JINGPYNPAW 4:11 - Khasi CL Bible (BSI)

¹¹ “U Trai bad U Blei jong ngi! Me long uba dei hok ban ïoh ïa ka burom, ka jingpyndonburom bad ka bor. Naba me la thaw ïa kiei kiei baroh, bad da ka mon jong me, la ai ïa ki ban im bad ïa ka jingim.”

KA BAIBL

¹¹ “Me long uba dei, A Trai bad U Blei jong ngi, ban pdiang ïa kata ka burom bad ïa kata ka jingpyndonburom bad ïa kata ka bor, naba me la thaw ma me ïa kiei kiei baroh, bad namar kata ka mon jong me ki ïalong, bad la thaw ïa ki.”

JINGPYNPAW 4:11 ပူးပေါင်းရင်းမြစ်များ

JENESIS 1:1

Ha kaba mynnyngkong, haba U Blei u la thaw ïa ka pyrthei, ka pyrthei ka long kaba khlem dur bad kaba suda.

2 SAMUEL 22:4

Nga khot kyrpad ïa U Trai, bad u pyllait im ïa nga na ki nongshun jong nga. To ïaroh ïa U Trai!

NEHEMAÏAH 9:5

Kine ki Lebi harum ki ai ïa ka jingkhot sha ka jingmane: u Jeshua, u Kadmiel, u Bani, u Hashabneïah, u Sherebaïah, u Hodaïah, u Shebanaïah, bad u Pethahaïah. Ki ong: “Ïeng bad ïaroh ïa U Trai U Blei jong phi; ïaroh ïa u junom la junom! Ai ba baroh kin ïaroh ïa ka kyrteng badonburom jong u, wat la ym don ka jingïaroh ba kynja briew kaba khraw palat.”

Ka Kitab U Job 36:3

Ka jingtip jong nga ka long kaba ïar; ngan pyndonkam ïa kaba nga tip ban pyn-i ba U Blei, u Nongthaw jong nga, u long uba hok.

SALM 18:3

Nga khot kyrpad ïa U Trai, bad u pyllait im ïa nga na ki nongshun jong nga. Ïaroh ïa U Trai!

SALM 68:34

To pynbna ïa ka bor ka jong U Blei; ka burom syiem jong u ka long halor ki Israel, ka bor jong u ka don ha ki sahit bneng.

EKSODOS 20:11

Ha ki hynriew sngi, ma nga, U Trai, nga la thaw ïa ka bneng, ïa ka khyndew, ïa ka duriaw, bad ïa kiei kiei baroh kiba don ha ki, hynrei ha ka sngi kaba hynñiew nga la shongthait. Namar kata, nga U Trai, nga la kyrkhu ïa ka Sabbaton, bad nga la pynkyntang khuid ïa ka.

PROBERB 16:4

Baroh kiei kiei kiba U Trai u la thaw ki don la ki jingkut; bad ka jingkut jong u bymman ka long ka jingjot.

ISAÏAH 40:26

A to khmied sha ka sahit bneng! Mano ba thaw ïa ki khlur ba phi ïohi? Uta uba ïalam ïa ki shabar kum ka kynhun shipai, u tip katno ki don bad u khot ïa uwei uwei da ka kyrteng! Ka bor jong u ka khraw katta katta — Ym don uwei na ki u ban jah noh.

ISAÏAH 40:28

Hato phim tip? Phim pat ïohsngew? U Trai u long U Blei bymjukut; u thaw ïa ka pyrthei baroh. Um ju sngewthait ne sngewlwait. Ym don uba sngewthuh ïa ki jingpyrkhat jong u

JEREMAÏAH 10:11

(Ma phi ki paidbah phi dei ban ïathuh ïa ki ba ki blei ki bym shym la thaw ïa ka pyrthei bad ïa ka sahit bneng yn sa pynjot. Kin ym don shuh hangno hangno ha ka pyrthei.)

