JINGPYNPAW 4:6 - Khasi CL Bible (BSI)

⁶ Ha khmat ka khet ruh la don kaei kaba i kum ka ïit bakhraw, kaba shai sngur bha. La ker ha baroh sawdong ka khet da saw tylli ki jingthaw ba-im kiba don ki khmat sha khmat bad shadien.

KA BAIBL

⁶ Bad ha khmat kata ka khet ruh, don ka duriaw ïit kum u mawleiñ: Bad hapdeng kata ka khet, bad baroh sawdong kata ka khet saw ki jingthaw ba-im kiba dap da ki khmat sha khmat bad shadien.

JINGPYNPAW 4:6 ပူးပေါင်းရင်းမြစ်များ

1 SYIEM 7:23

U Huram u shna kawei ka pipa kaba pyllun da ka rnong, kaba 2.2 mitar ka jingjylliew, 4.4 mitar ka jingheh na rmiang ha rmiang, bad 13.2 mitar ka lyngwiar.

Ka Kitab U Job 28:17

Ka kham kordor ban ïa ka ksiar, ban ïa u khiew ksiar lane ïa ka ïit babha tam.

EKSODOS 38:8

U shna kawei ka dabor rnong bad ka jingpynshong rnong, na ki ïitkhmih jong ki kynthei kiba shakri ha ka khyrdop ka Ïingjaiñ ka Jingdon ryngkat U Trai.

ESEKIEL 10:12

Ïa ki met, ki ingdong, ki kti, ki thapniang, bad ki shalyntem jong ki, la tap da ki khmat.

ESEKIEL 10:14

Uwei uwei u kherub u don saw tylli ki durkhmat. Ka khmat kaba nyngkong ka dei ka jong u masi kyrtong, kaba ar ka jong u briew, kaba lai ka jong u sing, bad kaba saw ka jong u pukni.

JINGPYNPAW 14:3

Ki shi lakh sawphew saw hajar ngut ki briew ki la ïeng ha khmat ka khet, ha khmat ki saw tylli ki jingthaw ba-im, bad ha khmat ki nongsharai balang; ki la ïarwai ïa ka jingrwai kaba thymmai, kaba tang ma ki hi ki lah ban nang. Na ki bynriew baroh, ki long tang ma ki, kiba la siewspah.

JINGPYNPAW 15:2

Nangta nga la ïohi ïa kaei kaba i kum ka ïit bakhraw kaba la khleh lang bad ka ding. Nga la ïohi ruh ïa kito kiba la jop ïa u mradkhlaw bad ïa ka dur jong u bad ïa uta uba ka kyrteng jong u la mihkhmat da u dak jingkheiñ. Ki la ïeng hajan ka ïit bakhraw, ki da bat ïa ki duitara kiba U Blei u la ai ha ki

JINGPYNPAW 15:7

Nangta uwei na ki saw tylli ki kherub u la ai ha ki hynñiew ngut ki angel ïa ki hynñiew tylli ki pliang ksiar ba la pyndap da ka jingbitar jong U Blei, uba im junom la junom.

JINGPYNPAW 19:4

Ki arphew saw ngut ki nongsharai balang bad ki saw tylli ki kherub ki la dem khrup bad ki la mane ïa U Blei, uba la shong ha ka khet. Ki la ong, “Amen! To ïaroh ïa U Blei!”

JINGPYNPAW 21:11

bad ka da phyrnai da ka burom jong U Blei. Ka nongbah ka la phyrnai kum u mawkordor, kum u maw Jasper, kaba shai sngur bha.

JINGPYNPAW 21:18

Ïa ka kynroh la thaw da u maw Jasper, bad ïa ka nongbah hi la thaw da ka ksiar nylla, kaba sngur kum ka ïit.

JINGPYNPAW 21:21

Ki khat-ar tylli ki khyrdop ki la long ki khat-ar tylli ki mawlynnai; ïa kawei kawei ka khyrdop la shna na uwei u mawlynnai. Ka lynti bah jong ka nongbah ka la long da ka ksiar nylla, kaba lah ban ïohi lyngba kum ka ïit.

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot

JINGPYNPAW 4:4

Sawdong ïa ka khet, la don arphew saw tylli kiwei pat ki khet, ha kaba la shong arphew saw ngut ki nongsharai balang kiba la riam da kaba lieh bad phong ki pansngiat ksiar.

JINGPYNPAW 5:11

Nga la khmih biang, bad nga la ïohsngew ïa ki angel, da ki hajar bad ki million na ki! Ki la ïeng sawdong ka khet, ki saw tylli ki jingthaw ba-im, bad ki nongsharai balang,

JINGPYNPAW 5:14

Ki saw tylli ki jingthaw ba-im ki la jubab, “Amen!” Bad ki nongsharai balang ki la dem khrup bad ki la mane.

JINGPYNPAW 5:6

Nangta nga la ïohi ïa U Khunlangbrot uba ïeng hapdeng ka khet, ïa kaba la ker sawdong da ki saw tylli ki jingthaw ba-im bad ki nongsharai balang. U Khunlangbrot u la paw ba u la shah pynïap. U don hynñiew tylli ki reng bad hynñiew tylli ki khmat, kiba long ki hynñiew ki mynsiem U Blei ïa kiba la phah sha kylleng ka pyrthei.

JINGPYNPAW 5:8

Katba u dang leh kumta, kita ki saw tylli ki jingthaw ba-im bad ki arphew saw ngut ki nongsharai balang ki la dem khrup ha khmat U Khunlangbrot. Uwei pa uwei u la don ka duitara bad ki pliang ksiar ba la pyndap da ka jingiwbih, kiba long ki jingduwai jong ki briew jong U Blei.

JINGPYNPAW 6:1

Nangta nga la ïohi ïa U Khunlangbrot ba u pynpait noh ïa kawei na ki hynñiew tylli ki jingpyndait, bad nga la ïohsngew ïa uwei na ki saw tylli ki jingthaw ba-im ba u ong ha ka sur kaba sawa kum u pyrthat, “To wan!”

JINGPYNPAW 6:6

Nga la ïohsngew ïa kaei kaba sawa kum ka sur kaba wan napdeng ki saw tylli ki jingthaw ba-im kaba la ong, “Shi kilo u kew na ka bynta ka bainong shi sngi, bad lai kilo u barli na ka bynta ka bainong shi sngi. Hynrei wat pynjot noh ïa ki dieng Olib bad ïa ki bri sohwaiñ!”

JINGPYNPAW 7:11

Ki angel baroh ki la ïeng sawdong ka khet, ki nongsharai balang, bad ki saw tylli ki jingthaw ba-im.