JINGPYNPAW 3:14 - Khasi CL Bible (BSI)

¹⁴ “Thoh ha u angel jong ka balang ha Laodikaïa: “Kane ka long ka khubor na U Amen, uba ïaineh bad u sakhi bashisha, uba long u jingsdang jong baroh kaba U Blei u la thaw.

KA BAIBL

¹⁴ “Bad ha uta u angel jong ka balang ha Laodikaïa to thoh: Ïa kine kiei kiei ruh u ong U Amen, U Nongphla U Baïaineh bad U Bashisha, ka jingsdang ka jingpynlong jong U Blei:

JINGPYNPAW 3:14 ပူးပေါင်းရင်းမြစ်များ

JENESIS 49:3

“Reuben, khun phrangsngi jong nga, Me long ka jingkhlaiñ jong nga, U soh nyngkong ka jinglong rangbah jong nga, Uba sarong tam bad uba khlaiñ tam Na ki khun jong nga baroh.

PROBERB 14:5

U sakhi uba lah ban shaniah, borabor u ïathuh ïa ka jingshisha, hynrei u bym lah ban shaniah, u ïathuh tang ïa kaba lamler.

PROBERB 8:22

“U Trai u la thaw nyngkong eh ïa nga, kaba nyngkong eh na ki kam jong u, la slem bah.

ISAÏAH 55:4

Nga la pynlong ïa u, u nongïalam bad u nongai hukum ïa ki jaitbynriew; bad lyngba jong u nga la pyn-i ha ki ïa ka bor jong nga.

ISAÏAH 65:16

Te uno uno uba ha ka ri uba pan ïa ka jingkyrkhu, un pan ban ïoh jingkyrkhu na U Blei uba ïaineh. Uno uno uba shim smai un smai ha ka kyrteng U Blei uba ïaineh; Ki jingjynjar kiba mynshuwa kin leit noh bad yn klet noh.”

JEREMAÏAH 42:5

Nangta ki la ong ïa nga, “To ai ba U Trai un long u sakhi bashisha bad bahok pyrshah ïa ngi lada ngim kohnguh ïa ki hukum baroh kiba U Trai U Blei jong ngi u ai ha phi na ka bynta jong ngi.

ÏOANNIS 1:3

Da u, la thaw ïa kiei kiei baroh; ym don kawei ruh na ka jingpynlong baroh kaba la thaw khlem ma u.

ÏOANNIS 8:14

“Em” U Jisu u la jubab, “wat la nga phla da lade na ka bynta ïa lade, kaei kaba nga ong ka long kaba shisha, namar nga tip nangno ba nga la wan bad shano ba ngan leit. Phim tip nangno nga la wan ne shano ba ngan sa leit.

2 KORINTH 1:20

Dei namar kane lyngba U Jisu Khrist ba ngi ïa-ong “Amen” na ka bynta ka burom U Blei.

DEUTERONOMI 21:17

U dei ban ai ar bynta na ka spah ka phew jong u ha la u khun nyngkong, wat la um dei u khun na ka tnga ba u kham ieit. U dei ban ai ha la u khun nyngkong ïa ka hok kaba u dei ban ïoh.

KOLOSSAI 1:15

U Khrist u long ka dur bapaw jong U Blei u bym lah ban ïohi. U long U Khun ba la kha nyngkong, uba hakhlieh duh jong kiei kiei baroh kiba la thaw.

KOLOSSAI 1:18

U long u khlieh jong ka balang kaba long ka met jong u; u long u tynrai jong ka jingim jong ka. U long U Khun uba la kha nyngkong, ïa uba la pynmihpat na ka jingïap, khnang ba tang ma u hi un ïoh ïa ka bynta kaba nyngkong ha kiei kiei baroh.

KOLOSSAI 2:1

To shah ngan ïathuh ïa phi haduh katno nga la trei shitom na ka bynta jong phi, bad na ka bynta ki briew ha Laodikaïa bad na ka bynta kiwei pat baroh ki bym ithuh ïa nga markhmat.

KOLOSSAI 4:16

Hadien ba phi pule ïa kane ka shithi, pynthikna ba la pule ruh ïa ka ha ka balang ha Laodikaïa. Ha kajuh ka por, phi dei ban pule ïa ka shithi kaba ki parabangeit ha Laodikaïa kin phah sha phi.

JINGPYNPAW 1:11

Ka la ong, “Thoh ïa kaei kaba me ïohi, bad phah ïa ka kitab sha ki balang ha kine ki hynñiew tylli ki nongbah: ka Ephesos, ka Smyrna, ka Pergamum, ka Thiatira, ka Sardis, ka Philadelphia, bad ka Laodikaïa.”

JINGPYNPAW 1:5

bad na U Jisu Khrist, u sakhi baïaineh, uba nyngkong ïa uba la pynmih na ka jingïap bad uba long ruh u nongsynshar jong ki syiem jong ka pyrthei. U ieit ïa ngi, bad da ka jingïap ba aiti lut jong u, u la pyllait ïa ngi na ki pop

JINGPYNPAW 19:11

Nangta nga la ïohi ïa ka bneng ba plie, bad la don u kulai uba lieh. Ïa u nongshong ha u la khot Uba Ïaineh bad Uba Shisha; ka long da ka jinglehhok ba u bishar bad u ïaleh ïa ki jingïaleh thma jong u.

JINGPYNPAW 2:1

“Thoh sha u angel jong ka Balang ha Ephesos: “Kane ka long ka khubor na uta uba bat ïa ki hynñiew tylli ki khlur ha ka kti kamon jong u bad uba ïaid hapdeng ki hynñiew tylli ki diengpynïeng sharak ksiar.

JINGPYNPAW 21:6

Bad u la ong, “La pyndep! Nga long uba nyngkong bad uba khatduh, uba sdang bad uba kut. Ha uno uno uba sliang ngan ai ïa ka hok ban dih na ka umpohliew jong ka um ka jingim khlem da siewdor ïa ka.

JINGPYNPAW 22:13

Nga long uba nyngkong bad uba khatduh, uba sdang bad uba kut.”

JINGPYNPAW 22:6

Nangta u angel u la ong ha nga, “Kine ki ktien ki long kiba shisha bad kiba lah ban shaniah. Bad U Trai uba U Blei, uba ai ïa U Mynsiem jong u ha ki nongïathuhlypa, u la phah ïa u angel jong u ban pyn-i ha ki shakri jong u ïa kaei kaba dei ban jia shen.”

JINGPYNPAW 3:7

“Thoh ha u angel jong ka balang ha Philadelphia: “Kane ka long ka khubor na uta uba khuid bad uba shisha. U don u shabi jong u Dabid, bad haba u plie ïa ka jingkhang, ym don uba lah ban khang ïa ka, bad haba u khang ïa ka, yn ym don uba lah ban plie ïa ka.