JINGPYNPAW 4:10 - Khasi CL Bible (BSI)

¹⁰ Haba ki leh kumta, kita ki arphew saw ngut ki nongsharai balang ki la dem khrup ha khmat uta uba shong halor ka khet, bad mane ïa u, uba im junom la junom. Ki bret ïa ki pansngiat jong ki ha khmat jong ka khet bad ki ong,

KA BAIBL

¹⁰ kita ki arphew saw ngut ki tymmen basan ki ïahap dem ha khmat uta uba shong halor kata ka khet, bad ki ïamane ïa uta u ba-im sha ki bymjukut ki bymjukut, bad ki ïabred ïa kita ki pansngiat jong ki ha khmat kata ka khet, ki da ong,

JINGPYNPAW 4:10 ပူးပေါင်းရင်းမြစ်များ

1 KHRONIKL 29:20

Nangta u Dabid u la hukum ïa u paidbah, “Ïaroh ïa U Trai U Blei jong phi!” Bad kiba la ïalumlang baroh ki la ïaroh ïa U Trai, U Blei jong ki kpa tymmen jong ki, bad ki la pyndem la ki khlieh bad ai burom ïa U Trai bad ruh ïa u syiem.

2 KHRONIKL 7:3

Haba ki paid Israel ki ïohi ïa ka ding ba ka wan hiar na bneng bad ba ka jingshai ka dap ha ka Templ, ki dem khrup ha lynti ba la siang maw, ki da mane ïa U Blei bad ïaroh ïa U namar ka jingbha bad ka jingieit bymjukut jong u.

Ka Kitab U Job 1:20

Te u Job u ïeng joit bad u kad ïa la ki jaiñ ha ka jingsngewsih. U khi ïa la ka khlieh bad u bret ïa lade da pyllup ha ka khyndew.

SALM 115:1

Tang sha me hi, A Trai, tang sha me hi! bad ym sha ngi, ba dei ban ai ïa ka burom namar ka jingieit baneh bad ka jingïaineh jong me.

SALM 47:8

U Blei u shong ha ka khet bakyntang jong u; u synshar halor ki hima.

SALM 72:11

Ki syiem baroh kin dem ngon ha khmat jong u, ki jaitbynriew baroh kin shakri ïa u.

SALM 95:6

Ale, to ngin ïadem ngon bad mane ïa u; to ngin ïadem khohsiew ha khmat U Trai, U Nongthaw jong ngi!

ISAÏAH 6:1

Ha ka snem ba u syiem Ussaïah u ïap, nga la ïohi ïa U Trai. U da shong halor ka khet, hajrong bad kaba la pynkyntiew, bad ka jaiñkup jong u ka pyndap ïa ka Templ baroh kawei.

DANIEL 12:7

U angel u la rah ïa la ki kti sha bneng bad u la pynlong ka jingkular kyntang ha ka kyrteng jong U Blei Bymjukut. Nga la ïohsngew ïa u ba u ong, “Kan long lai snem shiteng. Haba ka jingpynshitom beiñ ïa ki briew jong U Blei ka kut, kine kiei kiei baroh kin hap ban jia.”

DANIEL 4:34

“Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

MATHAÏOS 2:11

Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.

LOUKAS 24:52

Ki la mane ïa u bad ki la leit phai pat sha Jerusalem, kiba la pyndap da ka jingkmen bakhraw,

1 KORINTH 15:10

Hynrei da ka jingaiei U Blei nga long kumba nga long, bad ka jingaiei kaba u la ai ha nga kam shym long lehnoh-ei. Ha kawei ka liang, nga la kham trei shitom ban ïa uno uno uwei pat na ki apostol, wat la kam shym la long da ka jingleh jong nga hi, hynrei ka jingaiei U Blei kaba trei ha nga.

DEUTERONOMI 32:40

Kumba nga long U Blei uba im, nga rah la ka kti bad nga smai,

JINGPYNPAW 10:6

bad u la smai ha ka kyrteng U Blei, uba im junom la junom, uba la thaw ïa ka bneng, ïa ka khyndew, bad ïa kata ka duriaw, bad baroh kiba don ha ki. Uta u angel u la ong, “Yn ym don jingpynslem shuh!

JINGPYNPAW 11:16

Nangta ki arphew saw ngut ki nongsharai balang kiba shong ha ki khet jong ki ha khmat U Blei ki la dem ngon ïa lade bad ki la mane ïa U Blei, da kaba ong: “Ko Trai U Blei Badonbor Baroh, uta uba long bad uba la ju long! Ngi ainguh ïa me ba me la shimti ïa ka bor bakhraw jong me bad me la sdang ban synshar!

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”

JINGPYNPAW 15:7

Nangta uwei na ki saw tylli ki kherub u la ai ha ki hynñiew ngut ki angel ïa ki hynñiew tylli ki pliang ksiar ba la pyndap da ka jingbitar jong U Blei, uba im junom la junom.

JINGPYNPAW 19:4

Ki arphew saw ngut ki nongsharai balang bad ki saw tylli ki kherub ki la dem khrup bad ki la mane ïa U Blei, uba la shong ha ka khet. Ki la ong, “Amen! To ïaroh ïa U Blei!”

JINGPYNPAW 4:2

Mar kumta hi, U Mynsiem u la shimti ïa nga. Hangta ha bneng la don ka khet bad la don uwei uba shong halor jong ka.

JINGPYNPAW 4:4

Sawdong ïa ka khet, la don arphew saw tylli kiwei pat ki khet, ha kaba la shong arphew saw ngut ki nongsharai balang kiba la riam da kaba lieh bad phong ki pansngiat ksiar.

JINGPYNPAW 4:9

Ki saw tylli ki jingthaw ba-im ki rwai ki jingrwai jong ka burom bad ka jingpyndonburom bad ki jingsngewnguh ïa uta uba shong ha ka khet, bad mane ïa uta uba im junom la junom.

JINGPYNPAW 5:14

Ki saw tylli ki jingthaw ba-im ki la jubab, “Amen!” Bad ki nongsharai balang ki la dem khrup bad ki la mane.

JINGPYNPAW 5:8

Katba u dang leh kumta, kita ki saw tylli ki jingthaw ba-im bad ki arphew saw ngut ki nongsharai balang ki la dem khrup ha khmat U Khunlangbrot. Uwei pa uwei u la don ka duitara bad ki pliang ksiar ba la pyndap da ka jingiwbih, kiba long ki jingduwai jong ki briew jong U Blei.

JINGPYNPAW 7:11

Ki angel baroh ki la ïeng sawdong ka khet, ki nongsharai balang, bad ki saw tylli ki jingthaw ba-im.