JINGPYNPAW 4:8 - Khasi CL Bible (BSI)

⁸ Baroh kita ki saw tylli ki jingthaw ba-im, ki don mar hynriew tylli ki thapniang, bad ïa ki la tap da ki khmat, shapoh bad shabar. Mynsngi bad mynmiet kim ju sangeh noh na kaba rwai: “Bakhuid, bakhuid, bakhuid, long U Trai U Blei Badonbor Baroh, Uba la long, uba long bad u ban sa wan.”

KA BAIBL

⁸ Bad kita ki saw ki jingthaw ba-im ki da don uwei pa uwei, hynriew ki thapniang, baroh sawdong bad shapoh ki da dap da ki khmat, bad kim ïoh kaba shongthait mynsngi bad mynmiet, ki da ong, “U Bakhuid, U Bakhuid, U Bakhuid, U Trai uba U Blei Badonbor baroh, uta uba la ju long bad uta uba long bad uta u ban sa wan.”

JINGPYNPAW 4:8 ပူးပေါင်းရင်းမြစ်များ

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

SALM 91:1

Uno uno uba leit sha U Trai ban ïoh jingïada, uno uno uba ïaisah hapoh ka jingkah jong U Badonbor Baroh,

EKSODOS 15:11

“Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

EKSODOS 3:14

U Blei u ong ha u Moses, “NGA LONG UBA NGA LONG. Kane ka long kaei kaba me dei ban ong ha ki: ‘Uta ïa uba la khot UBA NGA LONG u phah ïa nga sha phi.’

ISAÏAH 13:6

To ud ha ka jingpang! Ka sngi ka jong U Trai ka la hajan, ka sngi ha kaba U Badonbor Baroh u wallam ka jingpynjot.

ISAÏAH 62:1

Ngan kren jam ban pynshlur ïa ka Jerusalem; ngan ym sngap jar haduh ba yn pynim ïa ka, bad ka jingjop jong ka kan tyngshaiñ kum ka jingshai ha ka por mynmiet.

ESEKIEL 1:18

Ïa ki rmiang jong ki shalyntem la tap da ki khmat.

ESEKIEL 1:5

Hamar pdeng jong kata ka 'erïong, nga ïohi ïa kaei kaei kaba i kum ki saw tylli ki jingthaw ba-im ha ka dur ki briew,

ESEKIEL 1:6

hynrei uwei uwei na ki u don saw tylli ki durkhmat bad saw tylli ki thapniang.

ESEKIEL 10:12

Ïa ki met, ki ingdong, ki kti, ki thapniang, bad ki shalyntem jong ki, la tap da ki khmat.

JOEL 1:15

Ka Sngi jong U Trai ka la jan; ka sngi ha kaba U Badonbor Baroh u wallam ka jingpynjot. Kaba haduh katno ka jingshyrkhei kata ka sngi kan wallam!

KI KAM 20:31

To sharai, te, bad to kynmaw bad da ki ummat kiba bun, mynsngi bad mynmiet, nga la hikai ïa iwei pa iwei na phi haduh lai snem.

2 KORINTH 6:18

Ngan long U Kpa jong phi, bad phin long ki khun shynrang bad ki khun kynthei jong nga, ong U Trai Badonbor Baroh.”

1 THESSALONI 2:9

Da shisha phi kynmaw, ko parabangeit jong ngi, kumno ba ngi la minot bad trei shitom! Ngi la trei mynsngi bad mynmiet khnang ba ngin ym bankhia ïa phi haba ngi la ïalap ha phi ïa ka Khubor Babha na U Blei.

1 TIMOTHI 4:16

To phikir bha ïa lade bad ïa ki jinghikai kiba me ai. To men ïai leh ïa kine kiei kiei, namar lada me leh kumta, me pynim ïa lade bad ïa kita kiba shahshkor ïa me.

HEBRU 13:8

U Jisu Khrist u long ujuh mynhynnin, mynta bad sha ki bymjukut.

JINGPYNPAW 1:4

Na u Ïoannis sha ki hynñiew tylli ki balang ha ka probins jong ka Asia: Ka jingaiei bad ka jingsuk ïa phi na U Blei, uba long, uba la long bad u ban sa wan, bad na ki hynñiew ki mynsiem kiba ha khmat ka khet jong u,

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 14:11

Ka tdem jong ka ding kaba pynsaja ïa ki ka kiew shajrong junom la junom. Ym don jingtngen mynsngi ne mynmiet ïa kito kiba mane ïa u mradkhlaw bad ïa ka dur jong u, ïa uno uno uba don ïa ka shab jong ka kyrteng jong u mradkhlaw.”

JINGPYNPAW 14:3

Ki shi lakh sawphew saw hajar ngut ki briew ki la ïeng ha khmat ka khet, ha khmat ki saw tylli ki jingthaw ba-im, bad ha khmat ki nongsharai balang; ki la ïarwai ïa ka jingrwai kaba thymmai, kaba tang ma ki hi ki lah ban nang. Na ki bynriew baroh, ki long tang ma ki, kiba la siewspah.

