JINGPYNPAW 3:4 - Khasi CL Bible (BSI)

⁴ Hynrei katto katne ngut na pha hangto ha Sardis kim shym la pyntngit ïa ki jaiñkup jong ki. Phan ïaid ryngkat bad nga, da kaba phong da ki jaiñkup balieh, namar pha long kaba dei hok ban leh kumta.

KA BAIBL

⁴ Hynrei, pha don khyndiat ki kyrteng wat ha Sardis ki bym shym la pynbit-tngit ïa ki jaiñkup jong ki: te kita kin ïoh ïaid lem bad nga ha ki jaiñkup balieh; naba ki long kiba dei.

JINGPYNPAW 3:4 ပူးပေါင်းရင်းမြစ်များ

1 SYIEM 19:18

Pynban ngan pynsah hynñiew hajar ngut ki briew ha Israel — kito kiba ïaineh ha nga bad ki bym shym la dem ïa u Baal ne doh ïa u bleithaw jong u.”

ESTHER 8:15

U Mordekai u mih na ka ïingsyiem, ha ki jingphong syiem kiba jngum rong bad balieh, ka barandi linen ba sawbthuh bad ka pansngiat ksiar ba-itynnat. Nangta ki lynti bah ka Susa ki sawa da ki jingpyrta ïaroh jong ka jingkmen.

SALM 68:14

Haba U Blei Badonbor Baroh u pynsakma ïa ki syiem halor u lum Salmon, u pynlong ïa ka ïor ban hap hangta.

EKLESIASTIS 9:8

Borabor pynpaw ïa ka jingkmen bad ba-dap da ka jingkmen.

ISAÏAH 1:9

Lada U Trai Badonbor Baroh um shym ailad ïa ki katto katne ki briew ban lait im, yn jin da la pynjot hi thiaw ïa ka Jerusalem, kumba long ïa ka Sodom bad Gomorrah.

ISAÏAH 52:1

Ko Jerusalem, to long khlaiñ bad long khraw biang! Ko nongbah Bakhuid jong U Blei, to kup ïa lade da ka burom! Kiba mane blei thala kin ym ïohrung shuh da lei lei lyngba ki khyrdop jong pha.

ISAÏAH 59:6

Hynrei ki jingïasylla jong phi kim wanrah jingbha ei ei ïa phi — ki long bymlarkam kum ka jaiñphong ba la thain da ka snur thapbawa!

ISAÏAH 61:10

Ko Jerusalem to shadkmen namar kaei kaba U Trai u la leh. Ka long kum ka nongleitkurim kaba riam na ka bynta ka jingkyntiew kurim jong ka. U Blei u la pynkup ïa ka da ka jingpynim bad ka jingjop.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

ISAÏAH 64:6

Baroh na ngi, ngi long kiba pop; wat ki kam babha tam jong ngi ki long ki bymkhuid shi lynter. Namar ki pop jong ngi, ngi long kum ki sla ba la tlor bad ba la rong noh da ka lyer.

LEBITIKOS 13:48

lane ha kano kano ka lyngkhot jaiñ linen ne jaiñ 'saiwul, lane ha ka snieh, lane ha kaei kaei kaba la shna da ka snieh,

MATHAÏOS 10:11

“Haba phi poi sha ka nongbah ne ka nongrit, leit rung shapoh bad wad ïa uno uno uba mon ban pdiang sngewbha ïa phi, bad sah bad u tad ynda phi mihnoh na kata ka jaka.

MARKOS 16:5

Kumta ki la rung shapoh ka jingtep, ha kaba ki la ïohi ïa u samla uba shong ha ka liang kamon uba phong da ka jaiñkup balieh — bad ki la sheptieng.

LOUKAS 20:35

hynrei ki shynrang bad ki kynthei kiba bit ban mihpat na ka jingïap bad ban im ha ki pateng ban wan kin ym shongkurim shuh.

LOUKAS 21:36

Da husiar bad duwai borabor ba phin don ka jingkhlaiñ ban leit ha ka jingshngain lyngba kito kiei kiei ki ban sa jia bad ban ïeng ha khmat jong U Khun U Briew.”

