JINGPYNPAW 4:3 - Khasi CL Bible (BSI)

³ Ka durkhmat jong u ka phyrnai kum ki mawkordor, kum u Jasper bad u Karnelian, bad baroh sawdong ka khet la don u simpyllieng uba don ka rong kum ka jong u Emerald.

KA BAIBL

³ Te uta uba shong u la long haba khmih kum u maw Jasper bad u Sardios: bad la don u simpyllieng baroh sawdong kata ka khet, uba kum u maw Emerald haba peit ïa u.

JINGPYNPAW 4:3 ပူးပေါင်းရင်းမြစ်များ

EKSODOS 24:10

bad ki ïohi ïa U Blei ki Israel. Hapoh ki sla'jat jong u, la don kaei kaba i kum ka jingsiang da u mawkordor Sapphir, kaba jngum kum ka suiñbneng.

EKSODOS 28:18

u Emerald, u Sapphir, bad u Diamond ha ka kyrdon kaba ar;

EKSODOS 39:11

ïa u Emerald, u Sapphir, bad u Diamond ha ka kyrdon kaba ar;

ISAÏAH 6:1

Ha ka snem ba u syiem Ussaïah u ïap, nga la ïohi ïa U Trai. U da shong halor ka khet, hajrong bad kaba la pynkyntiew, bad ka jaiñkup jong u ka pyndap ïa ka Templ baroh kawei.

ESEKIEL 1:26

Halor ka tnum ka don kaei kaei kaba i kum ka khet; ba la shna da u mawkordor Sapphir; bad don bashong halor kata ka khet ba i kum u briew.

ESEKIEL 1:28

Ka shai baroh sawdong da ka jingshai kaba phyrnai kaba don lut ha ka baroh ki rong jong u simpyllieng. Kane ka long ka jingshai kaba thaba kaba pynpaw ïa ka jingdon ryngkat U Trai. Haba nga la ïohi ïa kane, nga kyllon kram da pyllup ha ka khyndew.

ESEKIEL 10:1

Nga la khmied sha tnum halor ki khlieh ki kherub bad halor jong ki ka don kaei kaei kaba i kum ka khet ba la shna na u mawkordor sapphir.

ESEKIEL 28:13

Me la shong ha Eden, ka kper jong U Blei, bad me deng ïa ki mawlynnai ba bun jait: ki Rubi bad ki Diamond; u Topas, u Beryl, u Karnelian bad u Jasper; ki Sapphir, ki Emerald, bad ki Garnet. Me don ki jingdeng da ka ksiar. Ïa ki la shna na ka bynta jong me ha ka sngi ba la thaw ïa me.

JINGPYNPAW 10:1

Nangta nga la ïohi sa uwei pat u angel bakhrawbor ba u wan hiar na bneng. La sop ïa u ha u lyoh bad la don u simpyllieng sawdong ka khlieh jong u; ka durkhmat jong u ka long kum ka sngi, bad ki kjat jong u kum ki rishot ding.

JINGPYNPAW 21:11

bad ka da phyrnai da ka burom jong U Blei. Ka nongbah ka la phyrnai kum u mawkordor, kum u maw Jasper, kaba shai sngur bha.