ïa ki jinghikai bapynjot bad bymshisha ïa ki jinghikai shongtynrai bad kin len ïa U Kynrad uba la siewspah ïa ki, bad kumta kin wallam ha lade ïa ka jingpynjot kaba kynsan.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.

1 ÏOANNIS 2:2

Bad U Khrist hi u long ka lynti da kaba yn ïohmap ïa ki pop jong ngi, bad ym tang ïa ki pop jong ngi, hynrei ruh ïa ki pop jong ki briew baroh.

JINGPYNPAW 10:11

Te la ïathuh ïa nga, “Sa shisien pat ka dei ïa me ban pynbna ïa ka khubor U Blei sha kiba bun ki jaitbynriew, ki kynja bynriew, ki jait ktien, bad ki syiem.”

JINGPYNPAW 11:9

Ki briew na baroh ki hima, ki kynja bynriew, ki jait ktien, bad ki jaitbynriew kin shu khmih ïa kita ki metïap jong ki haduh lai sngi shiteng bad kin ym shah ban tep ïa ki.

JINGPYNPAW 13:7

La shah ïa u ban ïaleh pyrshah ïa ki briew jong U Blei bad ban jop ïa ki, bad la ai ha u ïa ka bor halor kawei pa kawei ka jaitbynriew, ka hima, ka ktien bad halor u bynriew baïapher.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 14:6

Nangta nga la ïohi ïa uwei pat u angel uba her shajrong eh ha suiñ, lem bad ka khubor bymjukut jong ka Khubor Babha ban pynbna ha ki briew ka pyrthei, ha kawei pa kawei ka jaitbynriew, ka jait, ka ktien bad ka kynja bynriew.

JINGPYNPAW 15:3

bad ki da rwai ïa ka jingrwai u Moses, u shakri jong U Blei, bad ïa ka jingrwai U Khunlangbrot: “U Trai uba U Blei Badonbor Baroh, katno kiba khraw bad kiba phylla long ki kam jong me! U Syiem jong ki jaitbynriew, katno kiba dei bad kiba shisha ki long lynti jong me!

JINGPYNPAW 17:15

U angel u la ong ruh ha nga, “Ki um ïa kiba me la ïohi, ha kaba kata ka nuti ka shong, ki long ki jaitbynriew, ki paidlang, ki kynja bynriew bad ki jait ktien.

JINGPYNPAW 4:11

“U Trai bad U Blei jong ngi! Me long uba dei hok ban ïoh ïa ka burom, ka jingpyndonburom bad ka bor. Naba me la thaw ïa kiei kiei baroh, bad da ka mon jong me, la ai ïa ki ban im bad ïa ka jingim.”

JINGPYNPAW 5:12

bad ki la rwai ha ka sur bajam: “U Khunlangbrot uba la shah pynïap u long uba dei hok ban ïohpdiang ïa ka bor, ka spah, ka jingstad, bad ka jingkhlaiñ, ka jingpyndonburom, ka burom, bad ka jingïaroh!”

JINGPYNPAW 5:6

Nangta nga la ïohi ïa U Khunlangbrot uba ïeng hapdeng ka khet, ïa kaba la ker sawdong da ki saw tylli ki jingthaw ba-im bad ki nongsharai balang. U Khunlangbrot u la paw ba u la shah pynïap. U don hynñiew tylli ki reng bad hynñiew tylli ki khmat, kiba long ki hynñiew ki mynsiem U Blei ïa kiba la phah sha kylleng ka pyrthei.