KI KAM 1:15

Hadien khyndiat sngi, ka la don ka jingïalang jong ki riewngeit, kumba shispah arphew ngut baroh, bad u Petros u la ïeng ban kren.

2 THESSALONI 1:5

Kane baroh ka pynshisha ba ka jingbishar ka jong U Blei ka long kaba hok, bad kumta phin long kiba bit na ka bynta ka Hima jong u, kaba na ka bynta jong ka phi shahshitom.

JUDAH 1:23

to pyllait im ïa kiwei, da kaba knieh kynthet ïa ki na ka ding; bad ïa kiwei pat, to isynei da ka jingsheptieng, hynrei to da isih ïa ki jaiñphong jong ki hi, kiba la bit tngit da ki jingkwah brai bapop.

JINGPYNPAW 1:11

Ka la ong, “Thoh ïa kaei kaba me ïohi, bad phah ïa ka kitab sha ki balang ha kine ki hynñiew tylli ki nongbah: ka Ephesos, ka Smyrna, ka Pergamum, ka Thiatira, ka Sardis, ka Philadelphia, bad ka Laodikaïa.”

JINGPYNPAW 11:13

Ha kata ka khyllipmat hi la jia ka jingkhih jumai kaba jur; shi bynta na ka shiphew bynta jong ka nongbah la pynjot, bad hynñiew hajar ngut ki briew ki la ïap. Kita kiwei pat ki briew ki la sngewtriem bad ki la ïaroh ïa ka jingkhraw U Blei jong ka bneng.

JINGPYNPAW 14:4

Ki long ki rangbah kiba la ri khuid ïa lade khlem ïathiah shongkha bad ki kynthei; ki long ki rangsotti. Ki bud ïa U Khunlangbrot kat shaba u leit. La siewspah ïa ki napdeng u khunbynriew bad ki long kiba nyngkong ïa kiba la ainguh ha U Blei bad ha u Khunlangbrot.

JINGPYNPAW 19:14

Ki kynhun shipai ka bneng ki la bud ïa u, ki da shong halor ki kulai balieh bad ki la riam da ki jaiñ linen balieh bad bakhuid.

JINGPYNPAW 19:8

La ai ha ka ïa ka jaiñ linen baphyrnai kaba khuid ban phong.” (Ka jaiñ linen ka long ki kam babha jong ki briew jong U Blei.)

JINGPYNPAW 3:18

Te nga ai jingmut ïa pha ban thied ksiar na nga, ka ksiar banylla, khnang ba phan riewspah. Thied ruh ïa ki jaiñkup balieh ban kup ïa lade bad ban tap ïa ka jinglyngkhuit bakhlemrain jong pha. Thied ruh katto katne ka jingtah ban tah ha ki khmat jong pha, khnang ba pha lah ban ïohi.

JINGPYNPAW 3:5

Ïa kito kiba ïoh ka jingjop yn pynkup ïa ki kumne ha ki jaiñkup balieh, bad ngan ym weng noh ïa ki kyrteng jong ki na ka kitab jong kiba im. Ha ka jingdon ryngkat jong U Kpa jong nga bad ki angel jong u, ngan pynbna paidbah ba ki long ki jong nga.

JINGPYNPAW 4:4

Sawdong ïa ka khet, la don arphew saw tylli kiwei pat ki khet, ha kaba la shong arphew saw ngut ki nongsharai balang kiba la riam da kaba lieh bad phong ki pansngiat ksiar.

JINGPYNPAW 6:11

Ha uwei pa uwei na ki la ai ïa ka jaiñkup balieh, bad la ong ïa ki ba kin shongthait sa shipor, tad ynda la dep kheiñ lut ïa ki para shakri bad parabangeit kiba la shah pynïap, kumba la leh ïa ki.

JINGPYNPAW 7:9

Hadien kane nga la khmih, bad la don u paidbah byllien — ym don mano mano ba lah ban ñiew ïa kita ki briew baroh! Ki la long na man ki kynja bynriew, ki jaitbynriew, ki hima, bad ki jait ktien, bad ki la ïeng ha khmat ka khet bad ha khmat uta U Khunlangbrot, kiba la riam ha ki jaiñ balieh bad ki bat ïa ki tnat dieng Tlai ha la ki kti.