JINGPYNPAW 5:14 - Khasi CL Bible (BSI)

¹⁴ Ki saw tylli ki jingthaw ba-im ki la jubab, “Amen!” Bad ki nongsharai balang ki la dem khrup bad ki la mane.

KA BAIBL

¹⁴ Bad kita ki saw ki jingthaw ba-im ki la ïa-ong, “Amen”. Bad kita ki arphew saw ngut ki tymmen basan ki la ïahap dem, bad ki la ïamane.

JINGPYNPAW 5:14 ပူးပေါင်းရင်းမြစ်များ

1 KORINTH 14:16

Haba phi ainguh ha U Blei tang ha ka mynsiem, da kumno u riewpaidbah uba shim bynta ha ka jingïaseng u lah ban ong “Amen” ha kata ka jingduwai ainguh jong phi? Kim don lynti ban sngewthuh ïa kaei kaba phi kren.

JINGPYNPAW 19:4

Ki arphew saw ngut ki nongsharai balang bad ki saw tylli ki kherub ki la dem khrup bad ki la mane ïa U Blei, uba la shong ha ka khet. Ki la ong, “Amen! To ïaroh ïa U Blei!”

JINGPYNPAW 4:4

Sawdong ïa ka khet, la don arphew saw tylli kiwei pat ki khet, ha kaba la shong arphew saw ngut ki nongsharai balang kiba la riam da kaba lieh bad phong ki pansngiat ksiar.

JINGPYNPAW 4:6

Ha khmat ka khet ruh la don kaei kaba i kum ka ïit bakhraw, kaba shai sngur bha. La ker ha baroh sawdong ka khet da saw tylli ki jingthaw ba-im kiba don ki khmat sha khmat bad shadien.

JINGPYNPAW 5:11

Nga la khmih biang, bad nga la ïohsngew ïa ki angel, da ki hajar bad ki million na ki! Ki la ïeng sawdong ka khet, ki saw tylli ki jingthaw ba-im, bad ki nongsharai balang,

JINGPYNPAW 5:6

Nangta nga la ïohi ïa U Khunlangbrot uba ïeng hapdeng ka khet, ïa kaba la ker sawdong da ki saw tylli ki jingthaw ba-im bad ki nongsharai balang. U Khunlangbrot u la paw ba u la shah pynïap. U don hynñiew tylli ki reng bad hynñiew tylli ki khmat, kiba long ki hynñiew ki mynsiem U Blei ïa kiba la phah sha kylleng ka pyrthei.

JINGPYNPAW 5:8

Katba u dang leh kumta, kita ki saw tylli ki jingthaw ba-im bad ki arphew saw ngut ki nongsharai balang ki la dem khrup ha khmat U Khunlangbrot. Uwei pa uwei u la don ka duitara bad ki pliang ksiar ba la pyndap da ka jingiwbih, kiba long ki jingduwai jong ki briew jong U Blei.

JINGPYNPAW 7:12

Te ki la dem ngon ha khmat kata ka khet bad ki la mane ïa U Blei, ki da ong, “Amen! Ka jingïaroh, ka burom, ka jingstad, ka jingainguh, ka jingpyndonburom, ka bor, bad ka jingkhlaiñ ki long jong U Blei jong ngi junom la junom! Amen!”