JINGPYNPAW 3:11 - Khasi CL Bible (BSI)

¹¹ Ngan wan kloi. Sumar kyndong ïa kaei kaba pha don, khnang ba yn ym don uno uno u ban lute na pha ïa ka bainong jong ka jingjop.

KA BAIBL

¹¹ Ha khmih, nga wan kloi: to bat skhem ïa kata kaba pha don, ba uno uno ruh un ym shim ïa ka pansngiat jong pha.

JINGPYNPAW 3:11 ပူးပေါင်းရင်းမြစ်များ

SEPHANAÏAH 1:14

Ka sngi bakhraw jong U Trai ka la jan — ka la jan eh bad ka wan kloi! Kata kan long ka sngi kaba kthang, namar wat ki shipai kiba shlur tam kin kyang jam ha ka jingnoh mynsiem!

1 KORINTH 9:25

Man uwei pa uwei u nongïamareh uba don ha ka jingshah hikai, u pyndem ha ka jinghikai kaba pyrkhing, khnang ba yn pynphong da ka pansngiat sla dieng ka bymneh; hynrei ma ngi pat ngi ïaleh na ka bynta kata ka ban neh junom la junom.

PHILIPPI 4:5

To pynpaw ïa ka jinglong jemnud sha uwei pa uwei baroh. U Trai u la jan wan.

2 TIMOTHI 2:5

U nongmareh thong uba mareh ïa ka thong un ym lah ban ïoh ïa ka prais lymda u kohnguh ïa ki rukom pynïaid.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

JAKOB 5:9

To wat ïakren khñium paralok hi, ko parabangeit jong nga, ba U Blei un ym bishar ïa phi. U Nongbishar u la jan, u la kloi ban wanpaw.

JINGPYNPAW 1:3

Suk uta uba pule ïa kane ka kitab, bad suk kito kiba shahshkor ïa ki ktien jong kane ka khubor jong ka jingïathuhlypa bad kiba kohnguh ïa kaei kaba la thoh ha kane ka kitab! Naba ka por ka la jan haba baroh kine kiei kiei kin sa jia.

JINGPYNPAW 16:15

“To shahshkor! Nga wan kum u nongtuh! Suk uta uba peitmat bad uba sumar ïa la ki jaiñkup, khnang ba un ym ïaid lyngkhuit kylleng bad shah pynlehrain ha khmat ki briew!”

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

JINGPYNPAW 2:25

Hynrei tad ynda ngan wan, pha dei ban batskhem ïa kaei kaba pha don.

JINGPYNPAW 22:12

“Shahshkor!” ong U Jisu. “Nga wan kloi! Ngan wallam ïa ki bainong jong nga, ban ai ha uwei pa uwei kat kum kaei kaba u la leh.

JINGPYNPAW 22:20

Uta uba ai ïa ka jingphla jong u ha kane baroh, u ong, “Ho-oid da shisha! Nga wan kloi!” Ai kan long kumta. To wan, Trai Jisu!

JINGPYNPAW 22:7

“Shahshkor!” ong U Jisu. “Nga wan kloi! Suk kito kiba kohnguh ïa ki ktien ïathuhlypa kiba hapoh kane ka kitab!”

JINGPYNPAW 3:3

Kynmaw te, ïa kaei kaba la hikai ïa pha bad ïa kaei kaba pha la ïohsngew; kohnguh ïa kata bad phai noh na ki pop jong pha. Lada pham kyndit bynriew noh, ngan wan ha pha kum u nongtuh, bad phan ym lah wat ban tip ïa ka por lano ngan wan.

JINGPYNPAW 4:10

Haba ki leh kumta, kita ki arphew saw ngut ki nongsharai balang ki la dem khrup ha khmat uta uba shong halor ka khet, bad mane ïa u, uba im junom la junom. Ki bret ïa ki pansngiat jong ki ha khmat jong ka khet bad ki ong,

JINGPYNPAW 4:4

Sawdong ïa ka khet, la don arphew saw tylli kiwei pat ki khet, ha kaba la shong arphew saw ngut ki nongsharai balang kiba la riam da kaba lieh bad phong ki pansngiat ksiar.