JEREMAÏAH 32:17

“A Trai Nongsynshar, me la thaw ïa ka khyndew bad ka suiñbneng da ka bor bad ka borbah bakhraw; ym don kaba eh than ïa me.

KI KAM 14:15

“Balei phi leh ïa kane? Ngi hi ngi long tang ki briew kiba kum ma phi! Ngi don hangne ban pynbna ïa ka Khubor Babha, ban pynphai noh ïa phi na kine kiei kiei ki bymmyntoi sha U Blei uba im, uba la thaw ïa ka bneng, ïa ka khyndew, ïa ka duriaw, bad ïa baroh kat kaba don ha ki.

KI KAM 17:24

U Blei, uba la thaw ïa ka pyrthei bad ïa kaei kaei baroh kaba don ha ka, u long U Trai jong ka bneng bad ka pyrthei bad um shong ha ki templ ba la thaw da ki kti jong ki briew.

Ka Shithi U Paul Sha Ki Nong Rom 11:36

Naba ïa baroh kiei kiei la thaw da u, bad baroh kiei kiei ki long lyngba jong u bad na ka bynta jong u. Ha U Blei, to long ka burom junom! Amen.

EPHESOS 3:9

U Blei uba long u Nongthaw ïa kiei kiei baroh, u la buhrieh ïa ka jingmaïan ha ki pateng baroh kiba mynshuwa,

DEUTERONOMI 32:4

“U Trai u long u nongïada bakhlaiñbor jong phi, ki lynti jong u ki long kiba janai, bad bahok; U Blei jong phi u long uba ïaineh bad uba shisha; u leh ïa kaba hok bad kaba beit.

HEBRU 1:10

U la ong ruh, “Me, A Trai, ha kaba mynnyngkong me la thaw ïa ka pyrthei, bad da la ki kti hi me la thaw ïa ki bneng.

HEBRU 1:2

Hynrei ha kine ki sngi kiba khatduh u la kren ha ngi lyngba U Khun jong u. U la long uta da uba U Blei u la thaw ïa ka pyrthei, uta ïa uba U Blei u la jied ban long u nongïoh kynti ïa kiei kiei baroh ha kaba kut.

JINGPYNPAW 1:6

bad pynlong ïa ngi ka hima jong ki lyngdoh ban shakri ïa U Blei bad U Kpa jong u. Ha U Jisu Khrist, to long ka burom bad ka bor junom la junom! Amen.

JINGPYNPAW 10:6

bad u la smai ha ka kyrteng U Blei, uba im junom la junom, uba la thaw ïa ka bneng, ïa ka khyndew, bad ïa kata ka duriaw, bad baroh kiba don ha ki. Uta u angel u la ong, “Yn ym don jingpynslem shuh!

JINGPYNPAW 14:7

U la kren ha ka sur kaba jam, “To pyndonburom ïa U Blei bad to ïaroh ïa ka jingkhraw jong u! Naba ka por ka la poi ïa u ba un bishar ïa u khunbynriew. To mane ïa uta uba la thaw ïa ka bneng, ïa ka khyndew, ïa ka duriaw bad ïa ki umpohliew!”

JINGPYNPAW 19:1

Hadien kane, nga la ïohsngew ïa kaei kaba sawa kum ka jingkyrhuh jong ki paidbah babun ha bneng, da kaba ong, “To ïaroh ïa U Blei! Ka Jingpynim, ka burom, bad ka bor ki long ki jong U Blei jong ngi!

JINGPYNPAW 5:12

bad ki la rwai ha ka sur bajam: “U Khunlangbrot uba la shah pynïap u long uba dei hok ban ïohpdiang ïa ka bor, ka spah, ka jingstad, bad ka jingkhlaiñ, ka jingpyndonburom, ka burom, bad ka jingïaroh!”

JINGPYNPAW 5:2

Bad nga la ïohi ïa u angel uba khlaiñ, uba pynbna ha ka sur kaba jam, “Mano uba dei hok ban pynpait ïa ki jingpyndait bad ban plied ïa ka kot kli?”

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.