JINGPYNPAW 3:12 - Khasi CL Bible (BSI)

¹² Ngan pynlong ïa uta uba jop, u rijied ha ka Templ jong U Blei jong nga, bad un ïailong hangta. Ngan thoh halor jong u ïa ka kyrteng U Blei jong nga bad ka kyrteng jong ka nongbah jong U Blei jong nga, ka Jerusalem bathymmai, ka ban wan hiar na bneng na U Blei jong nga. Ngan thoh ruh halor jong u ïa ka kyrteng bathymmai jong nga.

KA BAIBL

¹² Uta uba jop, ngan pynlong u rijied ïa u ha ka ïing U Blei jong nga, te un ym mih noh shuh shabar: bad ngan thoh halor jong u ïa ka kyrteng U Blei jong nga, bad ïa ka kyrteng jong kata ka nongbah U Blei jong nga, ka Jerusalem bathymmai, kaba wan hiar na bneng na U Blei jong nga, bad ïa kata ka kyrteng jong nga ka bathymmai.

JINGPYNPAW 3:12 ပူးပေါင်းရင်းမြစ်များ

1 SYIEM 7:21

U Huram u shna ïa ki ar tylli ki rishot rnong ha khmat ka jingkhang jong ka Templ: ïa uwei uba shaphang shathie la ai kyrteng u Jakhin; bad ïa uwei uba shaphang shatei la ai kyrteng u Boas.

SALM 46:4

Ka don ka wah kaba wallam ka jingkmen sha ka nongbah jong U Blei, sha ka ïing bakyntang jong u Bahakhlieh Tam Eh.

SALM 48:8

Ngi la ïohsngew ïa kaei kaba U Blei u la leh, bad mynta ngi la ïohi ïa kata Ha ka nongbah jong U Blei jong ngi, U Trai Badonbor Baroh; un pynlong ïa ka nongbah kaba lait na ka jingma junom.

SALM 87:3

To shahshkor, ko nongbah U Blei, ïa kiei kiei kiba phylla ba u ïathuh shaphang jong pha:

ISAÏAH 62:2

Ko Jerusalem, ki jaitbynriew kin ïohi ba pha ïoh ka jingjop! bad ki syiem jong ki baroh kin ïohi ïa ka burom jong pha. Yn khot ïa pha da ka kyrteng kaba thymmai, ka kyrteng ba U Trai hi u ai.

ISAÏAH 65:15

Ki briew ba la jied jong nga kin pyndonkam ïa ka kyrteng jong phi kum ka jingtim. Ma nga, U Trai nongsynshar ngan pynïap ïa phi. Hynrei ngan ai ka kyrteng bathymmai ha kito kiba kohnguh ïa nga.

JEREMAÏAH 1:18

To shahshkor, ko Jeremaïah! Uwei pa uwei ha kane ka ri — ki syiem ka Judah, ki rangbah synshar, ki lyngdoh, bad ki briew — kin long pyrshah ïa me. Hynrei ha kane ka sngi nga ai ha me ka jingkhlaiñ ban ïeng pyrshah ïa ki; men long kum ka nongbah ba la ker kynroh, u rishot nar, bad ka kynroh rnong. Kin ym lah ban jop ïa me, naba ngan don lem bad me ban ïada ïa me. Ma nga, U Trai nga la kren.”

ESEKIEL 40:49

Ki mawkyrdon ki lam sha ka kamra rung ha kaba ka la long shiphew mitar ka pyngkiang bad hynriew mitar ka jingjylliew. La don ar tylli ki païa, uwei ha kawei kawei ka liang jong ka tyngkong.

ESEKIEL 48:35

Ka lynter baroh jong ka kynroh ha baroh sawdong ka nongbah ka long khyndai hajar mitar. Ka kyrteng jong ka nongbah naduh mynta kan long, “U Trai U Don Hangne!”

MARKOS 12:16

Ki la wallam ïa kawei ka sbai rupa, bad u la kylli, “Ka durkhmat bad ka kyrteng jongno kine?” “Ka jong u patsha,” ki la ong.

GALATIA 2:9

U Jakob, u Petros, bad u Ïoannis, kiba i ba ki long ki nongïalam, ki la tip ba U Blei u la ai ha nga ïa kane ka kam bakyrpang; kumta ki la ïakhublei kti ïa u Barnabas lem bad ïa nga de, kum ka dak ba ngi ïalong baroh ki nongïatrei lang. Ngi la ïamynjur ba u Barnabas bad nga, ngin ïatrei hapdeng ki Jentil, bad ki pat hapdeng ki Jiw.

EPHESOS 3:15

na uba man la ka longïing ha bneng bad ha ka pyrthei ka ïohpdiang ïa la ka kyrteng kaba shisha.

HEBRU 12:22

Pynban, phi la wan sha u lum Seïon bad sha ka nongbah jong U Blei uba im, ka Jerusalem kaba kynja bneng, ha kaba la don bun hajar ki angel.

HEBRU 13:14

Naba ym don ka nongbah kaba ïaineh na ka bynta jong ngi hangne ha pyrthei, ngi ap khmih ïa ka nongbah ka ban sa wan.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

JINGPYNPAW 14:1

Te nga la peit, bad la don U Khunlangbrot uba ïeng halor u lum Seïon; lem bad u la don shi lakh sawphew saw hajar ngut ki briew kiba la don ïa ka kyrteng jong u, bad ïa ka kyrteng jong U Kpa jong u ïa kaba la thoh ha ki shyllangmat jong ki.

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 2:11

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ïa kito kiba ïoh ïa ka jingjop, yn ym pynsniew ïa ki da ka jingïap kaba ar.

JINGPYNPAW 2:17

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ha kito kiba ïoh ïa ka jingjop ngan ai katto katne ka manna ba la buhrieh. Ngan ai ruh ha uwei pa uwei na ki ïa u maw balieh ha uba la thoh ïa ka kyrteng bathymmai kaba ym don mano mano batip lait noh tang uta uba ïohpdiang ïa ka.

JINGPYNPAW 2:7

“Te lada pha don ki shkor, shahshkor ïa kaei kaba U Mynsiem u ong ïa ki balang! Ha kito kiba ïoh ïa ka jingjop ngan ai ban bam ïa u soh na u dieng ka jingim uba mih ha ka Kper U Blei.

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.

JINGPYNPAW 22:4

Kin ïohi ïa ka durkhmat jong u, bad ïa ka kyrteng jong u yn thoh ha ki shyllangmat jong ki.

JINGPYNPAW 3:5

Ïa kito kiba ïoh ka jingjop yn pynkup ïa ki kumne ha ki jaiñkup balieh, bad ngan ym weng noh ïa ki kyrteng jong ki na ka kitab jong kiba im. Ha ka jingdon ryngkat jong U Kpa jong nga bad ki angel jong u, ngan pynbna paidbah ba ki long ki jong nga.