JINGPYNPAW 3:17 - Khasi CL Bible (BSI)

¹⁷ Pha ong, ‘Nga long kaba riewspah bad kaba dap babiang; nga don baroh kaba nga donkam.’ Hynrei pham tip haduh katno pha long kaba lanot bad kaba isynei ban khmih! Pha long kaba duk, kaba lyngkhuit, bad kaba matlah.

KA BAIBL

¹⁷ Naba pha ong, “Nga kaba riewbha, bad nga la pynman spah, te ngam don ka jingkyrduh ei ei ruh em,” bad pham tip ba ma pha hi pha long kata kaba lanot khop, bad kaba jynjar sat, bad ka baduk, bad ka bamatlah, bad ka balyngkhuit.

JINGPYNPAW 3:17 ပူးပေါင်းရင်းမြစ်များ

JENESIS 3:7

Mar kumta hi hadien ba ki lah bam ïa u, la ai ha ki ka jingsngewthuh bad ki la sngewthuh ba ki long lyngkhuit; kumta ki la suh lang ïa ki sla dieng Dumbur ban da ïa lade.

EKSODOS 32:35

Kumta U Trai u la phah ïa ka jingpang ha kita ki briew, namar ba ki la pynlong ïa u Aaron ban thaw ïa u khun masi ksiar.

PROBERB 13:7

Don ki briew kiba leh riewspah, hynrei kim don ei ei. Kiwei ki leh duk, hynrei ki don ka spah bah.

PROBERB 30:9

Lada nga ïoh palat, nga lah ban ong ba ngam donkam ïa me. Hynrei lada nga kyrduh pat, nga lah ban tuh bad pynjahburom ïa U Blei jong nga.

ISAÏAH 42:19

Hato don uno uno uba kham matlah ban ïa u shakri jong nga, uba kham kyllut ban ïa u nonglamktien ba nga phah?

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

HOSIA 12:8

‘Ngi long kiba riewspah’ ki ong. ‘Ngi lah lum kyrhai ka spah. Bad ym don uwei ruh ban mudui ïa ngi ba ngi ïoh spah da ka lynti bymhok.’

SEKHARAÏAH 11:5

Ki trai jong ki, ki pynïap ïa ki bad ki lait na ka jingshah pynshitom. Ki die ïa ka doh bad ki ong, ‘To ïaroh ïa U Trai! Ngi la riewspah!’ Wat ki nongaplangbrot jong ki hi kim don jingisynei ïa ki.”

MATHAÏOS 5:3

“Suk kito kiba tip ba ki long kiba duk ha kaba kynja mynsiem; ka Hima ki bneng ka long ka jong ki!

MATHAÏOS 9:12

U Jisu u la ïohsngew ïa ki bad u la jubab, “Ki briew kiba koit bakhiah kim donkam ïa u nongsumar, hynrei tang kito kiba pang.

LOUKAS 1:53

U la pyndap ïa kiba thngan da kiei kiei kiba bha, bad u la phah noh thylli ïa kiba riewspah.

LOUKAS 6:24

“Hynrei katno kaba shyrkhei ïa phi kiba riewspah mynta; phi la lah ïoh ïa ka jingim suk!

Ka Shithi U Paul Sha Ki Nong Rom 11:20

Kata ka long kaba shisha. Ïa ki la pynkheiñ noh namar kim shym la ngeit, katba phi sah ha la ka jaka namar ba phi ngeit. Hynrei wat sngewsarong na ka bynta kata; pynban, to sheptieng.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

Ka Shithi U Paul Sha Ki Nong Rom 12:3

Bad namar ka jingaiei U Blei ïa nga, nga ong ïa uwei pa uwei na phi: To wat ñiewkor palat than ïa lade ban ïa kaba phi dei ban leh. Pynban, to long adkar ha ki jingmut jingpyrkhat jong phi, bad to bishar ïa lade kat kum ka jingngeit kaba U Blei u la ai ha phi.

Ka Shithi U Paul Sha Ki Nong Rom 7:24

A katno nga long u briew u bym don jingsuk! Uei u ban pyllait noh ïa nga na kane ka met kaba ïalam ïa nga sha ka jingïap?

2 PETROS 1:9

Hynrei uno uno u bym don ïa kine, u long u bym ïohi jngai ba um lah ban ïohi bad u la klet ba ïa u la pynkhuid na ki pop jong u kiba mynshuwa.

JINGPYNPAW 16:15

“To shahshkor! Nga wan kum u nongtuh! Suk uta uba peitmat bad uba sumar ïa la ki jaiñkup, khnang ba un ym ïaid lyngkhuit kylleng bad shah pynlehrain ha khmat ki briew!”

JINGPYNPAW 2:9

Nga tip ïa ki jingjynjar jong pha; nga tip ba pha long kaba duk — hynrei da shisha pha long kaba riewspah! Nga tip ïa kiei kiei kiba sniew ba la kren pyrshah ïa pha da kito kiba kam ba ki long ki Jiw hynrei kim dei; ki long ka kynhun kaba dei ka jong u Soitan!

JINGPYNPAW 3:16

Hynrei namar ba pha long kaba blem blem, ka bym shit lymne khriat, ngan prie noh ïa pha na ka shyntur jong nga!