JINGPYNPAW 3:7 - Khasi CL Bible (BSI)

⁷ “Thoh ha u angel jong ka balang ha Philadelphia: “Kane ka long ka khubor na uta uba khuid bad uba shisha. U don u shabi jong u Dabid, bad haba u plie ïa ka jingkhang, ym don uba lah ban khang ïa ka, bad haba u khang ïa ka, yn ym don uba lah ban plie ïa ka.

KA BAIBL

⁷ “Bad ha uta u angel jong ka balang kaba ha Philadelphia to thoh: Ïa kine kiei kiei ruh u ong uta U Bakhuid, uta U Bashisha, uta uba don u shabi jong u Dabid, uta uba plie, te uno uno ruh um khang, bad u khang te uno uno ruh um plie:

JINGPYNPAW 3:7 ပူးပေါင်းရင်းမြစ်များ

Ka Kitab U Job 11:10

Lada U Blei u kem ïa me bad u wallam ïa me sha ka jingbishar, uei uba lah ban pynsangeh ïa u?

Ka Kitab U Job 12:14

Haba U Blei u pyntwa, uei uba lah ban tei pat, bad uno uba lah ban pyllait ïa u briew uba U Blei u la set byndi?

SALM 145:17

U Trai u long uba hok ha baroh kaba u leh, uba isynei ha baroh ki jingleh jong u.

SALM 16:10

namar me ïada ïa nga na ka bor jong ka jingïap. Nga la shakri hok ïa me, bad men ym iehnoh ïa nga ha ka pyrthei kiba ïap.

SALM 89:18

Ma me, A Trai, me la jied ïa u nongïada jong ngi; ma me, U Blei Uba Khuid jong ki Israel, me la ai ha ngi ïa u syiem jong ngi.

ISAÏAH 22:22

Ngan ai lut ha u, ka iktiar hapoh jong u syiem, uba hiarpateng jong u Dabid. Un don ki shabi jong ka jaka treikam; kaei kaba u plie, ym don mano mano ban khang, bad kaei kaba u khang, ym don mano mano ban plie.

ISAÏAH 30:11

Wat ïeng ha ka lynti jong ngi bad wat kah ïa ka lynti ïaid jong ngi. Ngim kwah ban ïohsngew shaphang U Blei Bakhuid jong phi ki Israel.”

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

ISAÏAH 41:16

Men kynting ïa ki ha ka lyer; ka lyer kaba jur kan kit lut ïa ki, bad yn pynsaphriang ïa ki da ka 'erïong. Te men sa kmen namar nga long U Blei jong me; men ïaroh ïa nga, U Blei bakhuid ki Israel.

ISAÏAH 41:20

Ki briew kin ïohi ïa kane bad kin tip ba nga, U Trai, nga la leh ïa ka. Kin wan ban tip ba U Blei bakhuid ki Israel u la pynlong ïa ka ban jia.”

ISAÏAH 47:4

U Blei Bakhuid jong ki Israel u pyllaitluid ïa ngi — ka kyrteng jong u ka long U Trai Badonbor Baroh.

ISAÏAH 48:17

U Blei Bakhuid jong ki Israel, U Trai uba pynim ïa phi, u ong: “Nga long U Trai U Blei jong phi, uta uba kwah ban hikai ïa phi na ka bynta ka jingbha jong phi hi bad uba kdew ïa phi ïa ka lynti ba phi dei ban leit.

ISAÏAH 49:7

U Blei Bakhuid bad u nongpynim ki Israel u ong ïa uta uba shah ibeiñ, ïa uba la isih da ki jaitbynriew bad uba long u shakri jong ki nongsynshar: “Ki syiem kin ïohi ba la pyllait ïa me bad kin ïeng ban pynpaw ïa ka jingñiewburom jong ki; ki khun syiem ruh kin ïohi ïa kata, bad kin dem khrup ban pyndonburom ïa me.” Kane kan jia namar U Trai u la jied ïa la u shakri; U Blei bakhuid jong ki Israel u bat ïa la ki kular.

ISAÏAH 54:5

U Nongthaw jong pha un long kum u tnga ïa pha — U Trai Badonbor Baroh long ka kyrteng jong u. U Blei bakhuid jong ki Israel un pynim ïa pha — u long u nongsynshar jong ka pyrthei baroh.

ISAÏAH 55:5

Mynta phin phah khot ïa ki hima ri nongwei; mynshuwa kim shym la tip ïa phi, hynrei mynta kin wan mareh ban ïasoh bad phi! Nga, U Trai U Blei jong phi, U Blei bakhuid jong ki Israel, ngan pynjia ïa kane baroh; ngan ai ha phi ïa ka burom bad jingpyndonburom.”

ISAÏAH 6:3

Ki ïa-pyrta uwei ïa uwei pat: “Bakhuid, Bakhuid, Bakhuid! U Trai Badonbor Baroh u long uba khuid! Ka burom jong u ka pyndap ïa ka pyrthei.”

