JINGPYNPAW 3:9 - Khasi CL Bible (BSI)

⁹ Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.

KA BAIBL

⁹ Ha khmih, nga aiti noh ïa kiba na kata ka synagog u Soitan, kiba ong ba ki long ki Jiw, bad kim long, hynrei, ki lamler; ha khmih, ngan pynleh ïa kita ba kin wan bad ïamane ha khmat ki kjat jong pha, bad ba kin tip ba nga la ieit ma nga ïa pha.

JINGPYNPAW 3:9 ပူးပေါင်းရင်းမြစ်များ

ESTHER 8:17

Ha kawei pa kawei ka nongbah bad probins, hangno hangno ba la pule ïa ka jingpynbna u syiem, ki Jiw ki pynlong ki shuti lehkmen ryngkat bad ki jingkhawai sngewbha bad jingkmen. Ha ka jingshisha, bun kiwei ki briew ki la kylla Jiw, namar mynta ki la sheptieng ïa ki.

EKSODOS 11:8

U Moses u pynkut da kaba ong, “Ki rangbah synshar jong phi baroh kin sa wan sha nga bad dem khrup ha khmat jong nga, bad kin sa kyrpad ïa nga ban ïalam noh ïa ki briew jong nga baroh bad ban mihnoh. Hadien kata ngan sa leit.” Nangta u Moses u mihnoh na u Pharaoh da ka jingbitar bakhraw.

ISAÏAH 43:4

Ngan kyntait ïa ki ri baroh ban pynim ïa ka jingim jong phi, namar phi long uba kordor ha nga bad namar ba nga ieit ïa phi bad ai ïa phi ka burom.

ISAÏAH 45:14

U Trai u ong ïa ki Israel, “Ka spah ki Ijipt bad ki Sudan kan long ka jong phi, bad ki rangbah bajrong jong ka Seba kin long ki mraw jong phi; kin bud ïa phi ha ki kynjri. Kin dem ngon ha phi bad kin phla, ‘U Blei u don ryngkat bad phi — tang ma u, u long U Blei.

ISAÏAH 49:23

Ki syiem kin long kum ki kpa ïa pha; ki mahadei kum ki kmie. Kin dem khrup ha khmat jong pha bad kin burom ïa pha; da kaba pynrit kin pyn-i burom ïa pha. Te phan tip ba nga long U Trai; uba ap ïa ka jingïarap jong nga un ym duh jingkyrmen.”

ISAÏAH 60:14

Ki khun shynrang jong kito kiba la banbeiñ ïa pha kin sa wan ban dem khrup ban burom ïa pha. Baroh kito kiba la ju ibeiñ ïa pha kin dem ngon ha ki kjat jong pha. Kin khot ïa pha, ‘Ka Nongbah U Trai,’ ‘Ka Seïon, ka nongbah U Blei U Bakhuid ki Israel.’

ÏOANNIS 17:23

Ma nga ha ki bad ma me ha nga, khnang ba ka pyrthei ka lah ban tip ba me la phah ïa nga bad ba me ieit ïa ki kumba me ieit ïa nga.

JINGPYNPAW 2:9

Nga tip ïa ki jingjynjar jong pha; nga tip ba pha long kaba duk — hynrei da shisha pha long kaba riewspah! Nga tip ïa kiei kiei kiba sniew ba la kren pyrshah ïa pha da kito kiba kam ba ki long ki Jiw hynrei kim dei; ki long ka kynhun kaba dei ka jong u Soitan!

1 SAMUEL 2:36

Kat uba dang sah na ki khun ki ksiew jong me un leit ha uta u lyngdoh bad pan na u ïa ka pisa bad ka jingbam, bad kyrpad ïa u ban shah ba un ïarap ïa ki lyngdoh khnang ba un ïoh ei ei ban bam.”