JINGPYNPAW 15:3

bad ki da rwai ïa ka jingrwai u Moses, u shakri jong U Blei, bad ïa ka jingrwai U Khunlangbrot: “U Trai uba U Blei Badonbor Baroh, katno kiba khraw bad kiba phylla long ki kam jong me! U Syiem jong ki jaitbynriew, katno kiba dei bad kiba shisha ki long lynti jong me!

JINGPYNPAW 15:7

Nangta uwei na ki saw tylli ki kherub u la ai ha ki hynñiew ngut ki angel ïa ki hynñiew tylli ki pliang ksiar ba la pyndap da ka jingbitar jong U Blei, uba im junom la junom.

JINGPYNPAW 16:14

Ki long ki mynsiem jong ki ksuid kiba leh ïa ki kambah. Kine lai tylli ki mynsiem ki leit noh sha ki syiem baroh jong ka pyrthei, ban lumlang ïa ki na ka bynta ka thma ha ka Sngi kaba khraw jong U Blei Badonbor Baroh.

JINGPYNPAW 16:7

Nangta nga la ïohsngew ïa ka sur na ka duwan kaba ong, “Ko Trai uba U Blei Badonbor Baroh! Kaba shisha bad kaba hok ki long da shisha ki jingbishar jong me!”

JINGPYNPAW 19:15

Na ka shyntur jong u la mih ka waitlam kaba nep, da kata un jop ïa ki jaitbynriew. Un synshar halor jong ki da u diengduh nar, bad ïuhroit ïa ka waiñ hapoh ka jaka khñiot waiñ jong ka jingbitar shla jong U Blei U Badonbor Baroh.

JINGPYNPAW 19:4

Ki arphew saw ngut ki nongsharai balang bad ki saw tylli ki kherub ki la dem khrup bad ki la mane ïa U Blei, uba la shong ha ka khet. Ki la ong, “Amen! To ïaroh ïa U Blei!”

JINGPYNPAW 21:22

Ngam shym ïohi ïa ka templ ha ka nongbah, namar ka templ jong ka, u long U Trai U Blei Badonbor Baroh bad U Khunlangbrot.

JINGPYNPAW 3:7

“Thoh ha u angel jong ka balang ha Philadelphia: “Kane ka long ka khubor na uta uba khuid bad uba shisha. U don u shabi jong u Dabid, bad haba u plie ïa ka jingkhang, ym don uba lah ban khang ïa ka, bad haba u khang ïa ka, yn ym don uba lah ban plie ïa ka.

JINGPYNPAW 4:4

Sawdong ïa ka khet, la don arphew saw tylli kiwei pat ki khet, ha kaba la shong arphew saw ngut ki nongsharai balang kiba la riam da kaba lieh bad phong ki pansngiat ksiar.

JINGPYNPAW 4:6

Ha khmat ka khet ruh la don kaei kaba i kum ka ïit bakhraw, kaba shai sngur bha. La ker ha baroh sawdong ka khet da saw tylli ki jingthaw ba-im kiba don ki khmat sha khmat bad shadien.

JINGPYNPAW 4:9

Ki saw tylli ki jingthaw ba-im ki rwai ki jingrwai jong ka burom bad ka jingpyndonburom bad ki jingsngewnguh ïa uta uba shong ha ka khet, bad mane ïa uta uba im junom la junom.

JINGPYNPAW 5:6

Nangta nga la ïohi ïa U Khunlangbrot uba ïeng hapdeng ka khet, ïa kaba la ker sawdong da ki saw tylli ki jingthaw ba-im bad ki nongsharai balang. U Khunlangbrot u la paw ba u la shah pynïap. U don hynñiew tylli ki reng bad hynñiew tylli ki khmat, kiba long ki hynñiew ki mynsiem U Blei ïa kiba la phah sha kylleng ka pyrthei.

JINGPYNPAW 6:1

Nangta nga la ïohi ïa U Khunlangbrot ba u pynpait noh ïa kawei na ki hynñiew tylli ki jingpyndait, bad nga la ïohsngew ïa uwei na ki saw tylli ki jingthaw ba-im ba u ong ha ka sur kaba sawa kum u pyrthat, “To wan!”

JINGPYNPAW 6:6

Nga la ïohsngew ïa kaei kaba sawa kum ka sur kaba wan napdeng ki saw tylli ki jingthaw ba-im kaba la ong, “Shi kilo u kew na ka bynta ka bainong shi sngi, bad lai kilo u barli na ka bynta ka bainong shi sngi. Hynrei wat pynjot noh ïa ki dieng Olib bad ïa ki bri sohwaiñ!”

JINGPYNPAW 7:11

Ki angel baroh ki la ïeng sawdong ka khet, ki nongsharai balang, bad ki saw tylli ki jingthaw ba-im.

JINGPYNPAW 7:15

Ka dei kumta ba balei ki ïeng ha khmat ka khet U Blei bad ki shakri ïa u bad sngi bad miet ha ka templ jong u. Uta uba shong halor ka khet un ïada ïa ki da ka jingdon ryngkat jong u.