MATHAÏOS 16:19

Ngan ai ha me ïa ki shabi jong ka Hima ki bneng, kaei kaba me khang ha ka pyrthei yn khang ïa ka ha bneng, bad kaei kaba me shah ha ka pyrthei yn shah ïa ka ha bneng.”

MATHAÏOS 24:35

Ka bneng bad ka pyrthei kin leit noh, hynrei ki ktien jong nga kin ym leit noh da lei lei.

MARKOS 1:24

“Kaei kaba me kwah na ngi, ko Jisu na Nasareth? Hato me la wan hangne ban pynjot ïa ngi? Nga tip me long uei — me long u nonglamktien bakhuid jong U Blei!”

LOUKAS 1:32

Un long uba khraw, bad yn khot ïa u, U Khun jong U Blei Bahakhlieh Tam Eh. U Trai Uba U Blei un pynlong syiem ïa u, kumba u Dabid u kpa tymmen jong u, u la long,

LOUKAS 4:34

“Ieh! Kaei me kwah bad ngi, ko Jisu uba na Nasareth? Hato me la wan hangne ban pynjot ïa ngi? Nga ithuh me long uei: Me long u nonglamktien bakhuid jong U Blei!”

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

KI KAM 3:14

U la long uba khuid bad uba bha, hynrei phi la kyntait ïa u, bad pynban phi la kyrpad ïa u Pilat ban leh na ka bynta jong phi ban pyllait ïa u nongpynïap briew.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

JINGPYNPAW 1:11

Ka la ong, “Thoh ïa kaei kaba me ïohi, bad phah ïa ka kitab sha ki balang ha kine ki hynñiew tylli ki nongbah: ka Ephesos, ka Smyrna, ka Pergamum, ka Thiatira, ka Sardis, ka Philadelphia, bad ka Laodikaïa.”

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

JINGPYNPAW 1:5

bad na U Jisu Khrist, u sakhi baïaineh, uba nyngkong ïa uba la pynmih na ka jingïap bad uba long ruh u nongsynshar jong ki syiem jong ka pyrthei. U ieit ïa ngi, bad da ka jingïap ba aiti lut jong u, u la pyllait ïa ngi na ki pop

JINGPYNPAW 15:3

bad ki da rwai ïa ka jingrwai u Moses, u shakri jong U Blei, bad ïa ka jingrwai U Khunlangbrot: “U Trai uba U Blei Badonbor Baroh, katno kiba khraw bad kiba phylla long ki kam jong me! U Syiem jong ki jaitbynriew, katno kiba dei bad kiba shisha ki long lynti jong me!

JINGPYNPAW 16:7

Nangta nga la ïohsngew ïa ka sur na ka duwan kaba ong, “Ko Trai uba U Blei Badonbor Baroh! Kaba shisha bad kaba hok ki long da shisha ki jingbishar jong me!”

JINGPYNPAW 19:11

Nangta nga la ïohi ïa ka bneng ba plie, bad la don u kulai uba lieh. Ïa u nongshong ha u la khot Uba Ïaineh bad Uba Shisha; ka long da ka jinglehhok ba u bishar bad u ïaleh ïa ki jingïaleh thma jong u.

JINGPYNPAW 19:2

Ki jingbishar jong u ki long kiba shisha bad kiba hok! U la pynrem ïa ka nuti kaba pynpyut ïa ka khyndew da ki jingawria jong ka. U Blei u la pynshitom ïa ka namar ba ka la pynïap ïa ki shakri jong u.”

JINGPYNPAW 2:1

“Thoh sha u angel jong ka Balang ha Ephesos: “Kane ka long ka khubor na uta uba bat ïa ki hynñiew tylli ki khlur ha ka kti kamon jong u bad uba ïaid hapdeng ki hynñiew tylli ki diengpynïeng sharak ksiar.

JINGPYNPAW 21:5

Nangta uta uba shong ha ka khet u la ong, “Bad mynta nga thaw thymmai ïa kiei kiei baroh!” U la ong ruh ïa nga, “Thoh ïa kane, namar kine ki ktien ki long kiba shisha bad kiba lah ban shaniah.”

JINGPYNPAW 3:14

“Thoh ha u angel jong ka balang ha Laodikaïa: “Kane ka long ka khubor na U Amen, uba ïaineh bad u sakhi bashisha, uba long u jingsdang jong baroh kaba U Blei u la thaw.

JINGPYNPAW 4:8

Baroh kita ki saw tylli ki jingthaw ba-im, ki don mar hynriew tylli ki thapniang, bad ïa ki la tap da ki khmat, shapoh bad shabar. Mynsngi bad mynmiet kim ju sangeh noh na kaba rwai: “Bakhuid, bakhuid, bakhuid, long U Trai U Blei Badonbor Baroh, Uba la long, uba long bad u ban sa wan.”

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.

JINGPYNPAW 6:10

Ki la pyrta da ka sur kaba jam, “Ko Trai Badonbor Baroh, u bakhuid bad uba shisha! Sa katno kan long haduh ba men da bishar ïa ki briew ha ka pyrthei bad pynshitom ïa ki namar ba ki pynïap ïa ngi?”