JINGPYNPAW 3:2 - Khasi CL Bible (BSI)

² Kumta kyndit bynriew noh, bad pynkhlaiñ ïa kaei kaba pha dang don ha shuwa ba kan jah noh khoit. Naba nga shem ba kaei kaba pha la leh kam long kaba janai ha khmat jong U Blei jong nga.

KA BAIBL

² To long pha kaba sharai, bad to pynskhem ïa kita kiei kiei ruh kiba sah, ki ban sa ïap noh: namar ngam shym shem ïa kita ki jingleh jong pha kiba la dap janai ha khmat U Blei jong nga.

JINGPYNPAW 3:2 ပူးပေါင်းရင်းမြစ်များ

1 SYIEM 11:4

Ki la pynlong ïa u ban phai dien noh na U Blei, bad kat haduh ba un da tymmen ki la ïalam noh ïa u ban mane ïa ki blei nongwei. Um shym la ngeit hok shuh ïa U Trai U Blei jong u, kumba u Dabid u kpa jong u, u la long.

1 SYIEM 15:3

U la leh ïa kijuh ki pop kum u kpa jong u bad um shym la ïaineh ha U Trai U Blei jong u, kumba ïaineh u Dabid u kpa tymmen jong u.

2 KHRONIKL 25:2

U la leh ïa kaei kaba pynsngewbha ïa U Trai, hynrei u leh ïa kata da ka jingbymmon.

Ka Kitab U Job 16:5

Nga lah ban pynkhlaiñ ïa phi da ki jingai jingmut bad ngan ïai kren ban pyntngen ïa phi.

ISAÏAH 35:3

Kin ai ka jingkhlaiñ ïa ki kti kiba la thait bad ïa ki khohsiew bakyiuh da ka jingtlot.

ISAÏAH 56:10

U ong, “Baroh ki nongïalam, kiba dei ban maham ïa ki briew jong nga, ki long kiba matlah! Kim tip ei ei. Ki long kum ki 'sew-ap ki bym ju wiar — ki shu thiah bad phohsniew. Katno ki sngewtynnat ban thiah!

ISAÏAH 57:12

Phi pyrkhat ba kaei kaba phi leh ka long kaba dei, hynrei ngan pynpaw ïa ki jingleh jong phi, bad ki bleithaw jong phi kin ym lah ban ïarap ei ei ïa phi.

ESEKIEL 34:16

“Ngan wad ïa kito kiba la jah, ngan wallam pat ïa kito kiba la sakma, ngan sop spaiñ ïa kito kiba la mong, bad ngan pynkhiah ïa kito kiba pang, hynrei ïa kito kiba sngaid bad kiba khlaiñ ngan sa pynjot, namar nga long u nongaplangbrot uba leh ïa kaei kaba dei.

DANIEL 5:27

Ka jingthew, ïa phi la thew ha ki tarajur bad la shem ba phi duna palat;

SEKHARAÏAH 11:16

Nga la buh u nongaplangbrot ban khmih ïa ka kynhun langbrot jong nga, hynrei um shym la ïarap ïa ki langbrot kiba la shah byrngem da ka jingpynjot; lymne ba u leit wad ïa kaba la jah noh, lane pynkhiah ïa kito kiba la mynsaw, lane bsa ïa kiba khiah. Pynban u bam ïa ka doh jong ki langbrot kiba sngaid bad u weng noh ïa ki khnap jong ki.

MATHAÏOS 23:5

Ki leh ïa kiei kiei baroh khnang ba ki briew kin ïohi ïa ki. Peit ïa ki jingteh 'sai snieh kiba don ki jingthoh bakhuid ïa kiba ki teh ha ki shyllangmat bad ki ksang'ti jong ki, bad khmih haduh katno ki long kiba heh! Khmih ruh katno kiba jrong ki ksai jyrthiaw ha ki jaiñkup jong ki!

MATHAÏOS 25:13

Bad U Jisu u la pynkut, “To sumar bha, te, namar ba phim tip ïa ka sngi lane ïa ka kynta.”

MATHAÏOS 25:7

Ki shiphew ngut ki theisotti ki la khie joit bad ki la pynkhreh ïa la ki sharak.

KI KAM 18:23

Hadien ba u la pynlut katto katne por hangta, u la mihnoh bad u la leit lyngba ka thain jong ka Galatia bad Phrygia, da kaba pynkhlaiñ ïa ki parabangeit baroh.

DEUTERONOMI 3:28

Hukum ïa u Joshua, bad pynshlur ïa u, naba un ïalam ïa u paidbah shatai sha shiliang ban ïohkynti ïa kata ka ri kaba me ïohi.’

1 PETROS 4:7

Kaba kut jong kiei kiei baroh ka la jan. Phi dei ban long kiba lah ban synshar ïa lade bad kiba sharai, ban lah ban duwai.

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

JINGPYNPAW 16:15

“To shahshkor! Nga wan kum u nongtuh! Suk uta uba peitmat bad uba sumar ïa la ki jaiñkup, khnang ba un ym ïaid lyngkhuit kylleng bad shah pynlehrain ha khmat ki briew!”

JINGPYNPAW 2:4

Hynrei kane ka long kaei kaba nga don pyrshah ïa pha: Pham ieit ïa nga mynta kumba pha la leh ha kaba nyngkong.

JINGPYNPAW 3:1

“Thoh ha u angel jong ka balang ha Sardis: “Kane ka long ka khubor na uta uba don ki hynñiew ki mynsiem jong U Blei bad ki hynñiew ki khlur. Nga tip ïa kaei kaba pha leh; nga tip ba pha don ka nam babha ba pha long kaba im, wat la pha la ïap!

JINGPYNPAW 3:3

Kynmaw te, ïa kaei kaba la hikai ïa pha bad ïa kaei kaba pha la ïohsngew; kohnguh ïa kata bad phai noh na ki pop jong pha. Lada pham kyndit bynriew noh, ngan wan ha pha kum u nongtuh, bad phan ym lah wat ban tip ïa ka por lano ngan wan.