JINGPYNPAW 3:19 - Khasi CL Bible (BSI)

¹⁹ Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.

KA BAIBL

¹⁹ Kat ïa kiba nga ieit, nga sneng bad nga sympat; to sngewshitrhem namar kata, bad to kylla-ka-bamut.

JINGPYNPAW 3:19 ပူးပေါင်းရင်းမြစ်များ

2 SAMUEL 7:14

Ngan long u kpa jong u, bad u, un long u khun jong nga. Haba u leh bakla, ngan sneng sympat ïa u kumba u kpa u sneng sympat ïa la u khun.

Ka Kitab U Job 5:17

Suk uta u briew ïa uba U Blei u pynbeit! Wat ïeng pyrshah haba u sneng ïa me.

SALM 39:11

Me pynshitom ïa ki pop u briew da ki jingsneng sympat jong me, bad kum u khñiang me pynjot ïa kaei kaba u ieit. Da shisha u briew um don shuh hynrei tang ka jingpyrsad ka lyer.

SALM 6:1

A Trai, wat bitar bad dumok ïa nga! wat pynshitom ïa nga ha ka jingbitar jong me!

SALM 69:9

Ka jingsngewieit jong nga ïa ka Templ jong me ka pluh hapoh jong nga kum ka ding; ki jingrkhiebeiñ kiba la shat ha me ki wan hap ha nga.

SALM 94:10

U mai ïa ki jaitbynriew — hato un ym pynshitom ïa ki? U long u nonghikai jong ngi baroh — hato un ym don jingtip ei ei?

PROBERB 15:10

Lada phi leh ïa kaei ka bymdei, yn pynshitom sat ïa phi; phin ïap lada phim ailad ban pynbeit ïa phi.

PROBERB 15:32

Lada phi kyntait ban shah hikai, phi ñiewbeiñ ïa lade. Lada phi pdiang ïa ka jingpynbeit, phin long kiba kham stad.

PROBERB 22:15

Ki khynnah na la ka tynrai ki leh kiei kiei kiba ibieit, khlem sumar, hynrei ka jingsneng sympat kaba bha ka hikai ïa ki kumno ban long.

ISAÏAH 26:16

Me pynshitom ïa la ki briew, A Trai bad ha ka jinglyng-a ki duwai ha me.

JEREMAÏAH 10:24

Pynbeit ïa ki briew jong me, A Trai; hynrei wat leh tyngeh halor jong ngi lane pynshitom ïa ngi haba me bitar; kata ka lah ban long ka jingkut jong ngi.

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 30:11

Ngan wan sha phi bad pyllait im ïa phi. Ngan pynjot ïa ki jaitbynriew baroh sha kiba nga la pynsakma ïa phi, hynrei ngan ym pynjot ïa phi. Ngan ym shah ïa phi ban leit khlem shah pynshitom; hynrei haba nga pynshitom ïa phi, ngan long u bym leh shiliang. Ma nga, U Trai, nga la kren.”

JEREMAÏAH 31:18

“Nga ïohsngew ïa ki paid Israel ba ki ong ha ka jingsngewsih, ‘A Trai, ngi la long kum u mrad uba khlem shah hikai, hynrei me la hikai ïa ngi ban kohnguh. To wallam pat ïa ngi; ngi long kiba la kloi ban wan phai pat sha me, U Trai U Blei jong ngi.

JEREMAÏAH 7:28

Men ïathuh ïa ki ba ka jaitbynriew jong ki kam shym kohnguh ïa nga, U Trai U Blei jong ki, lane ïoh jinghikai na ki jingpynshitom jong ki. Ka jingïaineh ka la ïap. Ym shym la ïakren shuh shaphang jong ka.”

SEPHANAÏAH 3:2

Kam shym la pynshahshkor ïa U Trai lane pdiang ïa ka jingsneng pynbeit jong u. Kam shym la buh ïa la ka jingshaniah ha U Trai lane kyrpad ïa ka jingïarap jong u.

MATHAÏOS 25:7

Ki shiphew ngut ki theisotti ki la khie joit bad ki la pynkhreh ïa la ki sharak.

ÏOANNIS 2:17

Ki synran jong u ki la kynmaw ba ka Jingthoh Bakhuid ka ong, “Ka jingsngew shitrhem jong nga ïa ka ïing jong me, a Blei, ka ing hapoh jong nga kum ka ding.”

Ka Shithi U Paul Sha Ki Nong Rom 12:11

To trei shitom bad wat long kiba alhia. To shakri ïa U Trai da ka dohnud kaba aiti lut.

1 KORINTH 11:32

Hynrei la bishar bad la pynshitom ïa ngi da U Trai, khnang ba yn ym pynrem ïa ngi lem bad ka pyrthei.

2 KORINTH 6:9

kumba ym don ba la ithuh, pynban la ithuh ïa ngi da baroh; la kum kiba la ïap, hynrei, kumba phi ïohi, ngi dang ïai im.

2 KORINTH 7:11

Phi ïohi aïu U Blei u la leh lyngba kane ka jingsngewsih jong phi: Katno ka la pynlong smat ïa phi. Katno phi kwah ban pynshisha ïa ka jinglong balui lui jong phi! Kaba haduh katno ka jingsngew bitar, ka jingpeit pyrman halor kaba la jia, bad phi la sngew ka jingsngew, ka jingaiti, ka jinglong ba la kloi ban pynshitom ïa ka jingleh bakla! Phi la pynpaw ïa lade kiba khlem bakla ha kane ka kam baroh.

GALATIA 4:18

Mynta, ka long kaba bha ban don kum kata ka jingsngewtynnat kaba khraw lada ka jingthmu ka long kaba bha — kane ka long kaba shisha borabor, bad ym dei tang haba nga don ryngkat bad phi.

DEUTERONOMI 8:5

Kynmaw ba kumba u kpa u sneng pynbeit ïa la u khun, kumta ruh U Trai U Blei jong phi u sneng pynbeit ïa phi.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

JINGPYNPAW 2:5

Pyrkhat katno jngai pha la hap! Phai noh na ki pop jong pha bad leh ïa kaei kaba pha la leh ha kaba mynnyngkong. Lada pham phai noh na ki pop jong pha, ngan wan sha pha bad ngan shim noh ïa u diengpynïeng sharak na ka jaka jong u.