JINGPYNPAW 3:3 - Khasi CL Bible (BSI)

³ Kynmaw te, ïa kaei kaba la hikai ïa pha bad ïa kaei kaba pha la ïohsngew; kohnguh ïa kata bad phai noh na ki pop jong pha. Lada pham kyndit bynriew noh, ngan wan ha pha kum u nongtuh, bad phan ym lah wat ban tip ïa ka por lano ngan wan.

KA BAIBL

³ To kynmaw, namar kata, kumno pha la pdiang bad pha la ïohsngew, bad to ri skhem ïa ka, bad to kylla-ka-bamut. Namar kata, lada pham sharai, ngan wan kum u nongtuh keiñ, te phan ym ïoh tip ha kano ka por ngan wan ha pha.

JINGPYNPAW 3:3 ပူးပေါင်းရင်းမြစ်များ

ESEKIEL 20:43

Te phin kynmaw ïa baroh kiei kiei kiba jahburom kiba phi la leh bad kumno phi la pyntngit ïa lade. Phin sa isih ïa lade namar kiei kiei kiba sniew baroh kiba phi la leh.

ESEKIEL 36:31

Phin sa kynmaw ïa ki jingleh bymman jong phi bad ïa ki jingbakla ba phi la leh, bad phin sa isih ïa lade namar ki pop jong phi bad ki jingleh palat jong phi.

MATHAÏOS 25:13

Bad U Jisu u la pynkut, “To sumar bha, te, namar ba phim tip ïa ka sngi lane ïa ka kynta.”

MARKOS 13:33

Sumar bha bad peitngor, namar phim tip lano kata ka por kan wan.

MARKOS 13:36

Lada un wan kynsan kynsan, um dei ban shem ïa phi ba phi ïohthiah.

1 THESSALONI 5:2

Naba phi hi da lade phi tip bha ba ka Sngi jong U Trai kan wan kum u nongtuh mynmiet.

1 TIMOTHI 6:20

Ko Timothi, to ri kyndong ïa kata kaba la aiti ha me ban sumar. To kiar na ka jingkren thala bad ki jingïasaid nia bieit ïa kaei kaba katto katne ngut ki briew ki khot bakla “Ka Jingtip.”

2 TIMOTHI 1:13

To batskhem ïa ki ktien bashisha kiba nga la hikai ïa me, kum ka nuksa ïa me ban bud, bad ban ïaisah ha ka jingngeit bad ka jingieit kiba long ki jong ngi ha U Khrist Jisu.

HEBRU 2:1

Namar kata ngi dei ban kham batskhem ïa kita ki jingshisha ïa kiba ngi la ïohsngew, kumta ba ngin ym shah rong noh.

2 PETROS 1:13

Nga pyrkhat ïa kane ba ka long kaba dei ïa nga ban pynkhih ïa ka jingkynmaw jong phi ïa kine kiei kiei katba nga dang im.

2 PETROS 3:1

Ko ki paralok ba-ieit jong nga, kane mynta ka long ka shithi kaba ar ba nga thoh sha phi. Ha baroh ar tylli ki shithi nga la pyrshang ban pynkhih ïa ki jingpyrkhat bakhuid ha ki jingmut jong phi da kaba pynkynmaw ïa phi ïa kine kiei kiei.

2 PETROS 3:10

Hynrei ka Sngi jong U Trai kan wan kum u nongtuh. Ha kata ka Sngi, ki bneng kin jah noh lem bad ka jingsawa kaba jam, ki metbneng kin ing duh bad yn pynjot, bad ka pyrthei lem bad kiei kiei baroh kiba don ha ka kin jah rngai.

JINGPYNPAW 16:15

“To shahshkor! Nga wan kum u nongtuh! Suk uta uba peitmat bad uba sumar ïa la ki jaiñkup, khnang ba un ym ïaid lyngkhuit kylleng bad shah pynlehrain ha khmat ki briew!”

JINGPYNPAW 2:25

Hynrei tad ynda ngan wan, pha dei ban batskhem ïa kaei kaba pha don.

JINGPYNPAW 2:5

Pyrkhat katno jngai pha la hap! Phai noh na ki pop jong pha bad leh ïa kaei kaba pha la leh ha kaba mynnyngkong. Lada pham phai noh na ki pop jong pha, ngan wan sha pha bad ngan shim noh ïa u diengpynïeng sharak na ka jaka jong u.

JINGPYNPAW 22:7

“Shahshkor!” ong U Jisu. “Nga wan kloi! Suk kito kiba kohnguh ïa ki ktien ïathuhlypa kiba hapoh kane ka kitab!”

JINGPYNPAW 3:11

Ngan wan kloi. Sumar kyndong ïa kaei kaba pha don, khnang ba yn ym don uno uno u ban lute na pha ïa ka bainong jong ka jingjop.

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.

JINGPYNPAW 3:2

Kumta kyndit bynriew noh, bad pynkhlaiñ ïa kaei kaba pha dang don ha shuwa ba kan jah noh khoit. Naba nga shem ba kaei kaba pha la leh kam long kaba janai ha khmat jong U Blei jong nga.