JINGPYNPAW 4:7 - Khasi CL Bible (BSI)

⁷ Uba nyngkong u don ka dur kum u sing; uba ar u don ka dur kum u masi kyrtong; uba lai u don ka durkhmat kum ka durkhmat u briew; bad uba saw u don ka dur kum u pukni uba her.

KA BAIBL

⁷ Te uta u jingthaw u banyngkong u kum u sing, bad uta u jingthaw ba-ar u kum u khun masi, bad uta u jingthaw balai u da don ka khmat kum u briew, bad uta u jingthaw basaw u kum ka pukni baher.

JINGPYNPAW 4:7 ပူးပေါင်းရင်းမြစ်များ

JENESIS 49:9

U Judah u long kum u sing, Haba u la pynïap ïa uba u thmu u leit phai sha la krem; Hangta u dem, bad u thiah. Uei uba nud ban pynthut ïa u?

2 SAMUEL 1:23

“U Saul bad u Jonathan, ki long kiba phylla bad ba sngewieit; Ryngkat ryngkat ha ka jingim, bad ryngkat ryngkat ha ka jingïap; ki kham stet ban ïa ki pukni, ki kham khlaiñ ban ïa ki sing.

PROBERB 28:2

Haba ka jaitbynriew ka leh pop, kan ïoh u nongsynshar uwei hadien uwei pat. Hynrei ka jaitbynriew kan long kaba khlaiñ bad kaba ïaineh haba ka don ki nongsynshar kiba stad bad bashemphang.

ISAÏAH 40:31

Hynrei kito kiba shaniah ha U Trai ban ïoh jingïarap kin shem ba la pynthymmai ïa ka jingkhlaiñ jong ki. Kin ïeng joit ha ki thapniang kum ki pukni; kin mareh bad kin ym sngewlwait; kin ïaid bad kin ym sngewthait.

ESEKIEL 1:10

Uwei pa uwei u jingthaw ba-im u don saw tylli ki durkhmat baïapher: ka durbriew ha khmat, sha ka mon ka durkhmat sing, sha kadiang ka durkhmat masi dab, bad shadien ka durkhmat pukni.

ESEKIEL 1:8

Nalor ki saw tylli ki durkhmat bad saw tylli ki thapniang jong ki, uwei uwei u don saw tylli ki kti briew, hapoh kawei kawei ka thapniang.

ESEKIEL 10:14

Uwei uwei u kherub u don saw tylli ki durkhmat. Ka khmat kaba nyngkong ka dei ka jong u masi kyrtong, kaba ar ka jong u briew, kaba lai ka jong u sing, bad kaba saw ka jong u pukni.

ESEKIEL 10:21

Uwei uwei u don saw tylli ki durkhmat, saw tylli ki thapniang, bad kaei kaei kaba syriem ïa ka kti briew hapoh kawei kawei ka thapniang.

DANIEL 7:4

Uba nyngkong u syriem kum u sing, hynrei u don ki thapniang kum u pukni. Katba nga dang khmih la pynkdiah ïa ki thapniang. Ïa u mradkhlaw la rah shajrong bad la pynlong ïa u ban ïeng kum u briew. Bad nangta la ai ha u ka jingmut jingpyrkhat kum u briew.

OBADAÏAH 1:4

Wat la pha pynlong ïa la ka ïing shajrong kat ka skum pukni, khnang ba yn i kumba ka don hapdeng ki khlur, pynban ngan pynhiar ïa pha sha tbian.

JINGKHEIÑ 23:24

Ka jaitbynriew Israel ka long kum u sing uba khrawbor; U bym shongthait tad haduh ba u la lah patar bad bam lut khoit, Haduh ba un da dep dih ïa ka snam jong kito kiba u la pynïap.”

JINGKHEIÑ 24:9

Kane ka jaitbynriew ka long kum u sing uba khlaiñ; Haba u thiah, ym don ba nud ban kyrsiew ïa u. Uta uba kyrkhu ïa ki Israel un ïoh jingkyrkhu, Bad uta uba tim ïa ki Israel un ïoh ka jingtim.”

1 KORINTH 14:20

Wat long kum ki khynnah ha ka rukom pyrkhat jong phi, ko parabangeit jong nga; to long khynnah ha kaba ïadei bad ka jingbymman, hynrei to long rangbah ha ka rukom pyrkhat.

DEUTERONOMI 28:49

U Trai un phah ïa ka jaitbynriew na kaba kut ka pyrthei pyrshah ïa phi, ka jaitbynriew kaba ka ktien ka thylliej jong ka phin ym sngewthuh. Kin wan hiar kynsan ha phi kumba suh u pukni.

JINGPYNPAW 4:6

Ha khmat ka khet ruh la don kaei kaba i kum ka ïit bakhraw, kaba shai sngur bha. La ker ha baroh sawdong ka khet da saw tylli ki jingthaw ba-im kiba don ki khmat sha khmat bad shadien.

JINGPYNPAW 6:3

Nangta U Khunlangbrot u la pynpait noh ïa ka jingpyndait kaba ar; bad nga la ïohsngew ïa u jingthaw ba-im uba ar uba ong, “To wan!”

JINGPYNPAW 6:5

Nangta U Khunlangbrot u la pynpait ïa ka jingpyndait kaba lai; bad nga la ïohsngew ïa u jingthaw ba-im uba lai uba ong, “To wan!” Nga la khmih, bad hangta la don u kulai uba ïong. U nongshong kulai u la bat ïa ka tarajur ha la ka kti.

JINGPYNPAW 6:7

Nangta U Khunlangbrot u la pynpait ïa ka jingpyndait kaba saw; bad nga la ïohsngew ïa u jingthaw ba-im uba saw uba ong, “To wan!”