JINGPYNPAW 3:18 - Khasi CL Bible (BSI)

¹⁸ Te nga ai jingmut ïa pha ban thied ksiar na nga, ka ksiar banylla, khnang ba phan riewspah. Thied ruh ïa ki jaiñkup balieh ban kup ïa lade bad ban tap ïa ka jinglyngkhuit bakhlemrain jong pha. Thied ruh katto katne ka jingtah ban tah ha ki khmat jong pha, khnang ba pha lah ban ïohi.

KA BAIBL

¹⁸ Nga pyni buit ha pha ba phan thied na nga ïa ka ksiar ba la phrang ha ka ding, ba phan da ïoh man spah; bad ïa ki jaiñkup balieh, ba phan ïoh kup ïa lade, bad ba kan ym paw kata ka jinglehrain ka jinglyngkhuit jong pha; bad ïa ka jingsleh khmat ban kyllan ïa ki khmat jong pha, ba phan ïohi.

JINGPYNPAW 3:18 ပူးပေါင်းရင်းမြစ်များ

SALM 107:11

namar ki la ïaleh pyrshah ïa ki hukum jong U Blei Badonbor Baroh bad ki la kyntait ïa ki jingbthah jong u.

SALM 16:7

Nga ïaroh ïa U Trai, namar ba u kdew lynti ïa nga, bad mynmiet ka jingïatiplem jong nga ka maham ïa nga.

SALM 32:8

U Trai u ong, “Ngan hikai ïa me ïa ka lynti ha kaba me dei ban leit; ngan hikai ïa me bad ai jingmut ïa me.

SALM 73:24

Me kdew lynti ïa nga da ka jingbthah jong me bad ha kaba kut men pdiang ïa nga da kaba donburom.

PROBERB 1:25

Phi la ñiewbeiñ ïa ka jingai jingmut jong nga baroh, bad phim mon ba ngan pynbeit ïa phi.

PROBERB 1:30

Phim ju kwah ïa ka jingai jingmut lem jong nga lane shahshkor haba nga pynbeit ïa phi.

PROBERB 19:20

Lada phi shahshkor ïa ka jingai jingmut bad phi kloi ban shah hikai, ha kawei ka sngi phin long uba stad.

PROBERB 23:23

Ka jingshisha, ka jingstad, ka jingtip bad ka jingshemphang — kine ki long kiba kordor ba phin siew, hynrei kiba shongdor rem ïa phi ban die.

EKLESIASTIS 8:2

Leh ïa kaei kaba u syiem u ong, bad wat pynlong kano kano ka jingkular ha U Blei khlem da pyrkhat bha.

ISAÏAH 47:3

Ki briew kin ïohi ba pha long kaba lyngkhuit; kin ïohi ba la pynrit bad pynlehrain ïa pha. Ngan pynhiarkput, bad yn ym don ba lah ban pynsangeh ïa nga.”

ISAÏAH 55:1

U Trai u ong, “To wan, phi kiba sliang — hangne ka don ka um! To wan, phi ki bym don pisa — thied ïa u kew bad bam! To wan! Thied ïa ka waiñ bad ka dud — phin ym hap siew ei ei!

JEREMAÏAH 13:26

U Trai hi un sloit ïa ki jaiñ jong pha bad un pynpaw ïa pha ha ka jinglehrain.

DANIEL 12:2

Bun na kito kiba la lah ïap kin im pat: Katto katne kin ïoh ka jingim bymjukut, bad katto katne kin shah ka jingjahburom bymjukut.

MIKAH 1:11

Phi ki briew ka Shaphir, leit shah ringmraw, ha ka jinglyngkhuit bad jinglehrain. Kito kiba shong ha Saanan kim nud ban mih shabar na ka nongbah jong ki. Haba phi ïohsngew ïa ki briew jong ka Bethesel ki ïambriew, phin tip ba ym don jakarieh hangta.

NAHUM 3:5

U Trai Badonbor Baroh u ong, “Ngan pynshitom ïa pha, ko Ninebeh! ngan sloit lyngkhuit ïa pha bad ngan shah ïa ki jaitbynriew ban ïohi ïa pha, ban ïohi ïa pha ha ka jinglehrain jong pha baroh.

MALAKHI 3:3

Un wan ban bishar kum uwei uba phrang bad pynkhuid ïa ka rupa. Kumba u nongtrei nar u phrang ïa ka rupa bad ka ksiar, kumta u nonglamktien jong U Trai un pynkhuid ïa ki lyngdoh, khnang ba kin wallam sha U Trai da ki jingainguh kiba dei.

MATHAÏOS 13:44

“Ka Hima ki bneng ka long kumne. U briew ryngkhat u shem ïa ka jingkynshew ba la buhrieh hapoh ka lyngkha. U tap pat ïa ka, bad u kmen haduh katta katta ba u leit bad die ïa kiei kiei baroh kiba u la don, bad nangta u leit pat bad thied ïa kata ka lyngkha.

MATHAÏOS 25:9

‘Em,’ kiba stad ki la jubab, ‘kam don shibun ban dap ïa phi bad ïa ngi ruh. Khie leit sha dukan bad thied khyndiat na ka bynta ïa lade.’

LOUKAS 12:21

Bad U Jisu u la pynkut, “Kane ka long kumno kan jia ha kito kiba kynton ka spah na ka bynta ïa lade hynrei ki bym riewspah ha ka jingkhmih jong U Blei.”

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

1 TIMOTHI 6:18

To hukum ïa ki ba kin leh ïa kaba bha, ban man kyrhai ha ki kam babha, ban long kiba sbun bad kiba kloi ban ïasam bad kiwei.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.

JINGPYNPAW 16:15

“To shahshkor! Nga wan kum u nongtuh! Suk uta uba peitmat bad uba sumar ïa la ki jaiñkup, khnang ba un ym ïaid lyngkhuit kylleng bad shah pynlehrain ha khmat ki briew!”

JINGPYNPAW 19:8

La ai ha ka ïa ka jaiñ linen baphyrnai kaba khuid ban phong.” (Ka jaiñ linen ka long ki kam babha jong ki briew jong U Blei.)

JINGPYNPAW 2:9

Nga tip ïa ki jingjynjar jong pha; nga tip ba pha long kaba duk — hynrei da shisha pha long kaba riewspah! Nga tip ïa kiei kiei kiba sniew ba la kren pyrshah ïa pha da kito kiba kam ba ki long ki Jiw hynrei kim dei; ki long ka kynhun kaba dei ka jong u Soitan!

JINGPYNPAW 3:17

Pha ong, ‘Nga long kaba riewspah bad kaba dap babiang; nga don baroh kaba nga donkam.’ Hynrei pham tip haduh katno pha long kaba lanot bad kaba isynei ban khmih! Pha long kaba duk, kaba lyngkhuit, bad kaba matlah.

JINGPYNPAW 4:4

Sawdong ïa ka khet, la don arphew saw tylli kiwei pat ki khet, ha kaba la shong arphew saw ngut ki nongsharai balang kiba la riam da kaba lieh bad phong ki pansngiat ksiar.

JINGPYNPAW 7:13

Te uwei na kita ki nongsharai balang u la kylli ïa nga, “Kiei kine ki briew kiba la phong da ki jaiñ balieh, bad nangno ki wan?”